Mose II, 20:5 - BAIBLO ALOO NGMAMI KLƆUKLƆU Ɔ

⁵ Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose II, 20:5 ပူးပေါင်းရင်းမြစ်များ

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Samuel II, 21:6

Enɛ ɔ he je ɔ, á ngɔ nɔmlɔ nɛ ɔ binyumuhi kpaago ba ha wɔ nɛ waa sɛu mɛ ngɛ Yawɛ hɛ mi ngɛ Gibeon, ngɛ Yawɛ yo ɔ nɔ.” Matsɛ ɔ he nɔ ke, “Yoo, ma ngɔ mɛ ba ha nyɛ.”

Matsɛmɛ I, 19:10

E he nɔ ke, “Yawɛ Tabohiatsɛ Mawu, i sɔmɔɔ mo daa be tsuaa bekɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe!”

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

Matsɛmɛ II, 17:35

Yawɛ kɛ mɛ so, nɛ e de mɛ ke, “Nyɛ ko ja mawu kpahi, nyɛ ko sɔmɔ mɛ, nɛ nyɛ ko sã bɔ ha mɛ!

Matsɛmɛ II, 17:41

Lɔ ɔ he ɔ, je ma nɛ ɔmɛ sɔmɔɔ Yawɛ, nɛ a jaa mɛ nitsɛmɛ a we amaga amɛ hulɔ. Nɛ bɔ nɛ tsɛmɛ ɔmɛ pee blema a, ja nɔuu nɛ bimɛ ɔmɛ, kɛ bibimɛ ɔmɛ ngɛ pee kɛ ba si mwɔnɛ ɔ.

Matsɛmɛ II, 23:26

Se kɛ̃ ɔ, Yawɛ mi mi fu Yuda wawɛɛ nitsɛ ngɛ níhi nɛ Manase pee ɔ a he; nɛ kɛ ba si jamɛ a be ɔ, e mi mi fumi ɔ nya bɛ si.

Matsɛmɛ II, 5:18

Lɔ ɔ he ɔ, i heɔ yeɔ kaa ke i nyɛɛ ye nyɔmtsɛ matsɛ se kɛ ya Siria mawu ɔ nɛ a tsɛɛ Rimon ɔ we ɔ, nɛ i ya ja lɛ ɔ, Yawɛ kɛ nɔ́ nɛ ɔ maa pa mi. Niinɛ, Yawɛ kɛ maa pa mi.”

Matsɛmɛ II, 5:27

Lɔ ɔ he ɔ, Naeman he womi nɔ hiɔ yaya a ma ba pue o he, nɛ o kɛ o nina maa nu hiɔ nɛ ɔ kɛ maa ya neneene.” Benɛ Gehazi je lejɛ ɔ, he womi nɔ hiɔ yaya pue e he, nɛ e he womi pee patapata kaa ngo.

Kronika II, 25:14

Benɛ Amazia ya ye Edom bi ɔmɛ a nɔ kunimi nɛ e kpale kɛ ma a, e ngɔ a we amaga amɛ kɛ ba. E kɛ mɛ ba ma si, nɛ e ja mɛ, nɛ e sã tsopa kɛ e he via kɛ ha mɛ.

Kronika II, 7:19

Se ke mo, loo o nina jɔɔ ye se nyɛɛmi; ke nyɛ yi mlaa amɛ nɛ i wo nyɛ, kɛ blɔ nya tomi ɔmɛ a nɔ, nɛ nyɛ ya sɔmɔ mawu kpahi ɔ,

Hiob 21:19

Nyɛ deɔ ke Mawu gblaa bimɛ a tue ngɛ a tsɛmɛ a he yayamihi a he. Dɛbi! Ha nɛ Mawu ɔ nɛ gbla yayami peeli ɔmɛ nitsɛmɛ a tue, konɛ a na kaa a he yayami ɔmɛ a he lɛ a ngɛ a tue gblae ɔ nɛ.

