Mose II, 21:2 - BAIBLO ALOO NGMAMI KLƆUKLƆU Ɔ

² Ke mo nɔ ko o he Hebri no nyɔguɛ ɔ, e ma sɔmɔ mo jeha ekpa. Jeha nɛ ji kpaago ɔ, e ye e he nɛ o ko he nɔ́ ko ngɛ e dɛ.

Mose II, 21:2 ပူးပေါင်းရင်းမြစ်များ

Mose V, 15:18

E ko wa ha mo kaa o maa ngmɛɛ nyɔguɛ ko he nɛ e ye e he. Ke o maa bu nya a, e sɔmɔ mo jeha ekpa sɔuu, nɛ apaatsɛ hiɔwo fa pɛ o puɛ ngɛ e he. Pee bɔ nɛ i ngɛ mo dee nɛ ɔ, nɛ Yawɛ, o Mawu ɔ maa gbaa o nine nya ní tsumi tsuo nɔ.

Mose II, 12:44

Se nyɔguɛ nɛ a he ma nyɛ nɛ e ye eko ke a po lɛ se.

Nehemia 5:8

I de ke, “Wɔɔ lɛɛ wa ngɛ mɔde bɔe kaa wa ma kpɔ wa nyɛmimɛ Yuda bi ɔmɛ nɛ hiami nya a, a jua a he ngɔ ha nibwɔhi ɔ. Se nyɛɛ lɛɛ nyɛ ngɛ nyɛ nitsɛmɛ nyɛ nyɛmimɛ ɔmɛ a nɔ nyɛe kaa a jua a he ngɔ ha nyɛ a nyɛmimɛ Yuda bi!” Ma nimeli ɔmɛ pee kɔ̃; ejakaa a be nya jemi ko.

Mose V, 31:10

E fa mɛ ke, “Daa jeha kpaagone ɔ, ke e su be nɛ a kɛ hiɔhi maa ke ɔ, nyɛɛ kane mlaa nɛ ɔ wawɛɛ nɛ a nu ngɛ Gbasisihimi nyami be ɔ.

Mose V, 15:1

“Jeha kpaagone tsuaa jeha kpaagone se ɔ, ke nɔ ko hɛɛ mo hiɔ ɔ, kɛ ke lɛ.

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

Mateo 18:25

Se akɛnɛ e nyɛ we nɛ e wo hiɔ ɔ, e nyɔmtsɛ ɔ fa ke a jua lɛ, kɛ e yo, kɛ e bimɛ, kɛ níhi tsuo nɛ e ngɛ ɔ nɛ a kɛ wo hiɔ ɔ.

Matsɛmɛ II, 4:1

Gbali ɔmɛ a kuu ɔ mi no ko e yo ya fa kue ha Elisha, nɛ e de lɛ ke, “O tsɔlɔ, nɛ ji imi lɛɛ ye huno ɔ, e gbo. Nɛ kaa bɔ nɛ o le ɔ, o tsɔlɔ ɔ yeɔ Yawɛ gbeye. Se nyumu ko nɛ e ya pa sika ngɛ e dɛ ɔ ba nu ye binyumuwi enyɔ ɔmɛ kɛ pee e nyɔguɛhi.”

Mose I, 27:36

Esau de ke, “E biɛ Yakob ɔ di e he, ejakaa enɛ ɔ ji si enyɔ sɔuu nɛ e sisi mi. E he ye bitɛte blɔ nya a momo, nɛ amlɔ nɛ ɔ hu e ba he ye gbaami ɔ! Anɛ o si we gbaami ɔ eko ha we mi lo?”

Mose I, 27:28

Mawu nɛ ha mo bɔ́ kɛ je hiɔwe, nɛ o zugba a nɛ ba ní, nɛ o na blɛfo kɛ wai babauu.

Mose II, 21:3

Ke lɛ nɔ kake nɛ ba a, lɛ nɔ kake ɔ nɔuu nɛ kpale kɛ ho. Se ke e kɛ e yo ba a, lɛɛ e kɛ e yo ɔ nɛ ho.

Mose II, 21:7

“Ke nyumu ko jua e biyo kaa nyɔguɛ, nɛ he yemi be ɔ su ɔ, a ko ngmɛɛ e he kaa bɔ nɛ a peeɔ nyumu nyɔguɛhi.

Mose III, 25:54

Ke a nyɛ we nɛ a kpɔ lɛ kɛ gu blɔ nɛ ɔmɛ eko nɔ ɔ, lɛɛ ja Heyemi jeha kpa su loko a maa ngmɛɛ e kɛ e bimɛ ɔmɛ a he.