Mose II, 20:20 - BAIBLO ALOO NGMAMI KLƆUKLƆU Ɔ

²⁰ Mose de ma a ke, “Nyɛ ko ye gbeye; kami kɛkɛ Mawu ma nyɛ kami konɛ nyɛɛ ye lɛ gbeye nɛ nyɛ ko pee yayami.”

Mose II, 20:20 ပူးပေါင်းရင်းမြစ်များ

Mose V, 13:3

nyɛ ko bu lɛ tue fɛɛ. Yawɛ, nyɛ Mawu ɔ gu nɔ́ nɛ ɔ nɔ kɛ ngɛ nyɛ kae nɛ e hyɛ kaa nyɛ suɔ lɛ, Yawɛ ɔ saminya ngɛ nyɛ tsui mi lo.

Abɛ Womi 3:7

Koo bu o he ní lelɔ; moo ye Yawɛ gbeye, nɛ o tu yayami nya fo.

Samuel I, 12:20

Se Samuel de mɛ ke, “Nyɛ ko ye gbeye. E ngɛ mi kaa nyɛ ná pee kikɛmɛ a yayami nɛ ɔmɛ tsuo lɛɛ, se kɛ̃, nyɛ ko je Yawɛ se; mohu nyɛ sɔmɔ lɛ kɛ nyɛ tsui tsuo.

Yesaya 8:13

O hɛ nɛ hi nɔ kaa imi Yawɛ Tabohiatsɛ ɔ, i ngɛ klɔuklɔu; imi ji nɔ nɛ sa kaa o ye gbeye.

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Mose I, 22:1

Pee se ɔ, Mawu ka Abraham. Mawu tsɛ Abraham ke, “Abraham!” Nɛ Abraham he nɔ ke, “Ne mi!”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Nehemia 5:15

Amlaalo ɔmɛ tsuo nɛ hi sɛ ɔ nɔ loko e ba su ye nɔ ɔ ngɔ tlomi agbo ngɔ fɔ ni ɔmɛ a nɔ. A biɔ, nɛ a haa mɛ niye ní, kɛ wai kɛ piɛɔ sika hiɔ nyingmi eywiɛ he daa ligbi. A tsɔli ɔmɛ hu waa ma a yi mi. Se imi lɛɛ i pee we ja; ejakaa i yeɔ Mawu gbeye.

Yoshua 24:14

Yoshua ya nɔ nɛ e de ke, “Lɔ ɔ he ɔ, nyɛɛ ye Yawɛ gbeye, nɛ nyɛ sɔmɔ lɛ saminya ngɛ anɔkuale mi. Nyɛ je mawu ɔmɛ nɛ nyɛ nɛmɛ ɔmɛ ja ngɛ Mesopotamia kɛ Egipt ɔ ngɔ pue he, nɛ nyɛ sɔmɔ Yawɛ pɛ.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 6:2

Nyɛɛ ye Yawɛ, nyɛ Mawu ɔ gbeye, nɛ nyɛɛ ye e mlaa amɛ nɛ i ngɛ nyɛ woe, kɛ e blɔ nya tomi ɔmɛ nɛ i ngɛ nyɛ hae nɛ ɔ a nɔ. A ngɛ kɛ ha nyɛ nitsɛmɛ, nyɛ bimɛ, kɛ nyɛ nina nyɛ wami be tsuo. Nyɛɛ ye a nɔ, konɛ nyɛ se nɛ kɛ ngɛ zugba a nɔ.

Mose V, 4:10

kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Mose I, 20:11

Abraham he nɔ ke, “Jinɛ i susu kaa nɔ ko nɔ ko be hiɛmɛ nɛ ɔ nɛ yeɔ Mawu gbeye; i susu kaa ma mi bi ɔmɛ maa gbe mi, nɛ a ma kpɔ ye yo ɔ ngɛ ye dɛ.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose V, 6:24

Lɔ ɔ he ɔ, Yawɛ fa wɔ ke waa ye mlaa nɛ ɔmɛ tsuo a nɔ, nɛ waa ye lɛ gbeye, konɛ e hi ha wɔ nitsɛmɛ, nɛ wa yi nɛ na wami daa kaa bɔ nɛ e ngɛ mwɔnɛ ɔ.

Yesaya 41:13

Ejakaa imi ji Yawɛ, o Mawu ɔ nɛ; imi lɛ i ngɛ mo he wami woe ɔ nɛ, i ngɛ mo dee ke, ‘Koo ye gbeye! Ma piɛ o he!’ ”

Mose V, 8:16

Ngɛ nga a nɔ ɔ, e ha nyɛ mana, niye ní nɛ nyɛ nɛmɛ yi hyɛ, nɛ nyɛ ye. E ha nyɛ na hɛdo ní, nɛ e kɛ ka nyɛ hyɛ, konɛ lɔ ɔ se ɔ, e gbaa nyɛ kɛ ní kpakpahi.