Hiob 5:4

A bimɛ ɔmɛ be he jɔmi nae. Ke a kɛ mɛ ya kojomi he ɔ, nɔ ko nɔ ko be a he fae.

La 109:14

Yawɛ mo kai yayamihi nɛ e nɛmɛ ɔmɛ pee ɔ, nɛ e nyɛ he yayami po a ko ngɔ kɛ pa lɛ.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

La 79:8

Koo ngɔ wa nɛmɛ ɔmɛ a he yayami ɔmɛ kɛ gbla wa tue. Pee esɔ nɛ o na wɔ mɔbɔ, ejakaa wa kɔni mi jɔ̃.

La 81:15

Jinɛ ni nɛmɛ nɛ sume imi, Yawɛ ɔ, a kpla si ngɛ ye hɛ mi, nɛ a ngɛ a tue gblae kɛ yaa neneene.

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Abɛ Womi 8:36

Se nɔ nɛ hla we mi ɔ, lɛ nitsɛ e he awi lɛ e ngɛ yee. Nihi tsuo nɛ nyɛɔ mi ɔ, a suɔ gbenɔ.”

Yesaya 44:15

Nɔmlɔ adesa ngɔɔ tso nɛ ɔ fa ko kɛ peeɔ lɛ́ kɛ slɛɔ la nɛ e hluiɔ; nɛ e kɛ sãã abolo hulɔ. E ngɔɔ tso ɔ fa ko hu kɛ peeɔ amaga. E kplaa si ha lɛ, nɛ e jaa lɛ.

Yesaya 44:19

Amaga peelɔ ɔ be juɛmi, loo e kɔ we nɔ́ se nɛ e ma de ke, “Hyɛ kaa i sã tso ɔ fa kaa lɛ́; i sã abolo ngɛ la a mi; i ngɔ la a kɛ sã de lo, nɛ i ye. Anɛ nɔ́ nɛ piɛ ɔ, ma kɛ puɛ amaga lo? Anɛ ma kpla si ha tso kpoku lo?”

Yeremia 2:9

“Lɔ ɔ he ɔ, imi Yawɛ, i kɛ ye ma a maa to ní. I kɛ mɛ, kɛ a nina tsuo maa to ní.

Yeremia 32:18

O jeɔ o suɔmi nɛ se pui gblegbleegble ɔ ngɔ tsɔɔ ni akpeakpe. Se kɛ̃ ɔ, o kɛ tsɛmɛ a tɔmi gblaa bimɛ a tue. Mawu nɛ kle, nɛ ngɛ he wami ji mo; o biɛ ji Yawɛ Tabohiatsɛ.

Ezekiel 18:19

“Se nyɛ biɔ ke, Mɛni he je bi nɛ́ nɔ́ ngɛ e tsɛ yayamihi nɛ e pee ɔ a he ɔ? Ke bi ko yeɔ dami sane, nɛ e peeɔ nɔ́ nɛ da, nɛ e yeɔ mlaa amɛ a nɔ ɔ, niinɛ, e yi ma na wami.

Ezekiel 18:2

“Abɛ nɛ ɔ nɛ kɔɔ zugba a he, nɛ Israel bi ɔmɛ ngɛ bue kpamisa ke, ‘Tsɛmɛ ɔmɛ ye wai yiblii ngmlikiti, nɛ bimɛ ɔmɛ mohu a lungu fĩa’ a, kɛ a ngɛ tsɔɔe kɛɛ ɔ?”

Ezekiel 20:7

I de mɛ ke yakayaka mawuhi nɛ a suɔ nɛ ɔ, a sake mɛ ngɔ pue he, se a ko ngɔ Egipt amagahi kɛ ble a he; ejakaa imi ji Yawɛ, a Mawu ɔ nɛ.

