Mose II, 19:6 - BAIBLO ALOO NGMAMI KLƆUKLƆU Ɔ

⁶ Se nyɛɛ lɛɛ nyɛ maa pee ye ma klɔuklɔu, nɛ nyɛ ma sɔmɔ mi kaa osɔfohi. Sɛ gbi nɛ ɔ, mo de Israel bi ɔmɛ.”

Mose II, 19:6 ပူးပေါင်းရင်းမြစ်များ

Kpojemi 5:10

O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.

Mose V, 7:6

Nyɛɛ pee ja, ejakaa Yawɛ, nyɛ Mawu ɔ hla nyɛ kɛ je nihi tsuo nɛ ngɛ je ɔ mi ɔ a kpɛti, bɔ nɛ pee nɛ nyɛɛ pee lɛ nitsɛ e ma pɔtɛɛ.

Mose V, 28:9

“Ke nyɛ bu Yawɛ, nyɛ Mawu ɔ gbi tue, nɛ nyɛ ye mlaa amɛ nɛ e ngɛ nyɛ woe ɔ tsuo a nɔ ɔ, e maa pee nyɛ lɛ nitsɛ e ma, kaa bɔ nɛ e wo si ɔ.

Yesaya 62:12

A ma tsɛ nyɛ ke, “Ma klɔuklɔu”, “Ma nɛ Yawɛ kpɔ mɛ.” A ma tsɛ Yerusalem ke, “Ma nɛ a ya hla nɛ a na”, “Ma nɛ Mawu kua we lɛ.”

Mose V, 26:19

E ma ha nɛ o pee ma ngua a pe ma amɛ tsuo. O ma je e yi, nɛ o maa wo e hɛ mi nyami. Nɛ o maa pee lɛ Yawɛ, o Mawu klɔuklɔu ɔ nitsɛ, e ma kaa bɔ nɛ e wo si ɔ.”

Mose III, 19:2

e de Israel ma kpekpemi ɔ tsuo ke, “Nyɛɛ pee nyɛ he klɔuklɔu, ejakaa imi Yawɛ, nyɛ Mawu ɔ, i ngɛ klɔuklɔu.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Kpojemi 20:6

Nihi nɛ a bu mɛ ngɔ piɛ ni nɛmɛ nɛ a ma tle mɛ si be nɛ ɔ mi a he ɔ, Mawu gbaa mɛ, nɛ e pee mɛ klɔuklɔu. Gbenɔ enyɔne ɔ be he wami ngɛ a nɔ, se mohu a maa ye osɔfo, nɛ a ma sɔmɔ Mawu kɛ Kristo; nɛ a kɛ Kristo maa ye matsɛ jeha akpe.

1 Korintobi 3:17

Ke nɔ ko puɛ Mawu sɔlemi we ɔ, Mawu ma kpata e hɛ mi. Ejakaa Mawu sɔlemi we ɔ ngɛ klɔuklɔu, nɛ nyɛ ji sɔlemi we ɔ nɛ.

Yesaya 61:6

Se nyɛ ye ma a, a ma tsɛ nyɛ ke Yawɛ osɔfohi, a ma tsɛ nyɛ Mawu sɔmɔli hulɔ. Je ma amɛ a ní ɔ, nyɛ nyɛ maa ye, nɛ nyɛ bua maa jɔ kaa lɛ tsuo ba pee nyɛ nɔ́.

Mose III, 20:26

Nyɛɛ pee nyɛ he klɔuklɔu, ejakaa imi Yawɛ ɔ, i ngɛ klɔuklɔu. I hla nyɛ kɛ je je ma amɛ a kpɛti, konɛ nyɛɛ pee ye ma.

Mose V, 14:21

“Nyɛ ko ye lohwe ko nɛ lɛ nitsɛ e gbo. Nyɛ kɛ ha nibwɔhi nɛ ba to nyɛ ɔ nɛ a ye, loo nyɛɛ jua ha ni kpahi. Nyɛɛ lɛɛ Yawɛ, nyɛ Mawu ɔ nihi ji nyɛ; nyɛ ji e ma. Nyɛ ko hoo jijɔ bi, loo apletsi bi ngɛ e nyɛ nyɔ nyu mi.

