Mose II, 20:12 - BAIBLO ALOO NGMAMI KLƆUKLƆU Ɔ

¹² “Moo bu o tsɛ kɛ o nyɛ, konɛ o se nɛ kɛ ngɛ zugba nɛ Yawɛ, o Mawu ɔ ngɔ ha mo ɔ nɔ.

Mose II, 20:12 ပူးပေါင်းရင်းမြစ်များ

Mose I, 48:12

Kɛkɛ nɛ Yosef je jokuɛwi ɔmɛ kɛ je e tsɛ ɔ tɛ nɔ; nɛ e kpla si ngɛ e hɛ mi, nɛ e ngɔ e hɛ mi ngɔ bu si.

Mose I, 50:12

Yakob bimɛ ɔmɛ pee kaa bɔ nɛ e fa mɛ ɔ.

Matsɛmɛ I, 2:19

Kɛkɛ nɛ Batsheba ho matsɛ ɔ ngɔ ya, nɛ́ e kɛ lɛ ya sɛɛ Adoniya hiami nɔ́ ɔ he ní. Matsɛ ɔ te si nɛ e kɛ e nyɛ ɔ ya kpe, nɛ e kpla si ngɛ e nyɛ ɔ hɛ mi. Lɔ ɔ se ɔ, e ho ya hi e matsɛ sɛ ɔ nɔ, nɛ e ha a kɛ sɛ kpa ba ha e nyɛ ɔ, nɛ e hi nɔ ngɛ e hiɔ nɔ.

Matsɛmɛ II, 2:12

Benɛ Elisha na nɔ́ nɛ ɔ, e kpa ngmlaa nɛ e de ke, “Tsaatsɛ! Tsaatsɛ! Israel ta zugba lɛhi kɛ a we okpɔngɔ ta buli!” Nɛ e nɛ lɛ hu. Lɔ ɔ se ɔ, Elisha gba lɛ nitsɛ e tade ɔmɛ a mi enyɔ.

Mose II, 21:15

“Nɔ tsuaa nɔ nɛ maa fia e tsɛ, aloo e nyɛ nɔ́ ɔ, a gbe lɛ.

Mose II, 21:17

“Nɔ tsuaa nɔ nɛ maa gbiɛ e tsɛ, loo e nyɛ ɔ, a gbe lɛ.

Abɛ Womi 15:5

Kuasia kplɛɛ we nɛ e tsɛ tsɔseɔ lɛ; se bi nɛ baa e he si nɛ a tsɔseɔ lɛ ɔ, ní lelɔ ji lɛ.

Abɛ Womi 17:6

Bibimɛ ji nimowi a hɛ mi nyami, kaa bɔ nɛ bimɛ ngɛ ha fɔli ɔ.

Abɛ Womi 20:20

Nɔ tsuaa nɔ nɛ gbiɛɛ e tsɛ, loo e nyɛ ɔ, e nyagbe baa tlukaa kaa kane nɛ a gbe ngɛ diblii kpii mi.

Abɛ Womi 28:24

Nɔ nɛ juɔ e tsɛ, loo e nyɛ, nɛ e deɔ ke tsa pi yayami ji lɔ ɔ, e kɛ ojo fialɔ ɔ, slɔɔto be a kpɛti.

Abɛ Womi 3:16

Nile haa nɔ wami se kɛɔ ngɛ je mi; e haa nɔ naa ní, nɛ e haa nɔ hɛ mi baa nyami.

Abɛ Womi 30:11

Ni komɛ gbiɛɔ a tsɛmɛ, nɛ a gbaa we a nyɛmɛ.

Abɛ Womi 30:17

Nɔ nɛ gbeɔ e tsɛ he guɛ, nɛ e bui e nyɛ ɔ, kuakualabitehi nɛ ngɛ kɔ̃ ɔ mi ma ta e hɛngmɛ, nɛ okpokuhi maa ye lɛ.

Yeremia 35:18

Se Rekab we ɔ lɛɛ i de mɛ ke, “Bɔ nɛ Yawɛ Tabohiatsɛ, Israel Mawu ɔ de ji nɛ ɔ nɛ: ‘Mlaa nɛ nyɛ nɛ̃, Yonadab wo nyɛ ɔ, nyɛ ye nɔ; blɔ nyahi tsuo nɛ e to, kɛ níhi tsuo nɛ e fa nyɛ ke nyɛɛ pee ɔ, nyɛ pee pɛpɛɛpɛ.

Yeremia 35:7

E ke wa ko po we, wa ko du ní, wa ko pee wai ngmɔ, nɛ wa ko hi ní nɛ ɔmɛ ekoeko. E wo wɔ mlaa ke waa hi bo tsu mi wa wami be ɔ tsuo, konɛ wa se nɛ kɛ ngɛ zugba a nɛ wa ba to nubwɔ ngɛ nɔ ɔ nɔ.

