Mose II, 2:23 - BAIBLO ALOO NGMAMI KLƆUKLƆU Ɔ

²³ Jeha komɛ a se ɔ, Egipt matsɛ ɔ ba gbo. Se Israel bi ɔmɛ lɛɛ kɛmɛmi kɛkɛ a ngɛ kɛmɛe ngɛ a nyɔguɛ yemi ɔ mi. A fa kue ha Mawu, nɛ Mawu hu nu a gbi.

Mose II, 2:23 ပူးပေါင်းရင်းမြစ်များ

Mose I, 16:11

Hyɛ, mi ngɛ o he; o ma fɔ binyumu, nɛ o maa wo lɛ biɛ ke Ishmael, ejakaa Yawɛ nu o we amanehlu kue fami ɔ.

Mose I, 4:10

Jehanɛ, Yawɛ bi lɛ ke, “Mɛni ji nɔ́ nɛ o pee nɛ ɔ?” E ya nɔ nɛ e de Kain ke, “O senɔ ɔ muɔ ɔ nɛ ngɛ zugba a mi ɔ, e hia kaa ma ye e he lue.

Nehemia 9:9

“O na bɔ nɛ wa nɛmɛ ɔmɛ na amanehlu ngɛ Egipt, o nu a kue fami ɔ ngɛ Wo Tsu ɔ nya.

Hiob 35:9

Ke a ngɛ nimli adesahi yi mi wae ɔ, a kpaa ngmlaa kɛ tsɛɔ balɔ.

La 102:1

Yawɛ, i ngɛ mo tsɛe nɛ o ba piɛ ye he. Moo bu ye kue fami ɔ tue koo!

La 102:2

Ke i ngɛ haomi mi ɔ, koo je ye he. Ke i tsɛ mo ɔ, he nɔ esɔ, nɛ o pee ye hiami ní ɔmɛ ha mi.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 18:6

Ngɛ ye haomi be ɔ mi ɔ, i tsɛ Yawɛ. I tsɛ ye Mawu, nɛ i de lɛ ke e piɛ ye he. E nu ye gbi ngɛ e we klɔuklɔu ɔ, nɛ e bu ye kue fami ɔ tue.

Mose II, 1:14

A hɛɛ zu, a peeɔ bliikisi, nɛ a tsuɔ ngmɔ ní tsumi slɔɔtohi; nɛ ní tsumi ɔ eko tsuaa eko mi ɔ, a waa mɛ yi mi wawɛɛ.

Mose II, 4:19

Yawɛ kɛ Mose tu munyu ngɛ Midian, nɛ e de lɛ ke, “Moo kpale o se kɛ ho Egipt ya, ejakaa nihi nɛ ngɛ hlae nɛ a tane o yi ɔ, mɛ tsuo a gbo.”

Mose II, 6:5

Jehanɛ hu, bɔ nɛ Israel bi ɔmɛ ngɛ awe nyae ɔ, i nu, nɛ i kai ye somi ɔ.

Mose II, 6:9

Mose ngɔ sɛ gbi nɛ ɔ ya ha Israel bi ɔmɛ, se a nyɔguɛ si himi ɔ, a nɔ yemi gbegbelii ɔ, kɛ a kɔmɔ yemi ɔ ha we nɛ a bu lɛ tue.

Mose II, 7:7

Mose ye jeha nyingmi kpaanyɔ, nɛ Aaron hu ye jeha nyingmi kpaanyɔ kɛ etɛ benɛ a kɛ Farao ɔ ya tu munyu ɔ.

Yesaya 19:20

Ní nɛ ɔmɛ maa da si kaa Yawɛ Tabohiatsɛ ɔ nɛ ngɛ a kpɛti ngɛ Egipt zugba a nɔ ɔ he okadihi. Lɔ ɔ he ɔ, ke nihi nɛ ngɛ lejɛ ɔ ma kpa ngmlaa kɛ tsɛ Yawɛ ngɛ yi mi nɛ a ngɛ mɛ wae ɔ he ɔ, e maa tsɔ nɔ ko nɛ e ba kpɔ mɛ.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Mose IV, 20:16

bɔ nɛ wa kpa ngmlaa kɛ tsɛ Yawɛ, nɛ e nu wa gbi, nɛ e tsɔ bɔfo kɛ ba kpaka wɔ kɛ je Egipt. Amlɔ nɛ ɔ, wa ba su Kadesh, nɛ ji ma nɛ kɛ o zugba a wo huzu ɔ nɔ.

Ni Tsumi 7:30

“Jeha nyingmi eywiɛ se ɔ, Mawu bɔfo ba je e he kpo tsɔɔ Mose ngɛ la lilɛ mi ngɛ pu mi ngɛ Sinai yo ɔ he.

Mose V, 24:15

Daa ligbi, loko pu maa nɔ si ɔ, wo lɛ nɔ́ nɛ e tsu jamɛ a ligbi ɔ he hiɔ. Sika a he ngɛ lɛ hiae, nɛ e ngɔ e hɛ ngɔ fɔ nɔ. Ke o wui lɛ hiɔ ɔ, nɛ e fa kue ha Yawɛ ngɛ nɔ́ nɛ o pee nɛ ɔ he ɔ, a maa bu mo fɔ kaa o pee yayami.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Manyadali 4:3

Yabin ngɛ dade ta zugba lɛ lafa nɛɛ, nɛ e wa Israel bi ɔmɛ yi mi jeha nyingmi enyɔ sɔuu. Nɛ Israel bi ɔmɛ fa kue ha Yawɛ.

Samuel I, 12:8

Benɛ Yakob kɛ e bimɛ ɔmɛ ya Egipt, nɛ Egipt bi ɔmɛ ngɛ mɛ yi mi wae ɔ, nyɛ nɛmɛ ɔmɛ fa kue ha Yawɛ, nɛ e tsɔ Mose kɛ Aaron nɛ a ya je mɛ kɛ je Egipt kɛ ba hiɛmɛ nɛ ɔ.

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”