Mose II, 21:1 - BAIBLO ALOO NGMAMI KLƆUKLƆU Ɔ

¹ “Jehanɛ, mlaahi nɛ o maa wo Israel bi ɔmɛ ji nɛ ɔmɛ nɛ.

Mose II, 21:1 ပူးပေါင်းရင်းမြစ်များ

Mose V, 4:14

Yawɛ de mi jamɛ a be ɔ mi ke ma tsɔɔ nyɛ mlaa amɛ tsuo nɛ nyɛ maa ye a nɔ ngɛ zugba a nɛ nyɛ yaa ngɔ ɔ nɔ ɔ.

Mose V, 6:20

“Hwɔɔ se ko ke nyɛ bimɛ bi nyɛ ke, ‘Mɛni he je Yawɛ, wa Mawu ɔ fa wɔ ke waa ye mlaa amɛ tsuo a nɔ ɔ?’

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Ezekiel 20:25

“Lɔ ɔ he ɔ, imi hu i ha mɛ blɔ nya tomi yayahi, kɛ mlaahi nɛ ke nɔmlɔ ye nɔ ɔ, e yi be wami nae.

Ezekiel 20:11

I wo mɛ mlaahi, nɛ i tsɔɔ mɛ blɔ nya tomihi nɛ ke a ye nɔ ɔ, a yi ma na wami.

La 147:19

E wo Israel mlaa, nɛ e tsɔɔ mɛ bɔ nɛ a ja Mawu ha.

Nehemia 10:29

wa piɛ wa ma nimeli ɔmɛ a he kɛ ngɛ kita kae ke gbiɛmi nɛ ba wa nɔ ke wa tɔ kita a. Wa ngɛ kita kae ke Mawu mlaa a nɛ e wo wɔ kɛ gu e tsɔlɔ Mose nɔ ɔ, wa maa ye nɔ. Wa ngɛ kita kae ke níhi tsuo kulaa nɛ Yawɛ, wa Mawu ɔ fa wɔ ke waa pee ɔ, wa maa pee. Wa ngɛ kita kae ekohu ke wa maa ye e mlaa amɛ, kɛ blɔ nya tomi ɔmɛ tsuo a nɔ.

Kronika II, 19:10

Ke nyɛ nyɛmimɛ kojoli ɔmɛ nɛ ngɛ ma amɛ a mi ɔ ngɔ sane ba ha nyɛ nɛ nyɛɛ hyɛ mi ɔ, muɔ si puemi sane jio, Mawu mlaa amɛ, aloo blɔ nya tomi ɔmɛ eko nɔ tɔmi sane jio, nyɛɛ tsɔɔ mɛ bɔ nɛ a ma plɛ kɛ ye sane ɔ ha, nɛ nyɛɛ piɛ a he kɛ ye sane ɔ ngɛ blɔ nɛ da nɔ. Ke nyɛ pee ja a, a be fɔ yee ngɛ Yawɛ hɛ mi; Yawɛ mi mi fumi be nyɛɛ kɛ nyɛ nyɛmimɛ ɔmɛ a nɔ bae. Bɔ nɛ nyɛ maa pee nɛ sɔ̃ be nyɛ tlooe ji nɛ ɔ nɛ.

Matsɛmɛ I, 6:12

“We nɛ o ngɛ mae nɛ ɔ, ke o maa ye ye mlaa amɛ, kɛ ye fami ɔmɛ a nɔ ɔ, lɛɛ ma pee ha mo kaa bɔ nɛ i wo o tsɛ David si ɔ.

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Mose V, 5:31

Se mo Mose lɛɛ, hii hiɛmɛ nɛ ɔ ngɛ ye ngɔ, nɛ ma ha mo mlaa amɛ, kɛ fami ɔmɛ tsuo. O tsɔɔ ma a, nɛ a ye nɔ ngɛ zugba nɛ i ngɛ mɛ hae ɔ nɔ.’

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Mose V, 4:45

Benɛ Israel bi ɔmɛ je Egipt, nɛ a ba su kɔ̃ ɔ nɛ ngɛ Yordan pa a beleku je ngɛ Betpeor hanɔ ɔ, nɛ e ha mɛ mlaa nɛ ɔmɛ ɔ nɛ. Sa a, Amor bi ɔmɛ a matsɛ, Sihon nɛ je Heshbon ɔ nɛ ye zugba nɛ ɔ nɔ. Se Mose kɛ Israel bi ɔmɛ ba ye e nɔ, benɛ a je Egipt kɛ ma a.

Mose V, 4:8

Jehanɛ hu, ma kpetekpleenyɛ te nɛ ngɛ nɛ e mlaahi da kaa ní nɛmɛ tsuo nɛ i ngɛ nyɛ tsɔɔe mwɔnɛ nɛ ɔ?

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose IV, 36:13

Mlaahi nɛ Yawɛ wo Israel bi ɔmɛ, kɛ blɔ nya tomihi nɛ e ha mɛ kɛ gu Mose nɔ, ngɛ Moab nga kplanaa a nɔ, ngɛ Yordan pa a se, ngɛ Yeriko hanɔ ji nɛ ɔmɛ nɛ.

Mose IV, 35:24

lɛɛ ma kpekpemi ɔ nɛ kojo nɔ nɛ fia nɔ nɔ́ ɔ, kɛ muɔ he lue yelɔ ɔ ngɛ kikɛmɛ a mlaa nɛ ɔmɛ a nya.

Mose III, 20:22

Yawɛ de ke, “Nyɛ hɛ nɛ hi ye mlaa amɛ, kɛ ye blɔ nya tomi ɔmɛ tsuo a nɔ, nɛ nyɛɛ ye a nɔ, konɛ nyɛɛ hi Kanaan zugba a nɛ i kɛ nyɛ yaa nɔ ɔ nɔ; ke pi ja a, zugba a maa fie nyɛ kɛ je lejɛ ɔ.

Mose III, 19:37

Nyɛ hɛ nɛ hi ye mlaa amɛ, kɛ ye blɔ nya tomi ɔmɛ tsuo nɔ, konɛ nyɛɛ ye a nɔ. Imi ji Yawɛ.”

Mose III, 18:26

Se nyɛ nitsɛmɛ, kɛ nibwɔhi nɛ ba to nyɛ ɔ lɛɛ nyɛɛ ye ye mlaa amɛ, kɛ ye blɔ nya tomi ɔmɛ a nɔ, nɛ nyɛ ko pee níhi nɛ a hĩɔ nɛ ɔ eko.

Mose III, 18:5

Mlaahi nɛ i wo nyɛ, kɛ blɔ nyahi nɛ i to ha nyɛ ɔ, nyɛɛ ye a nɔ pɛpɛɛpɛ. Ke nyɛ pee ja a, nyɛ yi ma na wami. Imi ji Yawɛ.”

Mose II, 19:7

Mose kple si kɛ ba nɛ e ba tsɛ ma nimeli ɔmɛ, nɛ e ngɔ Yawɛ sɛ gbi ɔ ngɔ ha mɛ.

Mose V, 15:12

“Ke o nyɛmi Hebri no, nyumu jio, yo jio, jua e he kɛ ha mo kaa nyɔguɛ ɔ, ha nɛ e sɔmɔ mo jeha ekpa; nɛ jeha kpaagone ɔ, é ye e he.