Mose II, 2:20 - BAIBLO ALOO NGMAMI KLƆUKLƆU Ɔ

²⁰ Yetro bi e biyi ɔmɛ ke, “Nɛ jije e ngɛ? Mɛni he je nyɛ je nyumu ɔ he? Nyɛ ya tsɛ lɛ kɛ ba nɛ e ba wo e nya mi nɔ́ ko.”

Mose II, 2:20 ပူးပေါင်းရင်းမြစ်များ

Mose I, 18:5

I kɛ niye ní bɔbɔyoo ko hu ma ba ha nyɛ nɛ nyɛɛ ye, konɛ nyɛ na he wami nɛ nyɛ kɛ tsa nyɛ nyɛɛmi ɔ nɔ. Nyɛ wo ye hɛ mi nyami kaa nyɛ ba ye we ɔ mi; lɔ ɔ he ɔ, nyɛ ha ma sɔmɔ nyɛ.” A he nɔ ke, “Saminya! Pee kaa bɔ nɛ o de ɔ.”

Mose I, 29:13

Benɛ Laban nu e wɔfase Yakob he ɔ, e tu fo ya kpee lɛ, nɛ e pee lɛ atuu; e fiɔ e nya he, nɛ e kɛ lɛ ba we mi. Benɛ Yakob bɔ Laban nɔ́ tsuaa nɔ́ nɛ ba a,

Mose I, 31:54

Yakob gbe lohwe nɛ e kɛ sã bɔ ngɛ yoku ɔ nɔ. E tsɛ e nyɛmimɛ ɔmɛ ní yemi; benɛ a ye ní ɔ gbe nya a, a hi yoku ɔ nɔ nyɔ ɔ mi tsuo.

Mose I, 43:25

A dla nike ní ɔmɛ nɛ a kɛ ma ha Yosef ɔ ngɔ to, konɛ ke e ba we ɔ mi piani nɛ a kɛ ha lɛ; ejakaa a nu kaa a maa ye ní ngɛ lejɛ ɔ.

Hiob 31:32

I ha we nɛ nibwɔhi hwɔɔ gbɛjegbɛ nɔ; mohu ɔ, i ngɔɔ mɛ kɛ baa we mi.

Hiob 42:11

Hiob nyɛminyumuhi, e nyɛmiyihi, kɛ nihi nɛ le lɛ sa a tsuo ba slaa lɛ nɛ a kɛ lɛ ba ye ní ngɛ e we ɔ mi. A ye lɛ kɔmɔ nɛ a jɔɔ e bua ngɛ haomihi tsuo nɛ Yawɛ kɛ ba e nɔ ɔ a he. A ti nɔ tsuaa nɔ ke lɛ sika, kɛ sika tsu ga.

Mose II, 2:19

A de lɛ ke, “Egipt no ko lɛ je wɔ ngɛ to hyɛli ɔmɛ a dɛ mi. Lɔ ɔ se ɔ, e sa nyu ha wɔ nɛ wa to ɔmɛ nu.”

Mose II, 2:21

Mose kplɛɛ kaa e kɛ osɔfo ɔ maa hi si. Pee se ɔ, osɔfo ɔ ngɔ e biyo Zipora ngɔ ha Mose.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.