Mose II, 20:18 - BAIBLO ALOO NGMAMI KLƆUKLƆU Ɔ

¹⁸ Benɛ ma a tsuo nu hiɔwe simi ɔ, kɛ titimati pɛmi ɔ, nɛ a na oslabai la a, kɛ la su ku nɛ je ngɛ yo ɔ mi ɔ, a ye gbeye, nɛ a je ya da si ngɛ se banee.

Mose II, 20:18 ပူးပေါင်းရင်းမြစ်များ

Mose I, 15:17

Benɛ pu nɔ si nɛ du bu ɔ, ngɛyu kɛ e mi la su ku, kɛ la lilɛ ba, nɛ e gu lohwe ɔmɛ nɛ a poo a mi ɔ a kpɛti kɛ be.

Mose I, 3:10

E he nɔ ke, “I nu o he ngɛ ngmɔ ɔ mi; ye tsui po, nɛ i ya laa ye he, ejakaa i hɛɛ ye he gu.”

La 81:7

Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

Yeremia 23:23

“Anɛ ke i ngɛ nyɛ kasa nya pɛ loko Mawu ji mi? Ke i ngɛ se lokoo ɔ lɛɛ pi Mawu ji mi lo?

Mose V, 18:16

“Ligbi ɔ nɛ nyɛ tsuo pɛpɛɛpɛ nyɛ bua nyɛ he nya ngɛ Sinai yo ɔ he ɔ, nyɛ kpa pɛɛ ke ma ko ha nɛ nyɛɛ nu Yawɛ munyu nɛ e ngɛ tue ɔ hu, loo nɛ nyɛɛ na bɔ nɛ e je e he kpo ngɛ la hleei ɔ mi ɔ; ejakaa nyɛ ye gbeye kaa nyɛ ma gbo.

Mose V, 4:36

E ha nyɛ nu e gbi kɛ je hiɔwe, konɛ e kɛ tsɔse nyɛ; nyɛ na e la klɔuklɔu ɔ ngɛ zugba a nɔ, nɛ e kɛ nyɛ tu munyu kɛ je mi.

Mose V, 5:23

“Benɛ yo ɔ tsuo ngɛ tsoe kɛ la, nɛ nyɛ nu gbi ɔ kɛ je diblii ɔ mi ɔ, nyɛ wɛtsoyi ɔmɛ tsuo, kɛ nyɛ nikɔtɔma amɛ ba ye ngɔ, ba de ke,

Mose V, 5:25

Mɛni he je e sa nɛ wa wo wa he kɛ wo gbenɔ mi ekohu? La gegeege ɔ ma ngla wɔ pɛsɛpɛsɛ. Ke wa nu Yawɛ, wa Mawu ɔ gbi ekohu ɔ, wa ma gbo.

Mose V, 5:27

Mose, moo kpale kɛ ho nɛ o ya bu nɔ́ tsuaa nɔ́ nɛ Yawɛ ma de mo ɔ tue, konɛ o ba de wɔ nɔ́ nɛ e de mo ɔ. Wa maa bu mo tue, nɛ wa maa ye nɔ.’

Mose V, 5:5

I da si ngɛ nyɛɛ kɛ Yawɛ nyɛ kpɛti jamɛ a be ɔ, konɛ ma de nyɛ nɔ́ nɛ e ngɛ dee ɔ, ejakaa nyɛ ngɛ la a gbeye yee. “Nɛ nyɛ kuɛ yo ɔ.