Mose II, 19:24 - BAIBLO ALOO NGMAMI KLƆUKLƆU Ɔ

²⁴ Yawɛ de Mose ke, “Kple si nɛ o ya ngɔ Aaron kɛ ba. Se osɔfo ɔmɛ, kɛ ma a lɛɛ ko ha nɛ a gba piɛ ɔ nɛ a kuɔ kɛ ba ye ngɔ, nɛ ma ko ba gbla a tue.”

Mose II, 19:24 ပူးပေါင်းရင်းမြစ်များ

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.

Galatabi 3:22

Se ngmami ɔ deɔ ke, “Je ɔ tsuo hyi tɔ kɛ yayami sɔuu.” Lɔ ɔ he ɔ, nike ní nɛ a wo he si ɔ, nihi nɛ heɔ Yesu Kristo yeɔ ɔ, mɛ pɛ lɛ a nine maa su nɔ.

Galatabi 3:19

Lɛɛ jehanɛ ɔ, mɛni ji mlaa a he se nami mɔ? A ha wɔ mlaa a, konɛ wa kɛ le wa tɔmi ɔmɛ hluu kɛ yaa su be nɛ Abraham bi ɔ nɛ a wo lɛ si ngɛ he ɔ maa ba. Jehanɛ hu, hiɔwe bɔfohi lɛ ngɔ mlaa a kɛ ba ha je ɔ kɛ gu adesa nɔ.

Romabi 4:15

Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Luka 16:16

“Mose mlaa a, kɛ níhi nɛ gbali ɔmɛ ngma a tsu ní kɛ ya si Yohane nɔ sɔlelɔ ɔ yi nɔ. Kɛ je jamɛ a be ɔ, sane kpakpa a nɛ kɔɔ Mawu matsɛ yemi ɔ he ɔ, lɔ ɔ nɛ a ngɛ fiɛe. Nɛ nɔ tsuaa nɔ ngɔ e he kɛ ngɛ mi woe kã nya.

Luka 13:24

“Nyɛɛ bɔ mɔde nɛ nyɛɛ sɛ agbo tokofii ɔ mi. Ejakaa, i ngɛ nyɛ dee ke, nihi babauu ma hla kaa a sɛ mi, se a be nyɛe.

Mateo 11:12

Kɛ je be mi nɛ Yohane nɔ sɔlelɔ ɔ bɔni fiɛmi kɛ ba si mwɔnɛ ligbi nɛ ɔ, hiɔwe matsɛ yemi ɔ na nɔ́ wawɛɛ nitsɛ; nɛ yiwutsotsɛmɛ hlaa kaa a maa ngɔ pani nya.

Mose II, 24:9

Kɛkɛ nɛ Mose, Aaron, Nadab, Abihu, kɛ Israel ma nimeli nyingmi kpaago ɔmɛ kuɔ yo ɔ,

Mose II, 24:1

Yawɛ de Mose ke, “O kɛ Aaron, Nadab, Abihu, kɛ Israel ma nimeli ɔmɛ a kpɛti ni nyingmi kpaago nɛ kuɔ kɛ ba ye ngɔ. Be nɛ nyɛ ngɛ tsitsaa lokoo kɛ ma a, nyɛ kpla si nɛ nyɛ ja mi.

Mose II, 19:12

Poo piɛ kɛ bɔle yo ɔ, nɛ o wo ma a si nɛ a hyɛ saminya nɛ nɔ ko nɔ ko kó kuɔ yo ɔ, loo e hɛ lɛ kɛ su he po. Nɔ tsuaa nɔ nɛ maa ta yo ɔ he ɔ, a gbe lɛ!

Mose II, 19:25

Kɛkɛ nɛ Mose kple si nɛ e ya bɔ ma a nɔ́ nɛ Yawɛ de lɛ ɔ.

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Kronika I, 13:9

Benɛ a su Kidon ngma mi sami he ɔ, na amɛ nɛ ngɛ tlɔɔke ɔ gblae ɔ a nane tɛ si, nɛ daka a mimiɛ. Lɔ ɔ he ɔ, Uza nu daka a kɛ da si.