Mose II, 20:7 - BAIBLO ALOO NGMAMI KLƆUKLƆU Ɔ

⁷ “Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Mose II, 20:7 ပူးပေါင်းရင်းမြစ်များ

Mose I, 27:20

Isak bi Yakob ke, “Kɛ e ba lɛ kɛɛ loko o he sɔ kɛ ná lo ɔ kikɛ nɛ ɔ?” Yakob he nɔ ke, “Yawɛ, o Mawu ɔ nɛ je lɛ ha mi.”

Matsɛmɛ I, 2:9

Se kɛ̃ ɔ, ko ha nɛ e ye e he. Ní lelɔ ji mo, nɛ o le nɔ́ nɛ sa nɛ o pee; hyɛ nɛ a gbe lɛ.”

Matsɛmɛ II, 5:20

nɛ Mawu nɔmlɔ Elisha tsɔlɔ Gehazi de ke, “Hyɛ kaa ye nyɔmtsɛ ngɔ Naeman, Siria no nɛ ɔ he ngɔ ke lɛ; nɔ́ nɛ e hɛɛ kɛ ba a hu, e he we ngɛ e dɛ. I na Mawu, ma tu fo kɛ fie e se nɛ ma ya he nɔ́ ko ngɛ e dɛ.”

La 139:20

Nimli nɛ ɔmɛ tuɔ musu bɔmi munyu, nɛ a teɔ si kɛ woɔ mo.

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.

Yeremia 34:16

Se nyɛ kpale nyɛ nya se, nɛ nyɛ pue ye hɛ mi si. Nyɛ nyɔguɛhi, nyumuhi kɛ yihi nɛ nyɛ ha nɛ a ye a he ngɛ mɛ nitsɛmɛ a suɔmi nya a, nyɛ ya ngɔ mɛ kɛ ba, nɛ nyɛ ba nyɛ a nɔ nɛ a ba pee nyɛ nyɔguɛhi ekohu.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Ezekiel 39:7

Ma ha ye ma Israel maa le ye biɛ klɔuklɔu ɔ; nɛ i be hae nɛ a ble ye biɛ nɛ he tsɔ ɔ hu. Kɛkɛ ɔ, je ma amɛ tsuo maa le kaa imi Yawɛ ji Israel Mawu Klɔuklɔu ɔ nɛ.”

Mose III, 19:12

“Nyɛ ko ngɔ ye biɛ kɛ ka lakpa kita kɛ wo ye biɛ he mu. Imi ji Yawɛ, nyɛ Mawu ɔ nɛ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

2 Korintobi 1:23

I na Mawu kaa pe i sume nɛ ma hao nyɛ, lɔ ɔ he loko i tsake ye yi mi tomi ɔ, nɛ i bɛ Korinto ɔ nɛ.

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 5:11

“ ‘Ko tsɛ Yawɛ, o Mawu ɔ biɛ yaka gu, ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Yakobo 5:12

Ye nyɛmimɛ nɛ i suɔ, enɛ ɔ tsuo se ɔ, nyɛ ko ka kita. Nyɛ ko ka hiɔwe; nyɛ ko ka zugba, nɛ nyɛ ko ka nɔ́ kpa ko hulɔ. Ke nɔ́ ɔ ngɛ mi anɔkuale ɔ, nyɛ de ke “Ee”; se ke e be mi ɔ, nyɛ de ke, “Dɛbi.” Kɛkɛ ɔ, Mawu be nyɛ fɔ bue.

Yoshua 2:12

Lɔ ɔ he ɔ, nyɛ ka mi kita ngɛ Yawɛ biɛ mi kaa bɔ nɛ i pee nyɛ kpakpa nɛ ɔ, nyɛ hu nyɛ maa pee ye weku li kpakpa ja nɔuu, nɛ nyɛ maa to mi okadi ko.

Yoshua 2:17

Slaali ɔmɛ de yo ɔ ke, “Wa maa ye kita nɛ o ha wa ka mo nɛ ɔ nɔ.

Yoshua 9:20

Wa ma ha nɛ a yi nɛ na wami ngɛ somi ɔ nya; ke pi ja a, Mawu maa gbla wa tue.