Mose II, 19:5 - BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, ke nyɛ maa bu ye gbi tue, nɛ nyɛ maa ye ye somi ɔ nɔ ɔ, lɛɛ nyɛ maa pee imi nitsɛ ye ma titli pe ma amɛ kulaa; ejakaa je ɔ tsuo ye nɔ́ ji mɛ.

Mose II, 19:5 ပူးပေါင်းရင်းမြစ်များ

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Mose V, 7:6

Nyɛɛ pee ja, ejakaa Yawɛ, nyɛ Mawu ɔ hla nyɛ kɛ je nihi tsuo nɛ ngɛ je ɔ mi ɔ a kpɛti, bɔ nɛ pee nɛ nyɛɛ pee lɛ nitsɛ e ma pɔtɛɛ.

Mose V, 26:18

Mwɔnɛ ligbi nɛ ɔ, Yawɛ hu he mo atuu kaa lɛ nitsɛ e ma, kaa bɔ nɛ e wo si ɔ. E ngɛ mo fae ke o ye e mlaa amɛ tsuo a nɔ.

Malaki 3:17

Yawɛ Tabohiatsɛ ɔ de ke, “Nimli nɛ ɔmɛ maa pee imi nitsɛ ye ma. Ligbi ɔ nɛ ma tsu ní ɔ, a maa pee ye nihi pɔtɛɛ. Ma na mɛ mɔbɔ kaa tsɛ naa lɛ nitsɛ e bi nɛ sɔmɔɔ lɛ ɔ mɔbɔ.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Mose II, 23:22

Se ke o bu lɛ tue kɛ pi si, nɛ o pee nɔ́ tsuaa nɔ́ nɛ i fa mo ke o pee ɔ, lɛɛ i kɛ o he nyɛli ɔmɛ, kɛ o futsɛmɛ ɔmɛ tsuo maa to ní.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Mose V, 10:14

Yawɛ, nyɛ Mawu ɔ nɔ́ ji hiɔwe ploplooplo ɔ tsuo, zugba a, kɛ nɔ́ tsuaa nɔ́ nɛ ngɛ zugba a nɔ ɔ.

Mose II, 9:29

Mose de lɛ ke, “Ke i je ma a mi pɛ ma wo ye nine nɔ ngɔ tsɔɔ Yawɛ. Hiɔwe simi ɔ se maa po, nɛ gbiɛ ngo ngu ɔ be nɛe hu, konɛ o na nɛ o le kaa Yawɛ nɔ́ ji je ɔ nɛ.

La 24:1

Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

1 Korintobi 10:26

Ejakaa ngmami ɔ ke, “Je ɔ, kɛ e mi níhi tsuo ɔ, Nyɔmtsɛ ɔ nɔ́.”

Hiob 41:11

Mɛnɔ lɛ e kɛ nyaka ya kpe kunɔ hyɛ nɛ e he je mi? Dɛbi! Je ɔ mi tsuo ɔ, nɔ ko nɔ ko be!

Mose V, 5:2

Yawɛ, wa Mawu ɔ kɛ wɔ so ngɛ Sinai yo ɔ he.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.

Yesaya 41:8

“Se mo, ye tsɔlɔ Israel, mo ji ma nɛ i hla, ye huɛ Abraham nina.

La 25:10

Nihi tsuo nɛ yeɔ Yawɛ somi ɔ, kɛ e mlaa amɛ a nɔ ɔ, Yawɛ naa mɛ mɔbɔ, nɛ e yeɔ mɛ anɔkuale.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.

Yoshua 24:24

Ma a de Yoshua ke, “Wa ma sɔmɔ Yawɛ, wa Mawu ɔ. Wa maa ye e mlaa amɛ a nɔ.”

Yesaya 1:19

Ke nyɛ maa bu mi tue ɔ, lɛɛ nyɛ maa ye zugba a mi niba ní kpakpa.

Matsɛmɛ I, 8:53

Mo lɛ o hla mɛ kɛ je je ma amɛ tsuo a kpɛti, nɛ o kɛ mɛ ba pee mo nitsɛ o ma kaa bɔ nɛ o gu o tsɔlɔ, Mose nɔ de mɛ, benɛ o je wa nɛmɛ ɔmɛ kɛ je Egipt ɔ.”

Mose V, 28:1

“Ke nyɛ bu Yawɛ, nyɛ Mawu ɔ gbi tue, nɛ nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ, lɛɛ e ma wo nyɛ nɔ gojoo pe je ma amɛ tsuo.

Yesaya 56:4

Bɔ nɛ Yawɛ ngɛ nɔ ɔ dee ji, “Ke o yeɔ Hejɔɔmi ligbi ɔ, nɛ o peeɔ ye suɔmi nya ní, nɛ o yeɔ ye somi ɔ nɔ pɛpɛɛpɛ ɔ,

Mose II, 24:7

Kɛkɛ nɛ e ngɔ somi womi ɔ, nɛ e kane kɛ ha ma a tsuo. Ma a he nɔ nɛ a de ke, “Wa maa bu Yawɛ tue; nɛ nɔ́ tsuaa nɔ́ nɛ e fa wɔ ke wa pee ɔ, wa maa pee.”

