Mose II, 19:21 - BAIBLO ALOO NGMAMI KLƆUKLƆU Ɔ

²¹ Nɛ Yawɛ de lɛ ke, “Kple si nɛ o ya tu munyu ngɔ tsɔɔ ma a, bɔ nɛ pee nɛ nɔ ko nɔ ko kó de ke e ngɛ piɛ ɔ gbae kɛ ma mi hyɛmi, nɛ́ nihi babauu a hɛ mi ko ba kpata.

Mose II, 19:21 ပူးပေါင်းရင်းမြစ်များ

Samuel I, 6:19

Yawɛ gbe Bet Shemesh bi ɔmɛ a ti nihi nyingmi kpaago, ejakaa mɛɛ a ya hyɛ somi daka a mi. Nɛ ni ɔmɛ ye kɔmɔ kaa Yawɛ kpata nihi babauu a hɛ mi.

Mose II, 3:5

Mawu de lɛ ke, “Koo hɛ mo kɛ su hiɛ ɔ! Je o tokota a, ejakaa zugba klɔuklɔu nɔ o daa si ngɛ ɔ nɛ!”

Fiɛlɔ 5:1

Ke o yaa Mawu we ɔ, hyɛ o he nɔ saminya. E hi kaa o ma ya kase ní ngɛ lejɛ ɔ, pe nɔ́ nɛ o ma ya sã bɔ kaa bɔ nɛ kuasiahi peeɔ ɔ; ejakaa a li kaa a ngɛ yayami pee.

Mose II, 33:20

E ya nɔ nɛ e de ke, “Se ye hɛ mi lɛɛ i be hae nɛ o na; ejakaa nɔmlɔ adesa ko be nyɛe nɛ e na ye hɛ mi nɛ e yi ma na wami.”

Mose II, 3:3

Kɛkɛ nɛ Mose de ke, “Enɛ ɔ lɛɛ ma gba nɛ ma ya hyɛ nyakpɛ nɔ́ nɛ ɔ, nɔ he je nɛ mio tso ɔ sɛ̃ ɔ.”

Mose IV, 4:20

Kohat bi ɔmɛ lɛɛ ke a sɛ bo tsu ɔ mi ɔ, a ko hyɛ ní klɔuklɔu ɔmɛ hɛngmɛfia po. Ke a pee ja a, a ma gbo.”

Mose V, 5:5

I da si ngɛ nyɛɛ kɛ Yawɛ nyɛ kpɛti jamɛ a be ɔ, konɛ ma de nyɛ nɔ́ nɛ e ngɛ dee ɔ, ejakaa nyɛ ngɛ la a gbeye yee. “Nɛ nyɛ kuɛ yo ɔ.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 4:18

“Nyɛ ko ha nɛ Kohat bi ɔmɛ a hɛ mi ba kpata ngɛ Levi bi ɔmɛ a kpɛti.

Mose IV, 4:19

Bɔ nɛ pee nɛ ke a ba su níhi nɛ ngɛ klɔuklɔu pe kulaa a he nɛ a ko gbo, se mohu a yi nɛ na wami he je ɔ, nɔ́ nɛ nyɛɛ pee ha mɛ ji nɛ ɔ nɛ: Aaron kɛ e bimɛ ɔmɛ nɛ a ya nɛ a ya tsɔɔ nɔ tsuaa nɔ e ní tsumi, kɛ e tlomi nɛ e maa tloo.