Mose II, 20:19 - BAIBLO ALOO NGMAMI KLƆUKLƆU Ɔ

¹⁹ Nɛ a de Mose ke, “Mo nitsɛ o kɛ wɔ nɛ tu munyu nɛ waa nu; ko ha nɛ Mawu kɛ wɔ nɛ tu munyu nɛ wa ba gbo.”

Mose II, 20:19 ပူးပေါင်းရင်းမြစ်များ

Mose V, 18:16

“Ligbi ɔ nɛ nyɛ tsuo pɛpɛɛpɛ nyɛ bua nyɛ he nya ngɛ Sinai yo ɔ he ɔ, nyɛ kpa pɛɛ ke ma ko ha nɛ nyɛɛ nu Yawɛ munyu nɛ e ngɛ tue ɔ hu, loo nɛ nyɛɛ na bɔ nɛ e je e he kpo ngɛ la hleei ɔ mi ɔ; ejakaa nyɛ ye gbeye kaa nyɛ ma gbo.

Ni Tsumi 7:38

Mose nɛ ɔ nɛ e kɛ Israel ma kpekpemi ɔ nɛ ji wa nɛmɛ ɔmɛ hi nga a nɔ ɔ nɛ. Lɛ nɛ e kɛ Mawu bɔfo ɔ tu munyu ngɛ Sinai yo ɔ he; nɛ lɛ nɔuu nɛ e ngɔ Mawu sɛ gbi nɛ wami ngɛ mi ɔ ba ha wɔ.

Galatabi 3:19

Lɛɛ jehanɛ ɔ, mɛni ji mlaa a he se nami mɔ? A ha wɔ mlaa a, konɛ wa kɛ le wa tɔmi ɔmɛ hluu kɛ yaa su be nɛ Abraham bi ɔ nɛ a wo lɛ si ngɛ he ɔ maa ba. Jehanɛ hu, hiɔwe bɔfohi lɛ ngɔ mlaa a kɛ ba ha je ɔ kɛ gu adesa nɔ.

Mose II, 33:20

E ya nɔ nɛ e de ke, “Se ye hɛ mi lɛɛ i be hae nɛ o na; ejakaa nɔmlɔ adesa ko be nyɛe nɛ e na ye hɛ mi nɛ e yi ma na wami.”

Mose V, 5:5

I da si ngɛ nyɛɛ kɛ Yawɛ nyɛ kpɛti jamɛ a be ɔ, konɛ ma de nyɛ nɔ́ nɛ e ngɛ dee ɔ, ejakaa nyɛ ngɛ la a gbeye yee. “Nɛ nyɛ kuɛ yo ɔ.

Mose I, 32:30

Yakob wo lejɛ ɔ biɛ ke Peniel, nɛ e de ke, “I wo kikɛmɛ a biɛ nɛ ɔ, ejakaa i na Mawu hɛ mi kɛ hɛ mi, se i gbo we.”

Hebribi 12:19

Titimati ngɛ pɛe, nɛ nɔ ko ngɛ munyu tue. Benɛ a nu gbi ɔ, a kpa pɛɛ ke a ko de nɔ́ ko kɛ piɛ he hu.

Mose I, 3:10

E he nɔ ke, “I nu o he ngɛ ngmɔ ɔ mi; ye tsui po, nɛ i ya laa ye he, ejakaa i hɛɛ ye he gu.”