Ezekiel 39:25

Nyɔmtsɛ Yawɛ ke, “Jehanɛ lɛɛ, ma na Yakob nina a mɔbɔ; ma na Israel ma a tsuo mɔbɔ, nɛ ma ha a maa bɔ ekohu. Ma pee enɛ ɔ, konɛ a na kaa nɔ klɔuklɔu ji mi.

Ezekiel 8:3

E je nɔ́ ko kpo kaa nine kɛ nu ye yi bwɔmi. Kɛkɛ nɛ ngɛ nina a mi ɔ, Mawu mumi ɔ wo mi kɛ gu kɔɔhiɔ mi kɛ ya su Yerusalem. E ngɔ mi kɛ ya ma Yawɛ we ɔ we omleyi je agbo ɔ mi. Amaga ko nɛ Mawu hiee wawɛɛ ɔ maa si ngɛ lejɛ ɔ.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Daniel 3:18

Se ke wa Mawu ɔ nyɛ we nɛ e he wa yi wami tete po, nɛnɛ, na nɛ o le kaa o mawu ɔmɛ lɛɛ wa be jae oo wa be jae! Sika tsu amaga a nɛ o puɛ ngɔ ma si ɔ hu, wa be si kplae ha lɛ!”

Mose III, 20:5

imi nitsɛ ye hɛ maa dɔ kɛ wo jamɛ a nɔ ɔ, kɛ e weku li, kɛ nɔ tsuaa nɔ nɛ piɛ e he kɛ ya sɔmɔ Molek ɔ. Ma je mɛ we, nɛ a be mɛ bue ngɔ si ye ma a mi bi ɔmɛ a nɔ hu.

Mose III, 26:1

Yawɛ de ke, “Nyɛ ko puɛ amagahi, nɛ nyɛ ko pee tɛ amagahi, loo titimahi kɛ ma si; nyɛ ko ja mɛ hulɔ; ejakaa imi ji Yawɛ, nyɛ Mawu ɔ nɛ.

Mose III, 26:29

Hwɔ maa ye nyɛ wawɛɛ nitsɛ; nɛ e maa ba mi kaa nyɛ maa ye nyɛ nitsɛmɛ nyɛ bimɛ.

Nahum 1:2

Yawɛ Mawu ɔ, a kɛ lɛ plee we nɔ́ he; e gblaa nihi nɛ tee si kɛ woɔ lɛ ɔ a tue. E gblaa e he nyɛli ɔmɛ a tue bɔ nɛ sa mɛ kɛ yeɔ e he lue.

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’

Mose IV, 14:33

Nyɛ bimɛ maa wo lalaalo ngɛ nga a nɔ jeha nyingmi eywiɛ, nɛ a maa na nɔ́ ngɛ hemi kɛ yemi nɛ nyɛ be ɔ he, kɛ yaa si be nɛ nyɛ nyagbe nɔ ɔ ma gbo fɔ si ngɛ nga a nɔ.

Mose IV, 25:11

“Nɔ́ nɛ Eleazar binyumu Finehas, osɔfo Aaron bibi ɔ pee nɛ ɔ ha nɛ ye mi mi nɛ fu Israel ma a nya ba si. E je hunga ha mi, nɛ enɛ ɔ he je ɔ, i be ye ma a hɛ mi kpatae hu.

Mateo 4:9

nɛ e de Yesu ke, “Ke o kpla si nɛ o ja mi ɔ, ma ngɔ enɛ ɔmɛ tsuo kɛ ha mo.”

Yohane 15:18

“Ke je ɔ ngɛ nyɛ nyɛe ɔ, nyɛ na nɛ nyɛɛ le kaa imi a nyɛ kekle.

Yohane 7:7

Je ɔ be nyɛ nyɛe, se a nyɛɔ mi, ejakaa a yeɔ odase kɛ siɔ mɛ ngɛ ní yayamihi nɛ a peeɔ ɔ he.

