Mose II, 2:11 - BAIBLO ALOO NGMAMI KLƆUKLƆU Ɔ

¹¹ Benɛ Mose ba wa a, e je kpo ligbi ko kɛ ho e nyɛmimɛ Hebri bi ɔmɛ a ngɔ ya, nɛ e ya hyɛ pɔtɔ, kɛ dengme ní tsumi kpakpataa nɛ a ngɛ tsue ɔ. E na Egipt no ko nɛ ngɛ e nyɛmimɛ Hebri bi ɔmɛ a ti nɔ kake gbee.

Mose II, 2:11 ပူးပေါင်းရင်းမြစ်များ

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Mose II, 5:14

Ke pee ɔ, Farao ɔ nyɔguɛhi a nɔ yeli ɔmɛ fiaa Israel ní tsuli ɔmɛ a nɔ hyɛli ɔmɛ nɛ a to ɔ ní, nɛ a biɔ mɛ ke, “Kɛ pee kɛɛ nɛ nyɛ gbi bliikisi peemi ní tsumi ɔ nya kaa bɔ nɛ a to ha nyɛ ɔ?”

Mose II, 5:4

Se Egipt matsɛ ɔ de ke, “Mo Mose, kɛ mo Aaron, mɛni he je nɛ nyɛ ngɛ ma a jee kɛ ngɛ a ní tsumi he jee ɔ? Nyɛɛ kpale nyɛ se kɛ ho nyɛ ní tsumi ɔmɛ a he ya esɔ!”

Mose II, 5:5

Farao ɔ ya nɔ nɛ e de mɛ ke, “Nyɛɛ hyɛ, nyɛ bi ɔmɛ a he hiɛ babauu ngɛ zugba a nɔ pe zugbatsɛmɛ ɔmɛ, nɛ nyɛ ma ha a kpa ní tsumi!”

Mose II, 5:9

Nyɛ ko ha mɛ deka; nyɛ pue ní tsumi ɔ nɔ ha mɛ nɛ a tsu, konɛ a ko ya hi lakpa munyuhi tue bue hu.”

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,