Mose II, 22:22 - BAIBLO ALOO NGMAMI KLƆUKLƆU Ɔ

²² Nyɛ ko wa yalɔyo, aloo awusa yi mi.

Mose II, 22:22 ပူးပေါင်းရင်းမြစ်များ

Yesaya 1:17

nɛ nyɛɛ kase kpakpa peemi. Nyɛɛ ye dami sane; nihi nɛ a ngɛ mɛ yi mi wae ɔ, nyɛɛ ye a sane ha mɛ; nyɛ ha awusahi a blɔ nya níhi, nɛ nyɛɛ ye yalɔyihi a sane ha mɛ.”

Mose V, 24:17

“Ko plɛ nubwɔ nɛ ba ngɛ o ma a mi, kɛ awusa a sane hɛ mi kɛ bu si; nɛ ko he yalɔyo he ha nɔ́ kaa awaba tomi nɔ́.

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

Zakaria 7:10

Yalɔyihi, awusahi, nibwɔhi, kɛ nihi nɛ e fi mɛ ɔ, nyɛ ko wa mɛ yi mi. Jehanɛ hu, nyɛ ko to nyɛ sibi a he ga yaya.’

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

Yesaya 10:2

Jã nyɛ peeɔ kɛ kpɔɔ ohiatsɛmɛ a blɔ nya níhi ngɛ a dɛ, nɛ nyɛ yi dami sane ha we mɛ. Jã nyɛ peeɔ kɛ kpɔɔ yalɔyihi kɛ awusahi a weto ní ngɛ a dɛ.

Mose V, 27:19

“ ‘Mawu maa gbiɛ nɔ tsuaa nɔ nɛ plɛɔ nibwɔhi, awusahi, kɛ yalɔyihi a sane hɛ mi buɔ si.’ “Ma a tsuo ma he nɔ ke, ‘Amen!’

Mose V, 10:18

E hyɛɛ kaa a ye awusahi, kɛ yalɔyihi a sane pɛpɛɛpɛ ha mɛ. E suɔ nihi nɛ ba to wɔ nibwɔ ɔ, nɛ e haa mɛ a niye ní, kɛ a heha ní.

Mose V, 24:18

Mo kai kaa o ye nyɔguɛ ngɛ Egipt, nɛ Yawɛ, o Mawu ɔ ha o ye o he, lɔ ɔ he nɛ i ngɛ mo mlaa nɛ ɔ woe ɔ nɛ.

Hiob 31:16

Ke nɔ́ ko hia ohiatsɛ ɔ, i haa lɛ; yalɔyihi hu, i ha we nɛ a hɛngmɛ nɔ daa nyu.

Abɛ Womi 23:10

Koo hɛ blema buna kɛ ya se; nɛ ko ya sɛ awusahi a ngmɔ mi.

Abɛ Womi 23:11

Ejakaa a kpɔlɔ ɔ ngɛ he wami nɛ e kɛ mo ma na, nɛ e maa ye sane ɔ ha mɛ.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Yeremia 7:7

Ke nyɛ tsake ɔ, zugba nɛ ɔ nɛ i ngɔ kɛ ha nyɛ nɛmɛ blema ko ɔ, ma ha nɛ nyɛ maa hi nɔ, nɛ e maa pee nyɛ weto ní.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Mose V, 15:9

Ke jeha nɛ a kɛ hiɔ kee nɔ ɔ su ta po, ko kua kaa o maa pa lɛ nɔ́ ko. Ko ha susumi yaya kaa kikɛ nɛ ɔ nɛ ba o yi mi. Ke o kua lɛ nɔ́ nɛ hia lɛ ɔ hami, nɛ e fa kue ha Yawɛ kɛ si mo ɔ, a maa bu mo fɔ.

Hiob 34:28

A ha nɛ ohiatsɛmɛ kpa ngmlaa kɛ ba Mawu yemi kɛ buami, nɛ Mawu nu nɔ́ nali ɔmɛ a kue fami ɔ.

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

Abɛ Womi 22:23

Yawɛ nitsɛ maa ye jamɛatsɛmɛ ɔmɛ a sane ha mɛ. Ke nɔ ko wo a susuma he gbeye ɔ, Yawɛ maa wo lɛ hu e susuma he gbeye ja nɔuu.

Mateo 23:14

Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ kpɔɔ yalɔyihi a wehi ngɛ a dɛ. Kɛkɛ ɔ, nyɛ ya peeɔ sɔlemi gagaaga! Enɛ ɔ he ɔ, nyɛ tue gblami ɔ maa pee gbeye.]