Mose II, 20:2 - BAIBLO ALOO NGMAMI KLƆUKLƆU Ɔ

² “Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 20:2 ပူးပေါင်းရင်းမြစ်များ

Matsɛmɛ I, 18:39

Benɛ ma a tsuo na nɔ́ nɛ ɔ, a ngɔ a hɛ mi ngɔ bu si, nɛ a de ke, “Yawɛ ji Mawu! Yawɛ ji Mawu!”

Matsɛmɛ II, 17:12

A ja amagahi nɛ Yawɛ wo mɛ mlaa ke a ko ja mɛ ɔ.

Matsɛmɛ II, 17:7

Nɔ́ nɛ kɛ nɔ́ nɛ ɔ ba ji, Israel ma a pee yayami kɛ si Yawɛ, a Mawu ɔ, nɔ nɛ kpɔ mɛ ngɛ Egipt matsɛ ɔ dɛ, nɛ e je mɛ kɛ je Egipt zugba a nɔ ɔ. A ya ja mawu kpahi.

Kronika II, 28:5

Akɛnɛ Matsɛ Ahaz pee yayami he je ɔ, Yawɛ, e Mawu ɔ ha nɛ Siria matsɛ ɔ ba ye e nɔ kunimi, nɛ e nuu Yuda bi babauu nyɔguɛ kɛ ho Damasko ya. Jehanɛ hu, Yawɛ ha nɛ Israel matsɛ, Peka, Remalia binyumu ɔ ba ye Ahaz nɔ, nɛ e gbe Yuda ta buli kpakpahi akpe lafa kɛ nyingmi enyɔ ligbi kake. Yawɛ, a nɛmɛ a Mawu ɔ ngmɛ blɔ nɛ a pee nɔ́ nɛ ɔ, ejakaa Yuda ma a kua lɛ.

La 50:7

“Ye ma, nyɛ ta tue saminya, konɛ nyɛɛ nu nɔ́ nɛ ma de kɛ si nyɛ, Israel ma. Imi ji nyɛ Mawu ɔ nɛ.

La 81:10

Imi ji Yawɛ, nyɛ Mawu ɔ, nɔ nɛ je nyɛ kɛ je Egipt zugba a nɔ ɔ nɛ. Nyɛɛ pa nyɛ nya mi hatoo, nɛ ma lɛ nyɛ.

La 81:11

“Se ye ma a bui mi tue; Israel bi ɔmɛ bui mi.

La 81:7

Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 15:13

O kɛ o suɔmi nɛ tsakee we ɔ kpaka ma nɛ o kpɔ ɔ; nɛ o kɛ o he wami tsɔɔ mɛ blɔ kɛ ba o zugba klɔuklɔu ɔ nɔ.

Mose II, 15:16

Gbeye kɛ fɔ̃ nu mɛ; Yawɛ, o he wami ɔ ha a nya jɔ kɛ ya si be nɛ mo Yawɛ, o ma a nɛ mo nitsɛ o he ɔ ba be kɛ ho.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mose II, 20:1

Mawu tu munyu, nɛ e de ke,

Mose II, 29:46

A ma na maa le kaa imi ji Yawɛ, a Mawu ɔ, nɔ nɛ je mɛ kɛ je Egipt zugba a nɔ ɔ, konɛ ma hi a kpɛti. Imi ji Yawɛ, a Mawu ɔ nɛ.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Yesaya 43:3

Ejakaa imi Yawɛ, o Mawu ɔ, imi Israel Mawu Klɔuklɔu ɔ lɛ he o yi wami ɔ nɛ. Ma ngɔ Egipt ngɔ ha ngɛ o nane mi, konɛ o ye o he. Ma ngmɛɛ Sudan kɛ Seba hu a he.

Yeremia 16:14

Yawɛ ke, “Be ma nɛ nihi kɛ ye biɛ be kita kae hu kaa Mawu hɛ kalɔ ɔ nɛ jé Israel ma a kɛ je Egipt zugba a nɔ.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yeremia 31:1

Yawɛ ke, “Be ma nɛ ma ba pee Israel wɛtso ɔmɛ tsuo a Mawu, nɛ mɛ hu a maa pee ye ma.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 34:13

Israel Mawu ɔ de mi ke ma ya de ma a ke, “Benɛ i ya je nyɛ nɛmɛ ɔmɛ kɛ je Egipt zugba a nɔ, nɛ i ha nɛ a ye a he kɛ je nyɔguɛ si himi mi ɔ, i kɛ mɛ so somi ko. I de mɛ ke

Ezekiel 20:19

Imi ji Yawɛ, nyɛ Mawu ɔ nɛ. Nyɛɛ ye ye mlaa amɛ, kɛ blɔ nya tomi ɔmɛ a nɔ.

Ezekiel 20:5

De mɛ nɔ́ nɛ i ngɛ dee ɔ. Benɛ i hla Israel ma a, i wo mɛ si ko. I je ye he kpo kɛ tsɔɔ mɛ ngɛ Egipt, nɛ i de mɛ ke, imi ji Yawɛ, nyɛ Mawu ɔ nɛ.

Ezekiel 20:7

I de mɛ ke yakayaka mawuhi nɛ a suɔ nɛ ɔ, a sake mɛ ngɔ pue he, se a ko ngɔ Egipt amagahi kɛ ble a he; ejakaa imi ji Yawɛ, a Mawu ɔ nɛ.

