Mose II, 22:24 - BAIBLO ALOO NGMAMI KLƆUKLƆU Ɔ

²⁴ nɛ ye mi mi ma fu wawɛɛ, nɛ ma gbe nyɛ ngɛ ta mi. Nyɛ yi ɔmɛ maa pee yalɔyihi, nɛ nyɛ bimɛ ɔmɛ maa pee awusahi.

Mose II, 22:24 ပူးပေါင်းရင်းမြစ်များ

La 109:9

E bimɛ nɛ a ye awusa, nɛ́ e yo ba pee yalɔyo!

Yeremia 15:8

I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.

Kɔmɔ Yemi 5:3

Wa pee awusa bimɛ; wa tsɛmɛ be je mi, nɛ wa nyɛmɛ pee yalɔyihi.

La 69:24

O mi mi nɛ fu mɛ wawɛɛ; o mi mi la nɛ nya wa nɛ ɔ nɛ ba a nɔ tlukaa.

Hebribi 10:31

Nɔ nɛ Mawu hɛ kalɔ ɔ nine maa gbe lɛ ɔ, musu tloo lɛ!

Luka 6:38

Nyɛɛ ke nyɛ sibi ní, nɛ Mawu hu maa ke nyɛ ní ja nɔuu. Ee, Mawu maa ke nyɛ ní kpakpahi babauu nɛ nyɛ nine be he kpee, níhi kaa blɛfo nɛ a gbee nɔ, nɛ a sa mi, nɛ a bo ngɔ wo kotoku mi bami, nɛ e hyi tɔ kɛ be nɔ. Susumi nɔ́ nɛ nyɛɛ kɛ susuɔ nɔ́ ha ni kpahi ɔ, lɔ ɔ nɔuu a kɛ ma susu ha nyɛ.”

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

La 76:7

Niinɛ, o he ngɛ gbeye! Ke o mi mi fu ɔ, mɛnɔ ma nyɛ o hɛ mi maa da?

Hiob 31:23

Se akɛnɛ i yeɔ Mawu Hewamitsɛ ɔ tue gblami ɔ gbeye he je ɔ, i be nyɛe ma pee nɔ́ ko kaa ja.

La 109:2

Yiwutsotsɛmɛ, kɛ lakpatsɛmɛ te si kɛ wo mi; lakpa munyu sɔuu a ngɛ tue ngɛ ye he.

Mose III, 25:35

Ke e fi o nyɛmi Israel fɔfɔɛ, nɛ e dɛ mi ta, nɛ e nyɛ we nɛ e hyɛ e he nɔ hu ɔ, moo hyɛ e nɔ. O kɛ lɛ nɛ hi si kaa nubwɔ nɛ ba to mo, konɛ e nyɛ nɛ e hi o ngɔ.

Mose III, 25:36

Ke o pa nɔ́ ko ha o nyɛmi ɔ, ko he nɔ́ ko kɛ bɔ he; ye o Mawu ɔ gbeye, konɛ o ha nɛ o nyɛmi ɔ nɛ hi o kasa nya.

Mose V, 23:20

Se ke o pa nɔ́ ko ha nɔ nɛ pi Israel no ji lɛ ɔ, o ma nyɛ ma he lɛ hekpa. Ke o ye mlaa nɛ ɔ nɔ ɔ, Yawɛ, o Mawu ɔ maa gbaa nɔ́ tsuaa nɔ́ nɛ o ma tsu ngɛ zugba a nɛ o yaa ngɔ ɔ nɔ ha mo.

Mose V, 23:21

“Ke o wo Yawɛ, o Mawu ɔ si ɔ, ye nɔ; koo to tsle. Yawɛ hyɛɛ blɔ kaa o ye o siwo ɔ nɔ; nɛ ke o pee we ja a, e ji tɔmi.

Nehemia 5:7

nɛ i to ye yi mi kaa ma pee he nɔ́ ko amlɔ. I kuɛ wo ma nimeli ɔmɛ, kɛ ma ní tsuli ɔmɛ, nɛ i kã a hɛ mi ke, “Nyɛ ngɛ nyɛ nitsɛmɛ nyɛ nyɛmimɛ ɔmɛ yi mi wae!” Jehanɛ i tsɛ ma a kpe, konɛ waa hyɛ munyu nɛ ɔ mi.

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.