Mose II, 2:22 - BAIBLO ALOO NGMAMI KLƆUKLƆU Ɔ

²² Zipora fɔ binyumu, nɛ Mose wo lɛ biɛ ke Gershon, nɛ e de ke, “I wo lɛ kikɛmɛ a biɛ nɛ ɔ, ejakaa i ba to nubwɔ ngɛ ma se zugba nɔ.”

Mose II, 2:22 ပူးပေါင်းရင်းမြစ်များ

Ni Tsumi 7:29

Benɛ Mose nu munyu nɛ ɔ, e tu fo kɛ je Egipt, nɛ e ya to nibwɔ ngɛ Midian zugba a nɔ. E ya fɔ binyumuhi enyɔ ngɛ lejɛ ɔ.

Mose II, 22:21

“Koo pee nubwɔ yayami, nɛ koo wa lɛ yi mi; ejakaa nyɛ hu nyɛ ya to nubwɔ ngɛ Egipt zugba a nɔ.

La 119:19

Nubwɔ ji mi ngɛ je ɔ mi; koo ngɔ o mlaa a kɛ laa mi.

Kronika I, 29:15

Yawɛ lee, o le kaa wa ngɛ kaa nibwɔhi, kɛ blɔ nyɛɛli kaa wa nɛmɛ ɔmɛ pɛ. Wa wami ligbi ɔmɛ bee kɛ yaa kaa hɔ̃, nɛ wa be nyɛe maa tu gbenɔ nya fo.

Kronika I, 16:20

A wo lalaalo kɛ je zugba kake nɔ kɛ ya zugba kpa nɔ, kɛ je nɔ yemi he kake, kɛ ya nɔ yemi he kpa.

La 39:12

Yawɛ, i ngɛ kue fae kɛ ngɛ mo hae; i ngɛ mo tsɛe kɛ ngmlaa, kɛ ya; moo bu mi tue koo! Imi hu pe i ba to nubwɔ be kpiti kɛkɛ kaa ye nɛmɛ ɔmɛ nɔuu.

Mose II, 2:10

Benɛ jokuɛ ɔ ba wa a, yo ɔ ngɔ lɛ ya ha Farao ɔ biyo ɔ, nɛ e ba pee e bi. E wo lɛ biɛ ke Mose, nɛ e de ke, “I wo lɛ kikɛmɛ a biɛ nɛ ɔ, ejakaa nyu mi i je lɛ kɛ je.”

Mose I, 23:4

“Nubwɔ ji mi ngɛ nyɛ kpɛti; nyɛ ha mi nyɛ zugba a eko nɛ ma kɛ pee gɔ, konɛ ma pu ye yo ɔ ngɛ lejɛ ɔ.”

Mose II, 4:20

Lɔ ɔ he ɔ, Mose ngɔ e yo ɔ, kɛ e binyumu ɔmɛ ngɔ hi teji nɔ, nɛ e kɛ mɛ pue nɔ kɛ ho Egipt zugba a nɔ ya. Mose kɛ̃ tso ɔ nɛ Mawu de lɛ ke e hɛɛ ɔ ngɔ ma e dɛ kɛ ho.

Mose III, 25:23

Zugba a, nyɛ ko jua nɛ e ba plɛ pee nɔ ko nɔ́ kulaa. Zugba a, Mawu nɔ́, pi nyɛ nɔ́. Nyɛɛ lɛɛ Mawu nibwɔhi nɛ ba ngɛ ní tsue ngɛ zugba a nɔ kɛkɛ ji nyɛ.

Manyadali 18:30

Dan bi ɔmɛ ngɔ amaga a kɛ ma si, nɛ a bɔni lɛ jami. Gershom binyumu Yonatan, Mose bibi ɔ, kɛ e bimɛ nɛ ba ngɛ e se ɔ, ye osɔfo ha Dan wɛtso ɔ kɛ ya si ligbi ɔ nɛ a nuu zugba a nɔ bi ɔmɛ nyɔguɛ.

Samuel I, 1:20

Hana ngɔ hɔ, nɛ e fɔ binyumu, nɛ e wo lɛ biɛ ke Samuel; nɛ e de ke, “I wo lɛ kikɛmɛ a biɛ nɛ ɔ, ejakaa i bi Yawɛ nɛ e kɛ lɛ ha mi.”