Mose II, 20:4 - BAIBLO ALOO NGMAMI KLƆUKLƆU Ɔ

⁴ “Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Mose II, 20:4 ပူးပေါင်းရင်းမြစ်များ

Matsɛmɛ I, 12:28

Matsɛ Yeroboam susu nɔ́ nɛ ɔ he saminya. Lɔ ɔ se ɔ, e kɛ sika tsu puɛ na bi enyɔ, nɛ e de ma a ke, “Bɔ nɛ nyɛ nyɛɛ kɛ ya Yerusalem ɔ ba hiɛ! Israel ma, nyɛ mawu ɔmɛ nɛ je nyɛ kɛ je Egipt zugba a nɔ ɔ, mɛ ji nɛ ɔmɛ nɛ!”

Matsɛmɛ II, 17:12

A ja amagahi nɛ Yawɛ wo mɛ mlaa ke a ko ja mɛ ɔ.

Kronika II, 33:7

E puɛ amaga ko ya ma Yawɛ ɔ we. Mawu, kɛ David, kɛ e binyumu Salomo tu we nɛ ɔ he munyu hyɛ, nɛ e de ke, “I hla we nɛ ɔ ngɛ Yerusalem kɛ je Israel wɛtso ɔmɛ tsuo a kpɛti ngɔ to kaa he nɛ sa nɛ a ja mi ngɛ daa.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

Mose II, 20:23

Nyɛ ko ngɔ sika hiɔ, loo sika tsu kɛ pee mawuhi ha nyɛ he nɛ nyɛ ja kɛ piɛ ye he.

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Mose II, 32:23

Mɛ nitsɛmɛ nɛ a ba de mi ke, ‘Moo pee mawu ha wɔ nɛ e nyɛɛ wa hɛ mi; ejakaa kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li nɔ́ nɛ ya ba e nɔ.’

Mose II, 32:4

E he tue nya ní ɔmɛ ngɛ a dɛ nɛ e sile, nɛ e plɛ sika tsu nyu ɔ kɛ wo tso nɛ a kpɛ́ mi, nɛ e kɛ pee sika tsu na bi. Kɛkɛ nɛ ma a de ke, “Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!”

Mose II, 32:8

Blɔ nɛ i fa mɛ ke a nyɛɛ nɔ ɔ, a gba kɛ je nɔ momo; a puɛ na bi amaga nɛ a ja lɛ, nɛ a sã bɔ ha lɛ nɛ a de ke, ‘Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!’ ”

Mose II, 34:17

“Mo ko ngɔ nɔ́ ko nɛ a sile kɛ pee mawu nɛ o ja.

Yesaya 42:17

Se nihi nɛ ngɔɔ a hɛ ngɔ fɔɔ amagahi a nɔ, amagahi nɛ a kpɛ́, loo a puɛ, nɛ a kpale deɔ ke a mawuhi ji mɛ ɔ, a maa ba mɛ si, nɛ zo maa gbe mɛ.”

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Yesaya 45:16

Amaga puɛli a hɛ mi ma pue si; zo maa gbe mɛ tsuo kpɔtɔɔ.

Ezekiel 20:7

I de mɛ ke yakayaka mawuhi nɛ a suɔ nɛ ɔ, a sake mɛ ngɔ pue he, se a ko ngɔ Egipt amagahi kɛ ble a he; ejakaa imi ji Yawɛ, a Mawu ɔ nɛ.

Ezekiel 8:10

Benɛ i sɛ tsu ɔ mi ɔ, i na nɛ a tɛni ní nɛ ɔmɛ ngɛ gbogbo ɔ he tsuo kɛ kpe: sinɔ slɔɔtohi babauu, lohwe nane eywiɛɛywiɛtsɛmɛ nɛ a hiee, kɛ Israel bi ɔmɛ a we amaga amɛ tsuo.

Ezekiel 8:3

E je nɔ́ ko kpo kaa nine kɛ nu ye yi bwɔmi. Kɛkɛ nɛ ngɛ nina a mi ɔ, Mawu mumi ɔ wo mi kɛ gu kɔɔhiɔ mi kɛ ya su Yerusalem. E ngɔ mi kɛ ya ma Yawɛ we ɔ we omleyi je agbo ɔ mi. Amaga ko nɛ Mawu hiee wawɛɛ ɔ maa si ngɛ lejɛ ɔ.

Mose III, 19:4

“Nyɛ ko je ye se nɛ nyɛ ya ja amagahi; nɛ nyɛ ko pee dade mawuhi ha nyɛ he. Imi ji Yawɛ, nyɛ Mawu ɔ nɛ.

Mose III, 26:1

Yawɛ de ke, “Nyɛ ko puɛ amagahi, nɛ nyɛ ko pee tɛ amagahi, loo titimahi kɛ ma si; nyɛ ko ja mɛ hulɔ; ejakaa imi ji Yawɛ, nyɛ Mawu ɔ nɛ.

Mose IV, 12:8

Lɛɛ i kɛ lɛ tuɔ munyu hɛ mi kɛ hɛ mi paa; se pi ngɛ abɛ gbi mi. Ye su nitsɛ po lɛɛ e na hyɛ. Mɛni he je mɔ nɛ nyɛ yi gbeye, nɛ nyɛ tu munyu kɛ si ye tsɔlɔ Mose?”

Ni Tsumi 17:29

Ke Mawu bimɛ ji wɔ ɔ, e sɛ kaa wa susuu kaa Mawu su ngɛ kaa sika tsu, loo sika hiɔ, loo tɛ ko nɛ nɔmlɔ kɛ e ga, kɛ e juɛmi pee.

Romabi 1:23

Mawu nɛ gbo we gblee ɔ, a wui e hɛ mi nyami bɔ nɛ sa kaa a peeɔ, se mohu a ya woɔ níhi nɛ a puɛ kaa nɔmlɔ adesa nɛ gboɔ ɔ, aloo lohwe pɛlitsɛmɛ, loo lohwe nane eywiɛɛywiɛtsɛmɛ, loo lohwehi nɛ sãã si mohu a hɛ mi nyami.

Mose V, 16:22

Jehanɛ hu, nyɛ ko ngɔ tɛ kɛ ma si nɛ nyɛ ja; Yawɛ, nyɛ Mawu ɔ hiɔ ní nɛ ɔmɛ.

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 5:8

“ ‘Koo puɛ amaga ko, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ ko nɛ ngɛ nyu mi ngɛ zugba a sisi.

Kpojemi 16:2

Kekleekle bɔfo ɔ ho nɛ e ya plɛ e kplu ɔ mi nɔ́ ɔ ngɔ pue zugba. Kɛkɛ nɛ nihi nɛ lohwe awi yelɔ ɔ we okadi ɔ ngɛ a he, kɛ ni nɛmɛ nɛ jaa amaga a tsuo hia pa yaya nɛ yee nɔ.

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.

Manyadali 17:3

E kpale sika hiɔ yi akpe kɛ e nya lafa a kɛ ha e nyɛ ɔ; nɛ e nyɛ ɔ de ke, “I ngɛ sika hiɔ nɛ ɔ he tsukɔe ha Yawɛ ngɛ ye binyumu ɔ he, konɛ a ngɔ kɛ pee amaga nɛ a hlɔ, nɛ a kɛ sika hiɔ ha he.”