Mose II, 20:11 - BAIBLO ALOO NGMAMI KLƆUKLƆU Ɔ

¹¹ ejakaa ligbi ekpa Yawɛ ngɔ kɛ pee hiɔwe, zugba, kɛ wo kɛ a mi nɔ́ tsuaa nɔ́, nɛ ligbi nɛ ji kpaago ɔ, e jɔɔ e he. Enɛ ɔ he je nɛ e gbaa Hejɔɔmi ligbi ɔ, nɛ e pee lɛ klɔuklɔu ɔ nɛ.

Mose II, 20:11 ပူးပေါင်းရင်းမြစ်များ

Mose I, 1:28

Mawu gbaa mɛ nɛ e de mɛ ke, “Nyɛ fɔ babauu nɛ nyɛɛ hiɛ; nyɛɛ hyi zugba a nɔ tsuo, nɛ nyɛɛ ye zugba a tsuo nɔ. Nyɛɛ ye lo ɔmɛ, lohwe pɛlitsɛmɛ ɔmɛ, kɛ zugba a nɔ lohwe ɔmɛ tsuo a nɔ.”

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

Mose II, 31:17

E ji okadi ngɛ i kɛ Israel bi ɔmɛ wa kpɛti kɛ yaa neneene; ejakaa imi Yawɛ, i ngɔ ligbi ekpa kɛ pee hiɔwe kɛ zugba, nɛ ligbi nɛ ji kpaago ɔ, i kpa ní tsumi, nɛ i jɔɔ ye he.”

Mose II, 8:22

Jamɛ a be ɔ mi ɔ, ma je Goshen zugba a, he nɛ ye ma a ngɛ ɔ kɛ je mi, nɛ pwɔlwɛhi be lejɛ ɔ yae, konɛ o le kaa i ngɛ ní tsue ngɛ zugba a nɔ.

Mose II, 9:29

Mose de lɛ ke, “Ke i je ma a mi pɛ ma wo ye nine nɔ ngɔ tsɔɔ Yawɛ. Hiɔwe simi ɔ se maa po, nɛ gbiɛ ngo ngu ɔ be nɛe hu, konɛ o na nɛ o le kaa Yawɛ nɔ́ ji je ɔ nɛ.

Yesaya 42:10

Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

Yesaya 48:13

Imi nitsɛ lɛ i to zugba a sisi, nɛ i bli hiɔwe mluguduu ɔ mi. Benɛ i tsɛ hiɔwe kɛ zugba a, mɛ tsuo a he sɔ kɛ ba.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Ni Tsumi 20:7

Otsi ɔ mi kekleekle ligbi ɔ, wa bua wa he nya, konɛ waa ye suɔmi niye ní ɔ. Paulo tu munyu tsɔɔ ni ɔmɛ, nɛ e tsa fiɛmi ɔ nɔ kɛ ya su nyɔ mi kɔ̃kɔ̃ɔ̃kɔ̃; ejakaa e nɔ jena nɔuu e maa je.

Ni Tsumi 4:24

Benɛ nyɛmimɛ ɔmɛ nu ɔ, a kɛ juɛmi kake fa kue ha Mawu ke, “Mo Nyɔmtsɛ nɛ o bɔ hiɔwe kɛ zugba, kɛ wo, kɛ níhi tsuo nɛ ngɛ a mi.

Mose V, 5:15

Kai kaa mo hu o ya ye nyɔguɛ ngɛ Egipt, nɛ imi Yawɛ, o Mawu ɔ kɛ kɔni si wami, kɛ nyɛmi kpɔ mo kɛ je lejɛ ɔ. Lɔ ɔ he nɛ i wo mo mlaa ke o ye Hejɔɔmi ligbi ɔ nɛ.

Hebribi 4:4

Ejakaa nɔ́ nɛ ngmami ɔ he ko deɔ ngɛ ligbi kpaagone ɔ he ji, “Ligbi kpaagone ɔ, Mawu jɔɔ e he, nɛ e tsu we nɔ́ ko.”

Kpojemi 10:6

nɛ e ka kita ngɛ Mawu nɛ ngɛ kɛ yaa neneene ɔ biɛ mi. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi. Bɔfo ɔ de ke, “Mawu be tsle toe hu!