Mose II, 20:10 - BAIBLO ALOO NGMAMI KLƆUKLƆU Ɔ

¹⁰ Ligbi nɛ ji kpaago ɔ ji Yawɛ, o Mawu ɔ Hejɔɔmi ligbi. Jamɛ a ligbi ɔ, ko tsu nɔ́ ko kulaa; mo nitsɛ jio, o binyumu jio, o biyo jio, o tsɔlɔ nyumu jio, o mawayo jio, o lohwe jio, nubwɔ nɛ ngɛ o ma a mi jio;

Mose II, 20:10 ပူးပေါင်းရင်းမြစ်များ

Nehemia 10:31

Ke nibwɔhi ba jua niye ní, loo nɔ́ kpa ko ha wɔ ngɛ Hejɔɔmi ligbi ɔ nɔ, loo nyami be kpa ko mi ɔ, wa be hee. Daa jeha kpaago ɔ, wa be ngmɔ hue. Jehanɛ hu, hiɔhi nɛ nihi hɛɛ wɔ ɔ tsuo wa be jee hu; wa maa ngɔ kɛ ke mɛ.

Mose II, 16:26

Nyɛ ma bua nya ligbi ekpa; se ligbi nɛ ji kpaago ɔ, nɛ ji Hejɔɔmi ligbi ɔ, nyɛ be eko nae.”

Mose II, 31:13

nɛ e fa lɛ nɛ e de Israel bi ɔmɛ ke, “Nyɛɛ ye ye Hejɔɔmi ligbi ɔ; ejakaa Hejɔɔmi ligbi ɔ ji neneene somi nɛ ngɛ i kɛ nyɛ wa kpɛti ɔ he okadi, konɛ nyɛ na nɛ nyɛɛ le kaa imi Yawɛ, lɛ i hla nyɛ kɛ pee ye ma.

Mose II, 34:21

“Mo tsu ní ligbi ekpa, se ligbi nɛ ji kpaago ɔ lɛɛ moo jɔɔ o he; ní gbami be tete jio, ní kpami be tete jio.

Mose II, 35:2

Ligbi ekpa nyɛ kɛ tsu ní, se ligbi nɛ ji kpaago ɔ lɛɛ nyɛɛ ye lɛ kaa Hejɔɔmi ligbi klɔuklɔu ha imi Yawɛ. Nɔ tsuaa nɔ nɛ ma tsu ní jamɛ a ligbi ɔ, a gbe lɛ.

Ezekiel 14:7

“Ke Israel fɔfɔɛ ko, loo nɔ ko nɛ ba to Israel bi ɔmɛ nubwɔ tsɔ e he kɛ je ye he, nɛ e ngɔ e hɛ ngɔ fɔ e we amaga amɛ a nɔ kɛ e tsui tsuo, nɛ lɔ ɔ he je yayami pɛ e peeɔ ɔ, ke e ba gbalɔ ko ngɔ nɛ e ba bi ní ɔ, imi Yawɛ nitsɛ ma ha lɛ heto.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Luka 23:56

A kpale a se kɛ ho we mi ya ya hla tsopa kɛ e he via, kɛ nu via ngɔ to. Hejɔɔmi ligbi ɔ, a jɔɔ a he kaa bɔ nɛ mlaa a tsɔɔ kaa a pee ɔ.