Mose II, 22:10 - BAIBLO ALOO NGMAMI KLƆUKLƆU Ɔ

¹⁰ “Ke nɔ ko ngɔ e teji, loo na, loo to, loo lohwe kpa ko ngɔ ha e nyɛmi si tomi, nɛ lohwe ɔ gbo, aloo a plaa lɛ, aloo nihi ba po lohwe ɔ kɛ je nɛ nɔ ko nɛ ɔ,

Mose II, 22:10 ပူးပေါင်းရင်းမြစ်များ

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Luka 16:11

Ke je nɛ ɔ mi ní po nyɛ yi anɔkuale ngɛ mi ɔ, mɛnɔ maa tu ní nami nitsɛnitsɛ ɔ ngɔ wo nyɛ dɛ mi?

Luka 12:48

Se nɔ nɛ li, nɛ e ya pee nɔ́ nɛ sa tue gblami ɔ, a maa fia lɛ kpa bɔɔ pɛ. Nɔ tsuaa nɔ nɛ a ha lɛ fuu ɔ, a ma bi fuu si ngɛ e dɛ; nɔ nɛ a tu nɔ́ nɛ pe ja po ngɔ wo e dɛ mi ɔ, a ma bi fuu si ngɛ e dɛ.

Mose I, 39:8

Yosef kplɛɛ we; nɛ e de e nyɔmtsɛ ɔ yo ɔ ke, “Hyɛ, ye nyɔmtsɛ gba we e he nya ngɛ nɔ́ ko nɔ́ ko he ngɛ we nɛ ɔ mi, ejakaa i ngɛ hiɛ ɔ. E to e nɔ́ tsuaa nɔ́ ngɔ wo ye dɛ.

Mose II, 22:9

“Ke na, loo teji, loo to, loo heha ní, loo nɔ́ kpa ko laa, nɛ nihi enyɔ ngɛ he plee ɔ, a ngɔ mɛ kɛ ba Mawu hɛ mi. A ti nɔ nɛ Mawu maa bu fɔ ɔ maa wo nɔ́ nɛ a ngɛ he plee ɔ he hiɔ ngwɔhe enyɔ kɛ ha nɔtsɛ ɔ.

Mose II, 22:11

nɔ nɛ a ha lɛ nɔ́ si tomi ɔ nɛ ya ka Yawɛ kita ha e nyɛmi ɔ kaa e nine tɛ lohwe ɔ he. Ke e pee ja a, kɛkɛ lɛɛ e sa nɛ lohwetsɛ ɔ nɛ kplɛɛ nɔ kaa e nyɛmi ɔ be nane mi ko nɛ e toɔ.