Mose II, 22:1 - BAIBLO ALOO NGMAMI KLƆUKLƆU Ɔ

^1-4 “Ke nɔ ko ya ju na nɛ e gbe, loo e jua a, a ma he lɛ na enuɔ kɛ to na kake ɔ nya; ke to ɔ, lɛɛ a ma he lɛ to eywiɛ kɛ to to kake ɔ nya. Ke a na lohwe ɔ nɛ e ju ɔ ngɛ e dɛ hɛ ngmengmle ɔ, na jio, teji jio, to jio, lohwe kake he ɔ, e wo lohwe enyɔ nya hiɔ. Ke nɔ́ ko be e dɛ ɔ, a jua lɛ kaa nyɔguɛ nɛ a kɛ wo nɔ́ nɛ e ju ɔ he hiɔ. “Nyɔ mi ke a nu julɔ nɛ ngɛ we ko mi sɛe, nɛ a fia lɛ nɔ́ nɛ a gbe ɔ, nɔ nɛ gbe lɛ ɔ yi fɔ kaa e gbe nɔmlɔ. Se ke piani nɛ e ba mi ja a, lɛɛ nɔ nɛ gbe julɔ ɔ yeɔ fɔ kaa e gbe nɔmlɔ.

Mose II, 22:1 ပူးပေါင်းရင်းမြစ်များ

Luka 19:8

Zakeo te da si nɛ e de Nyɔmtsɛ ɔ ke, “Nyɔmtsɛ, bu tue! Ma ngɔ ye níhi fa kɛ ha ohiatsɛmɛ. Ke i sisi nɔ ko ɔ, nɔ́ nɛ i kpɔ ngɛ e dɛ yaka a, ma ku ngɔ bɔ he si eywiɛ ha lɛ.”

Samuel II, 12:6

Jehanɛ se hu, kaa e nyɛ pee nɔ́ nɛ ɔ nɛ mɔbɔ nami ko be e mi ɔ, e sa kaa e to jijɔ bi ɔ nane mi totoe eywiɛ.”

Abɛ Womi 6:31

Ke a nu lɛ ɔ, e maa ngɔ e weto ní tsuo tete kɛ to nane mi ha nɔtsɛ ɔ totoe kpaago kɛ bɔ he.

Mose IV, 5:7

e jaje yayami nɛ e pee ɔ, nɛ e to e yayami ɔ nane mi sisiisi. Jehanɛ, e ngɔ nane mi tomi nɔ́ ɔ mi dlami enuɔ mi kake kɛ bɔ he ha nɔ nɛ nɔ nɛ e tɔ ɔ.

Abɛ Womi 14:4

He nɛ na be nɛ a kɛ maa gbla na kpakplaa kɛ hu ɔ, blɛfo gba mi fɔɔ si gu. Ke na ngɛ ɔ, lɔ ɔ lɛɛ gba a mi hyiɔ tɔ.

Mose II, 21:36

Se ke a ná le kaa na a pɔɔ nɔ koli simi, se natsɛ ɔ hyɛ we nɛ a wo na a tsu mi ɔ, lɛɛ nɔ nɛ e na nɛ ya si na koli ɔ nɛ ngɔ na hɛngmengmletsɛ ɔ kɛ to na gbogboe ɔ nane mi ha e nyɛmi ɔ, konɛ lohwe gbogboe ɔ nɛ pee e nɔ.

Ezekiel 33:15

Lɔ ɔ ji kaa nɔ́ ko nɛ a kɛ ba to awaba ngɛ e ngɔ ɔ, e kpale kɛ ya ha nɔtsɛ; aloo nɔ́ ko nɛ e ya ju ɔ, e kpale ya ha nɔtsɛ. Ke e kpa yayami peemi, nɛ e bɔni mlaahi nɛ haa nɔ wami ɔ a nɔ yemi ɔ, e be gboe; e yi ma na wami.

Yeremia 2:34

Ohiatsɛmɛ nɛ pee we yayami ko a muɔ ji so nɛ ngɛ nyɛ tadehi a mi; pi ojo fiali a muɔ. “Se enɛ ɔmɛ tsuo a se ɔ,