Mose II, 20:24 - BAIBLO ALOO NGMAMI KLƆUKLƆU Ɔ

²⁴ Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Mose II, 20:24 ပူးပေါင်းရင်းမြစ်များ

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Matsɛmɛ I, 9:3

Yawɛ de lɛ ke, “I nu o kue fami ɔ. I pee we nɛ o po nɛ a ja mi ngɛ mi nɛ ɔ klɔuklɔu kɛ yaa neneene. Ma hyɛ we ɔ nɔ, nɛ ma bu he daa.

Kronika II, 7:16

ejakaa imi lɛ i hla we nɛ ɔ, nɛ i tsukɔ he, konɛ a ja mi ngɛ hiɛ ɔ kɛ ya neneene. Ma hyɛ we ɔ nɔ, nɛ ma bu he daa.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Kronika II, 12:13

Rehoboam matsɛ yemi ɔ ba he si ngɛ Yerusalem. E ye jeha nyingmi eywiɛ kɛ kake benɛ e bɔni matsɛ yemi, nɛ e hi Yerusalem kɛ ye matsɛ jeha nyɔngma kɛ kpaago. Yerusalem ji ma nɛ Yawɛ hla kɛ je Israel zugba a tsuo nɔ kaa he nɛ a ja lɛ ngɛ. Rehoboam nyɛ biɛ ji Naama; e je Amon zugba a nɔ.

Mose V, 26:2

nyɛ ti nɔ tsuaa nɔ nɛ ngɔ kekleekle niba ní nɛ e kpa ngɛ zugba a nɔ ɔ eko kɛ wo kusii mi, nɛ é ngɔ kɛ ya he nɛ Yawɛ, o Mawu ɔ to nɛ a ja lɛ ngɛ ɔ.

Ezra 6:12

Matsɛ tsuaa matsɛ, loo ma tsuaa ma nɛ maa te si kɛ si mlaa nɛ ɔ, nɛ́ ma hla kaa a kpata Mawu we ɔ hɛ mi ɔ, Mawu ɔ nɛ hla Yerusalem ngɔ to kaa e hi he ɔ nɛ kpata a hɛ mi. Imi Darius nɛ i ngɛ mlaa nɛ ɔ woe. Á ye nɔ pɛpɛɛpɛ.”

Matsɛmɛ I, 8:29

We nɛ ɔ, he nɛ o hla ngɔ to kaa a ja mo ngɛ ɔ, moo bu he nyɔ kɛ pia, konɛ ke i ba hiɛmɛ nɛ ɔ ba sɔle ɔ, o nu.

Mateo 18:20

Ejakaa he nɛ ni enyɔ, loo ni etɛ bua a he nya ngɛ ngɛ ye biɛ mi ɔ, i ngɛ a kpɛti ngɛ lejɛ ɔ.”

Matsɛmɛ I, 8:43

moo bu e pɛɛ kpami ɔ tue. Moo nu ngɛ o hi he ɔ ngɛ hiɔwe, nɛ o pee nɔ́ nɛ e ngɛ hlae ɔ ha lɛ; bɔ nɛ pee nɛ nimli tsuo nɛ ngɛ je ɔ mi ɔ, a le mo, nɛ a bu mo kaa bɔ nɛ o ma, Israel bi ɔmɛ buu mo ɔ. Kɛkɛ ɔ, a maa le kaa we nɛ ɔ nɛ i po ɔ ji he nɛ sa nɛ a ja mo ngɛ.

Mose V, 14:23

Lɔ ɔ se ɔ, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Nyɛɛ ye nyɛ blɛfo, wai, kɛ oliv nu mi dlami nyɔngmanyɔngma mi kakaaka a, kɛ nyɛ na amɛ, kɛ to ɔmɛ a kekleekle bi ɔmɛ ngɛ Yawɛ hɛ mi. Nyɛɛ pee enɛ ɔ kɛ kase bɔ nɛ nyɛ maa ye Yawɛ, nyɛ Mawu ɔ gbeye nyɛ wami be tsuo.

La 74:7

A hule o we klɔuklɔu ɔ, nɛ a mɛ he la. He nɛ a jaa mo ngɛ ɔ, a ble lejɛ ɔ.

Nehemia 1:9

Se ke nyɛ kpale kɛ ba ye ngɔ, nɛ nyɛ ye ye mlaa amɛ a nɔ ɔ, ke je ɔ nyagbe he nɛ a gbɛ nyɛ ngɔ fĩa po, ma kpaka nyɛ kɛ ba he nɛ i to nɛ a ja mi ngɛ ɔ.’

Samuel II, 6:12

Benɛ Matsɛ David nu kaa Mawu daka a he je ɔ, Yawɛ gbaa Obed Edom kɛ e we ɔ, kɛ e nɔ́ tsuaa nɔ́ nɛ e ngɛ ɔ, David ho nɛ e ya ngɔ Mawu daka a ngɛ Obed Edom we ɔ mi, nɛ e kɛ daka a ba Yerusalem kɛ nyami.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

La 78:68

Mohu ɔ, e hla Yuda wɛtso ɔ, kɛ Zion yo ɔ nɛ e suɔ saminya a.