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Mose V, 11:27

E maa pee gbaami ha nyɛ, ke nyɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe mwɔnɛ ɔ a nɔ;

1 Korintobi 10:28

Se ke nɔ ko de nyɛ ke, “Niye ní nɛ ɔ, a kɛ sã bɔ ha amaga” a, lɔ ɔ lɛɛ nyɛ ko ye. Pi nyɛ nitsɛmɛ, loo nyɛ he nile he je nɛ i ngɛ nyɛ enɛ ɔ dee, se nɔ kpa a nɛ de nyɛ lo ɔ he sane ɔ, lɛ mohu e he nile he je.

Mose V, 14:21

“Nyɛ ko ye lohwe ko nɛ lɛ nitsɛ e gbo. Nyɛ kɛ ha nibwɔhi nɛ ba to nyɛ ɔ nɛ a ye, loo nyɛɛ jua ha ni kpahi. Nyɛɛ lɛɛ Yawɛ, nyɛ Mawu ɔ nihi ji nyɛ; nyɛ ji e ma. Nyɛ ko hoo jijɔ bi, loo apletsi bi ngɛ e nyɛ nyɔ nyu mi.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Lahi 8:12

Se imi nitsɛ ye wai abɔɔ ɔ lɛɛ ke a kpa ní ɔ, mo Salomo, o ma na sika hiɔ yi akpe, nɛ apaatsɛmɛ ɔmɛ ma na lafa enyɔɔnyɔ.

Hebribi 8:9

Somi he nɛ ɔ maa slo kulaa ngɛ somi nɛ i kɛ a nɛmɛ ɔmɛ so blema benɛ i je mɛ kɛ je Egipt ɔ he. Somi nɛ i kɛ mɛ so ɔ, a yi nɔ; lɔ ɔ he ɔ, i ngmɛɛ a he.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Mose I, 17:9

Mawu de Abraham ekohu ke, “Moo lɛɛ o kɛ o nina nɛ maa ba ngɛ o se ɔ, nyɛɛ ye somi nɛ i kɛ mo so ɔ nɔ.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Mose II, 8:22

Jamɛ a be ɔ mi ɔ, ma je Goshen zugba a, he nɛ ye ma a ngɛ ɔ kɛ je mi, nɛ pwɔlwɛhi be lejɛ ɔ yae, konɛ o le kaa i ngɛ ní tsue ngɛ zugba a nɔ.

Mose V, 28:9

“Ke nyɛ bu Yawɛ, nyɛ Mawu ɔ gbi tue, nɛ nyɛ ye mlaa amɛ nɛ e ngɛ nyɛ woe ɔ tsuo a nɔ ɔ, e maa pee nyɛ lɛ nitsɛ e ma, kaa bɔ nɛ e wo si ɔ.

Kronika I, 17:22

O ngɔ o ma, Israel ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Ezekiel 16:8

“Benɛ i ba gu lejɛ ɔ ekohu ɔ, i na kaa jehanɛ lɛɛ o wa nɛ o su gbami nya. I ngɔ ye bo kɛ ha o nɔ, nɛ o he fɔ we si gu hu. I ka mo kita, nɛ i kɛ mo so; nɛ i ngɔ mo ngɔ pee ye yo.” Nyɔmtsɛ Yawɛ lɛ de.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Amos 6:1

Nyɛ nihi nɛ nyɛ he mi jɔ nyɛ ngɛ Zion, kɛ nyɛ Samaria bi nɛ e peeɔ nyɛ kaa nɔ́ ko he hia we nyɛ, musu tloo nyɛ! Nyɛ Israel ma kpetekpleenyɛ nɛ ɔ mi ganɔhi nɛ ma a mi bi ba biɔ yemi kɛ buami ngɛ nyɛ ngɔ, musu tloo nyɛ!

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Mose III, 20:24

Se nyɛɛ lɛɛ i wo nyɛ si ke, ma ngɔ zugba kpakpa nɛ baa ní saminya nɛ ɔ kɛ ha nyɛ nɛ e pee nyɛ weto ní. Imi ji Yawɛ, nyɛ Mawu ɔ nɛ; imi nɛ i hla nyɛ kɛ je je ma amɛ a mi kɛ to ɔ nɛ.

Mose V, 9:29

O le kaa ma nɛ mo nitsɛ o hla ha o he, nɛ o kɛ kɔni si wami kpetekpleenyɛ je kɛ je Egipt ji nɛ ɔ nɛ.’

Mose V, 26:19

E ma ha nɛ o pee ma ngua a pe ma amɛ tsuo. O ma je e yi, nɛ o maa wo e hɛ mi nyami. Nɛ o maa pee lɛ Yawɛ, o Mawu klɔuklɔu ɔ nitsɛ, e ma kaa bɔ nɛ e wo si ɔ.”

Hiob 41:3

Anɛ e ma kpa mo pɛɛ ke o ngmɛɛ e he lo? Anɛ e maa fa kue ha mo ke o na lɛ mɔbɔ lo?

Yeremia 13:11

Kaa bɔ nɛ bɔjuɛ mɛtɛɛ nɔ mlɛ mi kpɛii ɔ, ja i to nɛ Israel ma a, kɛ Yuda ma a tsuo nɛ a mɛtɛ ye he. I pee nɔ́ nɛ ɔ, konɛ a pee ye ma, nɛ a na biɛ, hɛ mi nyami, kɛ yi jemi kɛ ha mi. Se a bui mi fɛɛ.”