Mose II, 2:3 - BAIBLO ALOO NGMAMI KLƆUKLƆU Ɔ

³ Se benɛ e nyɛ we nɛ e kɛ lɛ nɛ laa hu ɔ, e ngɔ kusii ko nɛ a kɛ ngɔwu lo, nɛ e kpa he amã. Lɔ ɔ se ɔ, e ngɔ bimwɔyo ɔ kɛ wo kusii ɔ mi, nɛ e kɛ lɛ ya ma ngɔwu ɔmɛ a mi ngɛ pa a tue.

Mose II, 2:3 ပူးပေါင်းရင်းမြစ်များ

Mose I, 11:3

A de a he ke, “Nyɛ ha nɛ waa po bliikisi nɛ waa sã ngɛ la mi nɛ e he nɛ wa.” A po bliikisi ɔ, nɛ a hla zu nɛ ngɛ kaa amã nɛ a kɛ maa nu bliikisi ɔ kɛ bla kɛ ma tsu.

Mose I, 14:10

Muɔhi nɛ amã ngɛ a mi babauu ngɛ Sidim Kɔ̃ ɔ mi, nɛ benɛ Sodom kɛ Gomora matsɛmɛ ɔmɛ ngɛ fo tue ngɛ ta a nya a, a nɔɔ muɔ ɔmɛ a mi; se matsɛmɛ etɛ ɔmɛ nɛ piɛ ɔ, mɛ lɛɛ a tu fo kɛ ho yoku ɔmɛ a nɔ ya.

Mose I, 6:14

Ngɔɔ tso kpakpa nɛ o kɛ kpɛ lɛ. Moo pee tsuhi ngɛ mi, nɛ o ngɔ amã kɛ kpa lɛ ɔ he kɛ e mi tsuo.

Mose II, 1:22

Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Yesaya 18:2

A tsɔ nihi kɛ je jamɛ a zugba a nɔ kɛ ma. A hi lɛhi nɛ a kɛ ngɔwu pee a mi kɛ gu Nilo pa a nɔ kɛ ma. Nyɛ tsɔli nɛ nyɛ he sɔɔ, nyɛɛ ngɔ sɛ gbi nɛ ɔ kɛ ya nyɛ zugba kɛ e mi pahi babauu ɔ nɔ. Nyɛɛ ngɔ kɛ ya ha nyɛ ma kɛ e mi katsɛmɛ, nimli gagaagahi kɛ a he womi nɔ tlotlootlo nɛ je ɔ tsuo yee mɛ gbeye ɔ.

Yesaya 19:6

Be mi nɛ nyu dɔ ɔmɛ ngɛ tae ɔ, a ma bɔni fu jemi. Ngɔwu kɛ go ma gbli;

Yesaya 35:7

Blesiblesi ma plɛ pee taku, nɛ nyu hɛngmɛhi ma ha zugba gbigbli ɔ maa tɔ nyu. He nɛ nga mi gbehi hi sa a ngɛ nga mlɔmlɔɔmlɔ mi ɔ, ngɔwu, kɛ go maa puɛ ngɛ lejɛ ɔ.

Mateo 2:13

Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Ni Tsumi 7:19

Matsɛ nɛ ɔ sisi wa nɛmɛ ɔmɛ, nɛ e wa mɛ yi mi. E ha nɛ a sake a bimwɔwi ngɔ pue he, konɛ a gbo.