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

Mose III, 19:3

Nyɛ ti nɔ tsuaa nɔ nɛ bu e nyɛ kɛ e tsɛ; nɛ e ye Hejɔɔmi ligbi ɔ kaa bɔ nɛ i fa nyɛ ɔ. Imi ji Yawɛ, nyɛ Mawu ɔ nɛ.

Mose III, 19:32

“Buu nɔkɔtɔma, nɛ o wo e hɛ mi nyami. Ye mi gbeye. Imi ji Yawɛ, o Mawu ɔ nɛ.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Mateo 19:19

bu o tsɛ kɛ o nyɛ; suɔ o nyɛmi nɔmlɔ kaa bɔ nɛ o suɔ mo nitsɛ o he.”

Marko 10:19

Tse o le mlaa amɛ: ‘Koo gbe nɔmlɔ; ko puɛ gba; koo ju; koo ye lakpa odase; koo sisi nɔ; bu o tsɛ kɛ o nyɛ!’ ”

Marko 7:10

Ejakaa Mose de ke, ‘Bu o tsɛ kɛ o nyɛ;’ nɛ e de hulɔ ke, ‘Nɔ nɛ gbiɛɛ e tsɛ, loo e nyɛ ɔ, á gbe lɛ!’

Luka 18:20

Tse o le mlaa amɛ nɛ deɔ ke, ‘Ko puɛ gba; koo gbe nɔmlɔ; koo ju; koo ye lakpa odase; bu o tsɛ, kɛ o nyɛ’ ɔ.”

Efesobi 5:21

Nyɛɛ ba nyɛ he si ha nyɛ sibi kɛ tsɔɔ kaa nyɛ yeɔ Kristo gbeye.

Mose V, 11:8

“Nyɛɛ ye mlaa amɛ tsuo nɛ i ngɛ nyɛ woe mwɔnɛ nɛ ɔ a nɔ. Lɔ ɔ loko nyɛ ma nyɛ maa po pa a kɛ ya ngɔ zugba a nɛ nyɛ yaa sɛ mi ɔ.

Mose V, 11:9

Ke nyɛ pee ja a, nyɛ se maa kɛ ngɛ zugba kpakpa nɛ baa ní saminya nɛ Yawɛ wo si ke e ma ngɔ ha nyɛ nɛmɛ ɔmɛ kɛ a nina a nɔ.

Mose V, 21:18

“Waa ngɔ lɛ kaa nyumu ko ngɛ binyumu atuã tsɔlɔ nɛ e tue wa, bi nɛ bui e fɔli, nɛ ke a gbla e tue po e bui.

Mose V, 25:15

O sɛni tɛhi, kɛ susumi kpa tsuo nɛ su pɛpɛɛpɛ, konɛ o se nɛ kɛ ngɛ zugba a nɛ Yawɛ, o Mawu ɔ ngɛ mo hae ɔ nɔ.

Mose V, 27:16

“ ‘Mawu maa gbiɛ nɔ tsuaa nɔ nɛ pueɔ e tsɛ, loo e nyɛ hɛ mi si.’ “Ma a tsuo ma he nɔ ke, ‘Amen!’

Mose V, 32:47

Mlaa nɛ ɔmɛ pi munyu guhi; nyɛ wami daa si ngɛ a nɔ. Nyɛɛ ye a nɔ, konɛ nyɛ se nɛ kɛ ngɛ zugba a nɛ ngɛ Yordan se nɛ nyɛ yaa ngɔ ɔ nɔ.”

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Mose V, 6:2

Nyɛɛ ye Yawɛ, nyɛ Mawu ɔ gbeye, nɛ nyɛɛ ye e mlaa amɛ nɛ i ngɛ nyɛ woe, kɛ e blɔ nya tomi ɔmɛ nɛ i ngɛ nyɛ hae nɛ ɔ a nɔ. A ngɛ kɛ ha nyɛ nitsɛmɛ, nyɛ bimɛ, kɛ nyɛ nina nyɛ wami be tsuo. Nyɛɛ ye a nɔ, konɛ nyɛ se nɛ kɛ ngɛ zugba a nɔ.

Kolosebi 3:20

Bimɛ, nyɛɛ bu nyɛ fɔli ngɛ nɔ́ tsuaa nɔ́ mi, ejakaa enɛ ɔ saa Mawu hɛ mi saminya.

Rut Womi 3:6

Lɔ ɔ he ɔ, Rut pue nɔ kɛ ho ngma mi sami he ɔ ya, nɛ e ya pee bɔ nɛ e nganyɛ ɔ de lɛ ɔ pɛpɛɛpɛ.

Samuel I, 22:3

David je lejɛ ɔ kɛ ho Mizpa ya ngɛ Moab, nɛ e ya de Moab matsɛ ɔ ke, “I kpa mo pɛɛ, ha nɛ tsaatsɛ kɛ maa nɛ a ba hi nyɛ ngɔ kɛ yaa si ma le nɔ́ nɛ Mawu maa pee ha mi.”