Mose II, 21:36 - BAIBLO ALOO NGMAMI KLƆUKLƆU Ɔ

³⁶ Se ke a ná le kaa na a pɔɔ nɔ koli simi, se natsɛ ɔ hyɛ we nɛ a wo na a tsu mi ɔ, lɛɛ nɔ nɛ e na nɛ ya si na koli ɔ nɛ ngɔ na hɛngmengmletsɛ ɔ kɛ to na gbogboe ɔ nane mi ha e nyɛmi ɔ, konɛ lohwe gbogboe ɔ nɛ pee e nɔ.

Mose II, 21:36 ပူးပေါင်းရင်းမြစ်များ

Mose II, 21:29

Se ke na a pɔɔ nihi koli simi, nɛ a tu munyu tsɔɔ natsɛ ɔ, se kɛ̃ e hyɛ we nɛ a wo na a tsu mi, nɛ e ba mi kaa e ya si nɔ ko koli nɛ e gbe nɔ ɔ, nyumu jio, yo jio, a fia na a tɛ nɛ e gbo, nɛ natsɛ ɔ hu a gbe lɛ.

Mose II, 21:35

Ke nɔ ko na ku ya gbe e nyɛmi na a, natsɛmɛ enyɔ ɔmɛ nɛ a jua na hɛngmengmletsɛ ɔ, nɛ a gba sika a fiee; lohwe gbogboe ɔ hu a dla lɛ fiee.

Mose II, 22:1

“Ke nɔ ko ya ju na nɛ e gbe, loo e jua a, a ma he lɛ na enuɔ kɛ to na kake ɔ nya; ke to ɔ, lɛɛ a ma he lɛ to eywiɛ kɛ to to kake ɔ nya. Ke a na lohwe ɔ nɛ e ju ɔ ngɛ e dɛ hɛ ngmengmle ɔ, na jio, teji jio, to jio, lohwe kake he ɔ, e wo lohwe enyɔ nya hiɔ. Ke nɔ́ ko be e dɛ ɔ, a jua lɛ kaa nyɔguɛ nɛ a kɛ wo nɔ́ nɛ e ju ɔ he hiɔ. “Nyɔ mi ke a nu julɔ nɛ ngɛ we ko mi sɛe, nɛ a fia lɛ nɔ́ nɛ a gbe ɔ, nɔ nɛ gbe lɛ ɔ yi fɔ kaa e gbe nɔmlɔ. Se ke piani nɛ e ba mi ja a, lɛɛ nɔ nɛ gbe julɔ ɔ yeɔ fɔ kaa e gbe nɔmlɔ.

Mose III, 24:18

Ke nɔ ko gbe nɔ ko lohwe ɔ, e to nane mi. A ngɔ wami kɛ to wami nane mi.