Mose II, 20:3 - BAIBLO ALOO NGMAMI KLƆUKLƆU Ɔ

³ “Ko ja mawu ko kɛ piɛ ye he.

Mose II, 20:3 ပူးပေါင်းရင်းမြစ်များ

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

La 29:2

Nyɛɛ wo Yawɛ hɛ mi nyami bɔ nɛ sa lɛ. Nyɛ ja Yawɛ ngɛ klɔuklɔu peemi mi.

La 73:25

Mɛnɔ i pa ngɛ ngɛ hiɔwe pe mo? O se ɔ, nɔ́ ko nɔ́ ko hia we mi ngɛ zugba nɛ ɔ nɔ hu.

La 81:10

Imi ji Yawɛ, nyɛ Mawu ɔ, nɔ nɛ je nyɛ kɛ je Egipt zugba a nɔ ɔ nɛ. Nyɛɛ pa nyɛ nya mi hatoo, nɛ ma lɛ nyɛ.

La 81:9

Nyɛ ko ha nɛ a na mawu kpahi ngɛ nyɛ kpɛti; nyɛ ko ja ma se mawuhi.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Mose II, 20:23

Nyɛ ko ngɔ sika hiɔ, loo sika tsu kɛ pee mawuhi ha nyɛ he nɛ nyɛ ja kɛ piɛ ye he.

Mose II, 22:19

“Nɔmlɔ nɛ e kɛ lohwe ma na yo kɛ nyumu bɔmi ɔ, a gbe lɛ.

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose II, 32:8

Blɔ nɛ i fa mɛ ke a nyɛɛ nɔ ɔ, a gba kɛ je nɔ momo; a puɛ na bi amaga nɛ a ja lɛ, nɛ a sã bɔ ha lɛ nɛ a de ke, ‘Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!’ ”

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Yesaya 26:4

Nyɛɛ ngɔ nyɛ hɛ ngɔ fɔ Yawɛ nɔ daa; ejakaa Yawɛ Mawu ɔ ngɛ kaa tɛ sa ko nɛ ngɛ daa.

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Yesaya 44:8

Ye ma, koo nu sawale! Koo ye gbeye! Ye we odase ji mo. Anɛ i de we enɛ ɔ blema lokoo lo? Anɛ ye se ɔ, Mawu ko pa ngɛ lo? Dɛbi, i li he wami kpa ko ngɛ ye se hu?”

Yesaya 46:9

Nyɛ kai níhi nɛ i pee blema lokoo ɔ; ejakaa Mawu kpa ko be nɛ kɛ mi sɔ.

Yeremia 25:6

A de nyɛ ekohu ke nyɛ ko ya nyɛɛ mawu kpahi a se; nyɛ ko sɔmɔ mɛ, nɛ nyɛ ko ja mɛ. Jehanɛ se hu, nyɛ ko puɛ amagahi nɛ nyɛ kɛ ba wo Yawɛ mi mi la. E ji nyɛ bu Yawɛ tue jinɛ lɛ hu e ko gbla we nyɛ tue.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 7:9

Nyɛ juɔ, nyɛ pueɔ muɔ si, nyɛ puɛɔ gba, nyɛ kaa lakpa kita, nyɛ sãã tsopa kɛ e he via kɛ haa Baal, nɛ nyɛ ya nyɛɛɔ mawu kpahi nɛ nyɛ li mɛ a se.

Daniel 3:18

Se ke wa Mawu ɔ nyɛ we nɛ e he wa yi wami tete po, nɛnɛ, na nɛ o le kaa o mawu ɔmɛ lɛɛ wa be jae oo wa be jae! Sika tsu amaga a nɛ o puɛ ngɔ ma si ɔ hu, wa be si kplae ha lɛ!”

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

Efesobi 5:5

Nyɛ na nyɛɛ le kaa nihi nɛ fiɛɔ yo kɛ nyumu yakayaka fiɛmi, loo a tsuɔ mu ní, loo a hɛ kɔ̃ɔ̃ ɔ, a be blɔ nya ngɛ he nɛ Kristo kɛ Mawu ngɛ matsɛ yee ngɛ. (Ke nɔ ko kɛ hɛkɔ ngɛ nɔ́ ko se die ɔ, e ngɛ kaa wɔ jami pɛ).

Mose V, 5:7

“ ‘Ko ja mawu ko kɛ piɛ ye he.

Mose V, 6:14

Nyɛ ko ya nyɛɛ je ma amɛ nɛ bɔle nyɛ ɔ a mawu ɔmɛ a se.

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 22:9

Se e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ, gbali ɔmɛ, kɛ nihi tsuo nɛ pɛtɛɔ munyuhi nɛ ngɛ womi nɛ ɔ mi ɔ he ɔ. Já Mawu mohu!”

Manyadali 6:10

nɛ i de nyɛ ke, ‘Imi ji Yawɛ, nyɛ Mawu ɔ, lɔ ɔ he ɔ, nyɛ ko ja Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ.’ Se nyɛ bui mi tue.”