Hosea 12:10

“Imi lɛ i kɛ gbali ɔmɛ tu munyu. Imi nɛ i je ninahi ha mɛ, nɛ i gu gbali ɔmɛ a nɔ nɛ i kɛ ye ma a tu munyu ngɛ abɛ gbi mi.

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Mose III, 11:45

Imi ji Yawɛ. Imi nɛ I je nyɛ kɛ je Egipt zugba a nɔ, konɛ ma ba pee nyɛ Mawu. Lɔ ɔ he ɔ, nyɛɛ pee nyɛ he klɔuklɔu; ejakaa Nɔ Klɔuklɔu ji mi.

Mose III, 19:36

Nyɛɛ ngɔ sɛnihi, sɛni tɛhi, kɛ susumi níhi nɛ da kɛ tsu ní. Imi ji Yawɛ, nyɛ Mawu ɔ nɛ je nyɛ kɛ je Egipt zugba a nɔ ɔ nɛ.

Mose III, 23:43

konɛ nyɛ nina nɛ na nɛ a le kaa gbahi a sisi nɛ Yawɛ ha nyɛ nɛmɛ Israel bi ɔmɛ hi, benɛ i kpaka mɛ kɛ je Egipt ɔ. Imi ji Yawɛ, nyɛ Mawu ɔ nɛ.

Mose III, 25:38

Mlaa nɛ Yawɛ, nyɛ Mawu ɔ ngɛ nyɛ woe ji nɛ ɔ nɛ. Yawɛ, nyɛ Mawu ɔ je nyɛ kɛ je Egipt zugba a nɔ, konɛ e ngɔ Kanaan zugba a ngɔ ha nyɛ, nɛ e pee nyɛ Mawu.

Mose III, 25:42

Israel bi ɔmɛ ɔ, Yawɛ tsɔli ji mɛ. Lɛ nitsɛ nɛ e je mɛ kɛ je Egipt zugba a nɔ. Enɛ ɔ he je ɔ, a ko jua mɛ kaa nyɔguɛhi.

Mose III, 25:55

Israel fɔfɔɛ be nyɛe maa pee nɔ ko nyɔguɛ daa, ejakaa Israel bi ɔmɛ ɔ, Yawɛ nitsɛ nyɔguɛhi ji mɛ. Lɛ nitsɛ nɛ e je mɛ kɛ je Egipt zugba a nɔ. Lɛ ji Yawɛ, a Mawu ɔ nɛ.

Mose III, 26:1

Yawɛ de ke, “Nyɛ ko puɛ amagahi, nɛ nyɛ ko pee tɛ amagahi, loo titimahi kɛ ma si; nyɛ ko ja mɛ hulɔ; ejakaa imi ji Yawɛ, nyɛ Mawu ɔ nɛ.

Mose III, 26:13

Imi ji Yawɛ, nyɛ Mawu nɛ je nyɛ kɛ je Egipt zugba a nɔ, konɛ nyɛ ko pee nyɔguɛhi hu ɔ nɛ. I je nyɛ kɛ je yi mi wami sisi, nɛ i ha nyɛ ye nyɛ he.”

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Romabi 10:12

Slɔɔto ko be Yuda no kɛ ma je no a kpɛti, ejakaa a ngɛ Nyɔmtsɛ kake, nɛ e mi hi saminya ha nihi tsuo nɛ kpaa ngmlaa kɛ tsɛɔ lɛ ɔ.

Romabi 3:29

Anɛ Mawu ɔ, Yuda bi kɛkɛ a Mawu lo? Anɛ pi ma je li ɔmɛ hu a Mawu ji lɛ lo? Ee, ma je li ɔmɛ hu a Mawu ji lɛ.

Mose V, 13:10

Á fiaa lɛ tɛ nɛ e gbo! E hla kaa e ma puɛ o tue ngɛ Yawɛ, o Mawu ɔ nɛ kpɔ̃ mo kɛ je Egipt, he nɛ o ya ye nyɔguɛ ngɛ ɔ he.

Mose V, 15:15

Kai kaa nyɛ hu nyɛ ya ye nyɔguɛ hyɛ ngɛ Egipt zugba a nɔ, nɛ Yawɛ, nyɛ Mawu ɔ ha nyɛ ye nyɛ he; lɔ ɔ he nɛ i ngɛ nyɛ mlaa nɛ ɔ woe mwɔnɛ ɔ nɛ.

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose V, 5:15

Kai kaa mo hu o ya ye nyɔguɛ ngɛ Egipt, nɛ imi Yawɛ, o Mawu ɔ kɛ kɔni si wami, kɛ nyɛmi kpɔ mo kɛ je lejɛ ɔ. Lɔ ɔ he nɛ i wo mo mlaa ke o ye Hejɔɔmi ligbi ɔ nɛ.

Mose V, 5:6

Nɔ́ nɛ Yawɛ de ji nɛ ɔ nɛ: ‘Imi ji Yawɛ, o Mawu ɔ nɛ je mo kɛ je Egipt zugba a nɔ, kɛ je nyɔguɛ yemi mi ɔ nɛ.

Mose V, 7:8

Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.

Manyadali 6:10

nɛ i de nyɛ ke, ‘Imi ji Yawɛ, nyɛ Mawu ɔ, lɔ ɔ he ɔ, nyɛ ko ja Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ.’ Se nyɛ bui mi tue.”