Mose II, 20:8 - BAIBLO ALOO NGMAMI KLƆUKLƆU Ɔ

⁸ “Mo kai Hejɔɔmi ligbi ɔ, nɛ o ye lɛ ngɛ mumi mi he tsɔmi mi.

Mose II, 20:8 ပူးပေါင်းရင်းမြစ်များ

Mose I, 2:2

Mawu tsu ní ligbi ekpa, nɛ ligbi nɛ ji kpaago ɔ, e jɔɔ e he.

Mose I, 2:3

E gbaa ligbi nɛ ji kpaago ɔ, nɛ e pee lɛ ligbi klɔuklɔu; jamɛ a ligbi ɔ nɛ e bɔ je ɔ gbe nya, nɛ e jɔɔ e he, ejakaa ní tsumi nɛ e tsu kɛ bɔ je ɔ, e gbe nya.

Nehemia 13:15

Jamɛ a be ɔ, i na ni komɛ ngɛ Yuda nɛ a ngɛ wai yiblii ngae ngɛ Hejɔɔmi ligbi ɔ nɔ. Ni komɛ hu ngɛ tlomi fie kɛ ngɛ a tejihi a nɔ woe kɛ yaa Yerusalem. Tlomi ɔmɛ ji nɛ ɔmɛ nɛ: blɛfo, wai, wai yiblii, ngmɔkɔ, kɛ ní kpa komɛ. I bɔ mɛ kɔkɔ ke Hejɔɔmi ligbi ɔ, a ko jua ní.

Nehemia 9:14

O tsɔɔ mɛ kaa a ye Hejɔɔmi ligbi ɔ klɔuklɔu, nɛ o gu o tsɔlɔ Mose nɔ kɛ ha mɛ o mlaa amɛ.

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Mose II, 31:12

Yawɛ kɛ Mose tu munyu ekohu,

Mose II, 35:1

Mose bua Israel ma a tsuo nya nɛ e de mɛ ke, “Mlaahi nɛ Yawɛ wo nɛ nyɛɛ ye nɔ ji nɛ ɔmɛ nɛ.

Yesaya 56:2

Nihi nɛ baa a je mi saminya, nɛ a pee we yayami, se mohu a yeɔ Hejɔɔmi ligbi ɔ pɛpɛɛpɛ, nɛ a ble we lɛ ɔ, ma gbaa mɛ.”

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Yeremia 17:21

De mɛ ke, ke a suɔ nɛ a yi nɛ na wami ɔ, lɛɛ a ko tloo tlomi ko Hejɔɔmi ligbi ɔ; a ko tloo nɔ́ ko kɛ gu Yerusalem agbo ɔmɛ a mi kɛ ba ma a mi.

Yeremia 17:22

Jehanɛ se hu, a ko tloo nɔ́ ko kɛ je a we ɔmɛ a mi kɛ je kpo Hejɔɔmi ligbi ɔ, nɛ a ko tsu nɔ́ ko hulɔ. Se mohu ɔ, a ye Hejɔɔmi ligbi ɔ kaa ligbi klɔuklɔu kaa bɔ nɛ i wo a nɛmɛ ɔmɛ mlaa ke a pee ɔ.

Yeremia 17:24

“De nimli nɛ ɔmɛ ke a ye imi Yawɛ, ye mlaa amɛ tsuo a nɔ. A ko tloo tlomi ko kɛ gu agbo ɔmɛ a mi ngɛ ma nɛ ɔ mi Hejɔɔmi ligbi ɔ. A ye Hejɔɔmi ligbi ɔ kaa ligbi klɔuklɔu, nɛ a ko tsu nɔ́ ko nɔ́ ko jamɛ a ligbi ɔ.

Ezekiel 20:20

Nyɛɛ pee ye Hejɔɔmi ligbi ɔmɛ klɔuklɔu, nɛ a ba pee okadi nɛ ngɛ i kɛ nyɛ wa kpɛti, konɛ nyɛɛ le kaa imi ji nyɛ Mawu ɔ nɛ.

Mose III, 19:3

Nyɛ ti nɔ tsuaa nɔ nɛ bu e nyɛ kɛ e tsɛ; nɛ e ye Hejɔɔmi ligbi ɔ kaa bɔ nɛ i fa nyɛ ɔ. Imi ji Yawɛ, nyɛ Mawu ɔ nɛ.

Mose III, 19:30

Nyɛɛ ye ye Hejɔɔmi ligbi ɔmɛ, nɛ nyɛɛ ngɔ bu kɛ ha ye he klɔuklɔu ɔ; imi ji Yawɛ.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Mose III, 26:2

Nyɛ hɛ nɛ hi Hejɔɔmi ligbi ɔmɛ a nɔ, nɛ nyɛɛ bu ye he klɔuklɔu ɔ, he nɛ a jaa mi ngɛ ɔ; imi ji Yawɛ.

Mose IV, 15:32

Benɛ Israel bi ɔmɛ ngɛ nga a nɔ ɔ, e ba mi kaa a ya na nyumu ko nɛ ngɛ lɛ́ lɛe Hejɔɔmi ligbi ɔ.

Mose V, 5:12

“ ‘Mo kai Hejɔɔmi ligbi ɔ, nɛ o ye lɛ ngɛ mumi mi he tsɔmi mi, kaa bɔ nɛ imi Yawɛ, o Mawu ɔ fa mo ɔ.