Mose II, 2:15 - BAIBLO ALOO NGMAMI KLƆUKLƆU Ɔ

^15-16 Benɛ Farao ɔ nu he ɔ, e hla kaa e maa gbe Mose. Se Mose tu fo kɛ ho Midian zugba a nɔ ya. Ligbi ko ɔ, Mose ya hi si ngɛ vu ko he, nɛ e ba mi kaa Midian osɔfo ɔ biyiwi kpaago ba lejɛ ɔ nɛ́ a ba yɛ nyu kɛ wo nyu numi níhi a mi kɛ ha a tsɛ tohi.

Mose II, 2:15 ပူးပေါင်းရင်းမြစ်များ

Hebribi 11:27

Hemi kɛ yemi lɛ ha nɛ Mose je Egipt nɛ e yi matsɛ ɔ mi mi fumi ɔ gbeye. E kpale we e se, ejakaa Mawu nɛ e nɛ́ kɛ e hɛngmɛ ɔ, e pɛtɛ e he wawɛɛ kaa nɔ́ nɛ e ngɛ lɛ hyɛe paa.

Ni Tsumi 7:29

Benɛ Mose nu munyu nɛ ɔ, e tu fo kɛ je Egipt, nɛ e ya to nibwɔ ngɛ Midian zugba a nɔ. E ya fɔ binyumuhi enyɔ ngɛ lejɛ ɔ.

Mose I, 24:11

Gbɔkuɛ nya si ɔ, e ha afukpɔngɔ ɔmɛ bu si ngɛ vu ko he ngɛ ma a nya. Jamɛ a be ɔ mi lɛ yihi jeɔ kpo kɛ ba yɛɔ nyu.

Mose I, 29:2

Tlukaa a, e ya pã vu ko nɔ ngɛ nga a nɔ, nɛ to kuu etɛ hwɔɔ si kɛ bɔle vu ɔ. Jamɛ a vu ɔ mi nɛ a yɛɛ nyu ngɛ kɛ haa tohi nɛ a nuɔ, nɛ tɛ agbo ko ngɛ vu ɔ nya.

Yohane 4:6

Yakob vu ɔ ngɛ lejɛ ɔ. Piani ngmlɛ nyɔngma kɛ enyɔ ɔ, Yesu ba su vu ɔ he, nɛ e ya hi si, ejakaa pɔ tɔ lɛ kɛ blɔ nyɛɛmi.

Mateo 10:23

Ke a ngɛ nyɛ yi mi wae ngɛ ma ko mi ɔ, nyɛɛ tu fo kɛ ya ma kpa mi. Niinɛ, i ngɛ nyɛ dee ke nyɛ be nyɛ ní tsumi ɔ nya gbee ngɛ Israel ma amɛ tsuo a mi, loko Nɔmlɔ Bi ɔ maa ba.

Abɛ Womi 22:3

Nɔmlɔ nɛ le nɔ́ ɔ, ke e na haomi nɛ ma a, e tuu nya fo, nɛ e ya laa e he. Nɔ nɛ be juɛmi ɔ, lɛɛ e kɛ e he ya woɔ haomi mi, nɛ e naa nɔ́.

Mose II, 4:19

Yawɛ kɛ Mose tu munyu ngɛ Midian, nɛ e de lɛ ke, “Moo kpale o se kɛ ho Egipt ya, ejakaa nihi nɛ ngɛ hlae nɛ a tane o yi ɔ, mɛ tsuo a gbo.”

Mose I, 25:4

Midian bimɛ ji Efa, Efer, Hanok, Abida, kɛ Eldaa. Ketura nina ji ni nɛ ɔmɛ tsuo.

Mose I, 25:2

Abraham kɛ lɛ fɔ Zimran, Yokshan, Medan, Midian, Ishbak, kɛ Shua.

Mose II, 18:4

Nɔ kake hu biɛ ji Eliezer; e sisi ji “Tsaatsɛ e Mawu nɛ doo ha mi; lɛ nɛ je mi kɛ je Farao ɔ ta a nya.”

Matsɛmɛ I, 11:18

A je Midian kɛ ho Paran ya; nɛ benɛ a ya su lejɛ ɔ, nyumuhi kpa komɛ ba piɛ a he. Nɛ́ a je lejɛ ɔ, a pue nɔ kɛ ho Egipt ya, nɛ a ya na Egipt matsɛ ɔ. Farao ɔ ha Hadad zugba, kɛ we, kɛ niye ní.

Habakuk 3:7

I na nɛ sawale nu Kushan bi ɔmɛ, nɛ Midian bi ɔmɛ hu a he ngɛ doe blibliibli.