Mose III, 21:23

Se akɛnɛ kpa ngɛ e he he je ɔ, e ko hɛ lɛ kɛ su tsu mi pomi bo ɔ, loo bɔ sami la tɛ ɔ he. E ko ba ble ní klɔuklɔu nɛ ɔmɛ. Imi ji Yawɛ; imi nɛ i peeɔ mɛ klɔuklɔu ɔ nɛ.”

Mose III, 20:24

Se nyɛɛ lɛɛ i wo nyɛ si ke, ma ngɔ zugba kpakpa nɛ baa ní saminya nɛ ɔ kɛ ha nyɛ nɛ e pee nyɛ weto ní. Imi ji Yawɛ, nyɛ Mawu ɔ nɛ; imi nɛ i hla nyɛ kɛ je je ma amɛ a mi kɛ to ɔ nɛ.

1 Tesalonikabi 5:27

I ngɛ nyɛ fae ngɛ Nyɔmtsɛ ɔ biɛ mi kaa nyɛɛ kane womi nɛ ɔ ha nyɛmimɛ ɔmɛ tsuo.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mose II, 22:31

“Ye ni klɔuklɔuhi ji nyɛ; lɔ ɔ he ɔ, lohwe ko nɛ nga mi lohwehi tsɔtslɔɔ mi ɔ, nyɛ ko ye; nyɛ sake ngɔ fɔ he ha gbehi.

Matsɛmɛ I, 3:8

Ne mi ngɛ nimli nɛ o je blɔ hla mɛ kɛ pee mo nitsɛ o ma, nimli kpekpemi nɛ nɔ ko be nyɛe maa kane mɛɔ a kpɛti.

Matsɛmɛ I, 8:53

Mo lɛ o hla mɛ kɛ je je ma amɛ tsuo a kpɛti, nɛ o kɛ mɛ ba pee mo nitsɛ o ma kaa bɔ nɛ o gu o tsɔlɔ, Mose nɔ de mɛ, benɛ o je wa nɛmɛ ɔmɛ kɛ je Egipt ɔ.”

Kronika I, 17:22

O ngɔ o ma, Israel ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Yesaya 43:4

Akɛnɛ o he jua wa ha mi, akɛnɛ o hɛ mi ba nyami, nɛ i suɔ mo he je ɔ, ma ngmɛɛ je mahi kɛ a mi bi ɔmɛ a he ngɔ ha, konɛ ma he o yi wami.

Yesaya 66:21

Ma pee a ti ni komɛ osɔfohi, nɛ ma pee a ti ni komɛ hu Levi bi.

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Yeremia 13:11

Kaa bɔ nɛ bɔjuɛ mɛtɛɛ nɔ mlɛ mi kpɛii ɔ, ja i to nɛ Israel ma a, kɛ Yuda ma a tsuo nɛ a mɛtɛ ye he. I pee nɔ́ nɛ ɔ, konɛ a pee ye ma, nɛ a na biɛ, hɛ mi nyami, kɛ yi jemi kɛ ha mi. Se a bui mi fɛɛ.”

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Mose II, 28:36

“Jehanɛ, ngɔɔ sika tsu ngmingmiingmi kɛ pee dade pɛtɛpɛtɛ, nɛ o ngma ngɛ nɔ kaa bɔ nɛ june he ní tsulɔ ngmaa ní ngɛ nguɛ ga nɔ ɔ ke, ‘Klɔuklɔu ha Yawɛ.’

Mose IV, 16:3

A kpe kɛ wo Mose kɛ Aaron a he, nɛ a de mɛ ke, “Nyɛ ngɛ nɔ́ ko pee tsɔ. Ma kpekpemi nɛ ɔ tsuo pɛpɛɛpɛ nimli klɔuklɔuhi ji mɛ; nɛ Yawɛ ngɛ a kpɛti. Mɛni he je mɔ nɛ nyɛ ngɛ nyɛ he nɔ woe ngɛ Yawɛ ma kpekpemi ɔ nɔ ɔ?”

La 114:2

Yuda ba pee Nyɔmtsɛ ɔ ma klɔuklɔu, nɛ Israel ba pee e nɔ yemi he.

Hagai 2:5

Benɛ nyɛ maa je Egipt ɔ, i wo nyɛ si nɛ ɔ ke ye mumi ɔ kɛ nyɛ maa hi si daa. I kɛ nyɛ ngɛ kɛ mwɔɔ, lɔ ɔ he ɔ, nyɛ ko ye gbeye.