Mose II, 20:21 - BAIBLO ALOO NGMAMI KLƆUKLƆU Ɔ

²¹ Se ma a daa si ngɛ se lokoo, nɛ Mose pɛ nɛ e hɛ lɛ kɛ su diblii kpii ɔ he ngɛ he nɛ Mawu ngɛ ɔ.

Mose II, 20:21 ပူးပေါင်းရင်းမြစ်များ

Matsɛmɛ I, 8:12

Kɛkɛ nɛ Salomo sɔle ke, “Mo Yawɛ, o ngɔ pu ngɔ to hiɔwe, se kɛ̃ ɔ, o ke o maa hi bɔku kɛ diblii kpii mi.

La 97:2

Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

La 18:9

E ha nɛ hiɔwe nya ba si, nɛ e kple si; nɛ diblii kpii ngɛ e nane sisi.

Kronika II, 6:1

Kɛkɛ nɛ Salomo sɔle ke, “Yawɛ, o ke o maa hi diblii kpii mi.

La 104:2

O ngɔ la kɛ ha o he kaa bo; o blɛke hiɔwe mi kaa bo tsu.

La 18:12

Gbiɛ ngo ngu, kɛ la je oslabai mi ngɛ e hɛ mi kɛ gblee bɔku kpii ɔ mi kɛ be.

Mose V, 5:22

“Benɛ nyɛ bua nyɛ he nya ngɛ yo ɔ he ɔ, mlaahi nɛ Yawɛ ngɔ ha nyɛ tsuo ji nɛ ɔmɛ nɛ. Benɛ e wo gbi kɛ je la, kɛ bɔku kpii ɔ mi ɔ, jamɛ be ɔ mi nɛ e ha nyɛ mlaa nɛ ɔmɛ, nɛ ekpa ko piɛ we he. Lɔ ɔ se ɔ, e ngma mɛ ngɛ tɛ tɛtlɛɛ enyɔ nɔ, nɛ e ngɔ mɛ ngɔ ha mi.

Mose V, 5:5

I da si ngɛ nyɛɛ kɛ Yawɛ nyɛ kpɛti jamɛ a be ɔ, konɛ ma de nyɛ nɔ́ nɛ e ngɛ dee ɔ, ejakaa nyɛ ngɛ la a gbeye yee. “Nɛ nyɛ kuɛ yo ɔ.

Mose II, 19:3

Mose kuɔ yo ɔ kɛ ho Mawu ngɔ ya. Kɛkɛ nɛ Yawɛ tsɛ Mose ngɛ yo ɔ mi, nɛ e de lɛ ke e ya nɛ e ya de Israel bi ɔmɛ, nɛ ji Yakob nina a ke,