Yohane 9:2

Kaseli ɔmɛ bi Yesu ke, “Tsɔɔlɔ, mɛnɔ lɛ pee yayami nɛ a fɔ nɔmlɔ nɛ ɔ hɛ yuyuilɔ ɔ? Lɛ nitsɛ, aloo e fɔli?”

Romabi 1:30

a yeɔ sieku, nɛ a sume Mawu sane; a bui nɔ, a woɔ a he nɔ, a fĩaa, a toɔ nɔ́ yaya he ga, nɛ a bui a fɔli;

Romabi 8:7

Nɔ nɛ susuɔ he lo mi níhi a he ɔ, e ngɛ Mawu nyɛe, ejakaa e bui Mawu mlaa a; pohu e be nɔ nyɛe maa ye tete.

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Mose V, 32:21

A kɛ a we amagahi wo ye mi mi la. A kɛ a yaka mawu ɔmɛ ye ye tsui. Lɔ ɔ he ɔ, ma ngɔ ma gu ko kɛ wo a mi mi la; ma ngɔ ma kɛ e mi kuasiahi sɔuu kɛ ye a tsui.

Mose V, 32:41

ma duɔ ye klaate nɛ kpɛɔ nylamnylam ɔ nya, nɛ ma hyɛ nɛ a ye dami sane. Ma ye lue ngɛ he nyɛli ɔmɛ a nɔ; nihi nɛ sume mi ɔ, ma gbla a tue.

Mose V, 4:24

Ejakaa Yawɛ, nyɛ Mawu ɔ ngɛ kaa la nɛ ngɛ tsoe plamplam; a kɛ lɛ plee we nɔ́ he.

Mose V, 5:10

se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ lɛɛ i naa mɛ mɔbɔ.

Mose V, 5:9

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛɔ mi ɔ, kɛ a bimɛ, kɛ a bibimɛ a tue hluu kɛ ya siɔ yi nɔ etɛne kɛ eywiɛne bimɛ a nɔ;

Mose V, 6:15

Yawɛ, nyɛ Mawu ɔ nɛ kɛ nyɛ nyɛɛ ɔ, a kɛ lɛ plee we nɔ́ he. Lɔ ɔ he ɔ, ke nyɛ ya nyɛɛ mawu kpahi a se ɔ, e mi mi ma fu nyɛ, nɛ e ma kpata nyɛ hɛ mi pɛsɛpɛsɛ kaa bɔ nɛ la sãã nɔ́ ɔ.

Mose V, 7:10

se ni nɛmɛ nɛ sume lɛ ɔ, e maa gbla a tue amlɔ.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”

Yoshua 23:7

bɔ nɛ pee nɛ nyɛɛ kɛ je ma nɛ ɔmɛ nɛ piɛ ngɛ nyɛ kpɛti ɔ ko bɔ. Nyɛ ko wo a mawu ɔmɛ a ta, nɛ nyɛɛ kɛ a biɛhi kó ka kita; nyɛ ko ja mɛ, nɛ nyɛ ko kpla si ha mɛ.

Yoshua 24:19

Yoshua ya nɔ, nɛ e de ma a ke, “E ngɛ mi ja; se eko ɔ, nyɛ be Yawɛ nyɛe ma sɔmɔ. Mawu klɔuklɔu ji lɛ, nɛ e kɛ nyɛ tɔmi ɔmɛ, kɛ yayami ɔmɛ be nyɛ pae. A kɛ lɛ plee we nɔ́ he,

Manyadali 2:19

Se ke manyadalɔ ɔ gbo pɛ, ma a kpaleɔ a se kɛ ya nyɛɛɔ a blɔ momo ɔmɛ a nɔ ekohu; nɛ a peeɔ yayami nɛ nya wa pe a nɛmɛ ɔmɛ po. A ya nyɛɛɔ mawu kpahi a se; a sɔmɔɔ mɛ, nɛ a jaa mɛ. Nɛ a ngmɛɛ we a yayami ɔmɛ, kɛ a kuɛ mi timi ɔ he.