Mose II, 21:26 - BAIBLO ALOO NGMAMI KLƆUKLƆU Ɔ

²⁶ “Ke nyumu ko fia e nyɔguɛ nyumu, loo nyɔguɛ yo hɛngmɛ nɔ́ nɛ hɛngmɛ ɔ pɛ ɔ, hɛngmɛ ɔ he je ɔ, e ngmɛɛ nyɔguɛ ɔ he nɛ e ho.

Mose II, 21:26 ပူးပေါင်းရင်းမြစ်များ

Kolosebi 4:1

Nyɔmtsɛmɛ, nyɛɛ hɛɛ nyɛ nyɔguɛ ɔmɛ saminya ngɛ blɔ nɛ da nɔ. Nyɛ na nyɛɛ le kaa nyɛ hu nyɛ ngɛ Nyɔmtsɛ ngɛ hiɔwe.

Efesobi 6:9

Nyɔmtsɛmɛ, nyɛɛ kɛ nyɛ nyɔguɛ ɔmɛ nɛ hi si ja nɔuu kɛ̃ nɛ nyɛɛ jɔɔ a susuma he gbeye womi. Nyɛ kai kaa nyɛɛ kɛ nyɛ nyɔguɛ ɔmɛ tsuo ɔ, Nyɔmtsɛ kake lɛ nyɛ ngɛ ngɛ hiɔwe, nɛ e hyɛ we nɔ hɛ mi.

La 10:18

Moo ye awusahi, kɛ nɔ́ nali a sane ha mɛ, konɛ nɔmlɔ adesa kó wo a he gbeye hu.

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Nehemia 5:5

Waa kɛ Yuda bi ɔmɛ tsuo ɔ, ni kake ji wɔ. Anɛ wa bimɛ tsɔwi ɔmɛ kɛ mɛ hu a bimɛ tsɔwi ɔmɛ sɔɛ lo? Se fimi nya a, e hia kaa waa jua wa bimɛ ɔmɛ kaa nyɔguɛhi. Wa jua wa biyi ɔmɛ ekomɛ momo kaa nyɔguɛhi, nɛ wa be nɔ́ ko nɔ́ ko hu; ejakaa a kpɔ wa zugba amɛ, kɛ wai ngmɔ ɔmɛ ngɛ wa dɛ.”

Mose V, 16:19

A ko ye tue kpɛkpɛɛ sane; nɛ a ko hyɛ nɔ hɛ mi. A ko he nyɔ mi ní; ejakaa nyɔ mi ní hemi yuɔ ní leli po a hɛngmɛ, nɛ e haa a plɛɔ munyu hɛ mi buɔ si.

Mose II, 21:20

“Ke nɔ ko ngɔ tso kɛ fia e nyɔguɛ nyumu, loo yo, nɛ e gbo ngɛ e dɛ mi ɔ, a gbla e tue.

Mose II, 21:25

loo e he ko sã, loo pa ba e he, loo e he ko kpɔ ɔ, a pee nɔ ɔ ja nɔuu kɛ to nane mi.

Mose II, 21:27

Ke e fia e nyɔguɛ nyumu, loo nyɔguɛ yo nɔ́, nɛ e lungu hia a, lungu ɔ he je ɔ, e ngmɛɛ nyɔguɛ ɔ he nɛ e ho.

Mose II, 21:24

loo e hɛngmɛ pɛ, loo e lungu hia, loo e nine, loo e nane plaa,