Mose V, 12:21

Se ke he nɛ a to kaa a ja Yawɛ, nyɛ Mawu ɔ ngɛ ɔ kɛ tsɔ ɔ, nyɛ ma nyɛ maa gbe nyɛ na, loo to nɛ Yawɛ kɛ dloo nyɛ ɔ eko, nɛ nyɛɛ ye lɔ ɔ ngɛ nyɛ we mi kaa bɔ nɛ i de nyɛ momo ɔ.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

La 76:2

E we ngɛ Yerusalem, Zion ji he nɛ e hii.

La 134:3

Yawɛ, nɔ nɛ pee hiɔwe kɛ zugba a, é gbaa nyɛ kɛ je Zion.

La 128:5

Yawɛ nɛ gbaa mo kɛ je Zion. O wami be ɔ tsuo ɔ, o na bɔ nɛ Yerusalem ma plɔke ha.

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose V, 7:13

e maa suɔ nyɛ, nɛ e maa gbaa nyɛ. E ma ha nyɛ he maa hiɛ, nɛ nyɛ ma fɔ bimɛ babauu. E maa gbaa nyɛ ngmɔ ɔmɛ, nɛ nyɛ ma na blɛfo, wai, kɛ oliv nu. E maa gbaa nyɛ, nɛ nyɛ na amɛ kɛ to ɔmɛ maa bɔ. Gbaami nɛ ɔmɛ tsuo e kɛ maa gbaa nyɛ ngɛ zugba nɛ e ka nyɛ nɛmɛ ɔmɛ kita ke e ma ngɔ ha nyɛ ɔ nɔ.

Mose II, 10:25

Se Mose bi lɛ ke, “Lɛɛ mo nitsɛ o ma ha wɔ lohwehi nɛ wa kɛ ya sã bɔ ha Yawɛ, wa Mawu ɔ lo?

Mose II, 18:12

Mose ngatsɛ Yetro ngɔ sami bɔ, kɛ bɔ kpa komɛ ba ha Yawɛ, nɛ Aaron kɛ Israel ma nimeli ɔmɛ tsuo ba, nɛ a kɛ Mose ngatsɛ ɔ ba bla kɛ ye bɔ sami ní ɔ ngɛ Mawu hɛ mi, nɛ a kɛ ja Mawu.

Mose II, 20:25

Ke nyɛ maa puɛ bɔ sami la tɛ ha mi kɛ tɛ ɔ, nyɛ ko ngɔ tɛ nɛ a gba kɛ pee; ejakaa ke nyɛ ngɔ ní tsumi dade kɛ ta tɛ ɔ he pɛ nyɛ ble tɛ ɔ.

Mose II, 24:5

Lɔ ɔ se ɔ, e tsɔ nihewi ɔmɛ ekomɛ nɛ a kɛ nahi ya sã sami bɔ, kɛ tue mi jɔmi bɔ kɛ ha Yawɛ.

Mose II, 27:1

“Ngɔɔ akasia tso kɛ pee bɔ sami la tɛ. E hi kɔ nya eywiɛ; e kami nɛ pee nine mi blimi nyɔngma, e blimi nine mi blimi nyɔngma, kɛ e si temi nine mi blimi ekpa.

Mose III, 17:9

jamɛ a nɔ ɔ, a je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Matsɛmɛ II, 5:17

Lɔ ɔ he ɔ, Naeman de ke, “Lɛɛ ke ja a, i kpa mo pɛɛ, ha nɛ a ha mi tabo zu teji okpɔngɔ enyɔ a yi tlomi nɛ ma kɛ ya. Ejakaa kɛ je mwɔnɛ ɔ kɛ yaa a, i be sami bɔ, loo bɔ kpa ko sãe ha mawu kpa komɛ hu kaa ja Yawɛ kɛkɛ.

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

Mose II, 24:4

Mose ngma níhi tsuo nɛ Yawɛ de lɛ ɔ. E nɔ jena makɛ ɔ, e ya puɛ bɔ sami la tɛ ngɛ yo ɔ sisi, nɛ e ma titima nyɔngma kɛ enyɔ ngɛ Israel wɛtso nyɔngma kɛ enyɔ ɔmɛ a nya.

La 101:2

Ma ba ye je mi saminya, konɛ a ko na piami ko ngɛ ye he. Mɛni be po lɛ o maa ba ye ngɔ? Ma hi si ngɛ mumi mi he tsɔmi mi ngɛ ye we ɔ mi.

La 122:2

Yerusalem, jehanɛ lɛɛ wa ba sɛ o we agbo ɔmɛ a mi!