Mose II, 2:24 - BAIBLO ALOO NGMAMI KLƆUKLƆU Ɔ

²⁴ Benɛ Mawu nu a kɛmɛmi ɔ, e kai somi nɛ e kɛ a nɛmɛ Abraham, Isak, kɛ Yakob so ɔ.

Mose II, 2:24 ပူးပေါင်းရင်းမြစ်များ

Mose I, 15:13

Kɛkɛ nɛ Yawɛ de lɛ ke, “I ngɛ mo dee anɔkuale mi kaa o nina ma ya pee nibwɔhi ngɛ zugba kpa nɔ; a maa pee nyɔguɛhi ngɛ lejɛ ɔ, nɛ a maa wa mɛ yi mi jeha lafa eywiɛ.

Mose I, 16:11

Hyɛ, mi ngɛ o he; o ma fɔ binyumu, nɛ o maa wo lɛ biɛ ke Ishmael, ejakaa Yawɛ nu o we amanehlu kue fami ɔ.

Mose I, 17:7

“Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Mose I, 18:18

E nina ma ba pee je ma kpetekpleenyɛ nɛ a he maa wa, nɛ ma gu e nɔ kɛ gbaa je ma amɛ tsuo.

Mose I, 22:16

nɛ e de lɛ ke, “Imi Yawɛ, i ngɛ ye he kita kae kaa akɛnɛ o bu mi tue, nɛ o bi kake too ɔ he nɔ́ dɔɛ mo kaa o kɛ lɛ ma ha mi he je ɔ,

Mose I, 26:2

Yawɛ je e he kpo kɛ tsɔɔ Isak, nɛ e de lɛ ke, “Koo ya Egipt, hii si ngɛ zugba a nɛ ma tsɔɔ mo ɔ nɔ.

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Mose I, 35:11

Jehanɛ Mawu de lɛ ke, “Imi ji Mawu Ope ɔ nɛ; mo fɔ bimɛ babauu. Niinɛ, je mahi kɛ matsɛmɛ maa je o mi.

Mose I, 35:12

Zugba a nɛ i ngɔ kɛ ha Abraham kɛ Isak ɔ, i kɛ ma ha mo kɛ o nina.”

Mose I, 8:1

Mawu kai Noa kɛ lohwe ɔmɛ tsuo nɛ e kɛ mɛ ngɛ lɛ ɔ mi ɔ; Mawu ha nɛ kɔɔhiɔ ko ba fia, nɛ nyu ɔ bɔni miimi.

Matsɛmɛ II, 13:23

se kɛ̃ ɔ, Yawɛ dloomi kɛ e mɔbɔ nami ngɛ a nɔ. Somi ɔ nɛ Yawɛ kɛ Abraham, kɛ Isak, kɛ Yakob so ɔ he je ɔ, e piɛ a he, nɛ e ha we nɛ a hɛ mi nɛ kpata; nɛ kɛ ba si mwɔnɛ ɔ hu e hɛ ji e ma a nɔ.

La 102:2

Ke i ngɛ haomi mi ɔ, koo je ye he. Ke i tsɛ mo ɔ, he nɔ esɔ, nɛ o pee ye hiami ní ɔmɛ ha mi.

La 102:20

konɛ e nu pamitsɛmɛ ɔmɛ a kɛmɛmi ɔ he, nɛ nihi nɛ a bu mɛ gbenɔ fɔ ɔ, e ha nɛ a ye a he.

La 105:42

E kai e tsɔlɔ Abraham, kɛ si nɛ e wo lɛ ɔ.

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.

La 138:3

Ligbi ɔ nɛ i tsɛ mo ɔ, o he nɔ. O wo mi kã, nɛ ye nɔ gbagba te.

La 22:24

Ejakaa, e kua we nɔ́ nali; e hɛ ji a nɔ hulɔ. Ke a fa kue ha lɛ ɔ, e nuɔ; e laa we mɛ.

La 22:5

A fa kue ha mo, nɛ o he a yi wami. A ngɔ a hɛ kɛ fɔ o nɔ, nɛ a pia we a he kaa a pee ja.

La 79:11

Yawɛ, pamitsɛmɛ ɔmɛ ngɛ kɛmɛe; bu tue! Ni nɛmɛ nɛ ngɛ gbenɔ nya mi ɔ, ngɔɔ o he wami kpetekpleenyɛ ɔ kɛ kpɔ mɛ.

Mose II, 6:5

Jehanɛ hu, bɔ nɛ Israel bi ɔmɛ ngɛ awe nyae ɔ, i nu, nɛ i kai ye somi ɔ.

Mose IV, 20:16

bɔ nɛ wa kpa ngmlaa kɛ tsɛ Yawɛ, nɛ e nu wa gbi, nɛ e tsɔ bɔfo kɛ ba kpaka wɔ kɛ je Egipt. Amlɔ nɛ ɔ, wa ba su Kadesh, nɛ ji ma nɛ kɛ o zugba a wo huzu ɔ nɔ.

Ni Tsumi 7:34

Amanehlu nɛ ye ma a ngɛ nae ngɛ Egipt ɔ, i le; nɛ i nu a kɛmɛmi ɔ hulɔ. Lɔ ɔ he ɔ, i kpale se kɛ ma ma ba je mɛ. Hyɛ, ma tsɔ mo Egipt.’

Manyadali 2:18

Be tsuaa be nɛ Yawɛ ma ha Israel manyadalɔ ko ɔ, e piɛɔ e he kɛ kpɔɔ ma a kɛ jeɔ a he nyɛli ɔmɛ a dɛ mi e wami ligbi ɔmɛ tsuo. Ejakaa kɛmɛmi nɛ a hii kɛmɛe ngɛ a yi mi wali, kɛ ni nɛmɛ nɛ haoɔ mɛ ɔ a dɛ mi ɔ peeɔ Yawɛ mɔbɔ.

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”