Mose II, 19:20 - BAIBLO ALOO NGMAMI KLƆUKLƆU Ɔ

²⁰ Yawɛ kple si kɛ ba Sinai yo ɔ nɔ nɛ e tsɛ Mose, nɛ Mose kuɔ kɛ ho yo ɔ yi mi ya.

Mose II, 19:20 ပူးပေါင်းရင်းမြစ်များ

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

La 81:7

Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

Mose II, 34:4

Kɛkɛ nɛ Mose kó tɛ tɛtlɛɛ enyɔ kaa kekle ní ɔmɛ. E te si mɔtu mla, nɛ e ngɔ tɛ tɛtlɛɛ enyɔ ɔmɛ ngɔ ma e dɛ, nɛ e kuɔ kɛ ho Sinai yo ɔ nɔ ya kaa bɔ nɛ Yawɛ fa lɛ ɔ. Benɛ e yaa a, e hɛɛ tɛ tɛtlɛɛ enyɔ ɔmɛ ngɛ e dɛ mi.

Mose II, 34:2

Dla o he nɛ hwɔɔ mɔtu ɔ o kuɔ Sinai yo ɔ kɛ ba, nɛ o kɛ mi ba kpe ngɛ yo ɔ yi mi.

Mose II, 19:11

nɛ benɛ e maa su ligbi nɛ ji etɛ ɔ, a dla a he; ejakaa hiɛmɛ nɛ ɔ ligbi nɛ ji etɛ ɔ, imi Yawɛ, ma kple si kɛ ba Sinai yo ɔ nɔ, nɛ nɔ tsuaa nɔ maa na mi.

Mose II, 19:3

Mose kuɔ yo ɔ kɛ ho Mawu ngɔ ya. Kɛkɛ nɛ Yawɛ tsɛ Mose ngɛ yo ɔ mi, nɛ e de lɛ ke e ya nɛ e ya de Israel bi ɔmɛ, nɛ ji Yakob nina a ke,

Mose V, 9:9

Imi nɛ i kuɔ yo ɔ, nɛ i ya he tɛ tɛtlɛɛhi nɛ a ngma somi nɛ Yawɛ kɛ nyɛ so ɔ ngɛ a nɔ ɔ kɛ ba. I hi yo ɔ nɔ nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Matsɛmɛ I, 19:11

Yawɛ de lɛ ke, “Jee kpo nɛ o ya da si ngɛ ye hɛ mi ngɛ yo ɔ nɔ.” Kɛkɛ nɛ Yawɛ ba be kɛ ho, nɛ e ha kɔɔhiɔ nɛ nya wa ba fia yo ɔ, nɛ e ywia tɛ sa amɛ, se Yawɛ be kɔɔhiɔ ɔ mi. Kɔɔhiɔ ɔ kpa fiami, nɛ zugba mimiɛ; se Yawɛ be zugba mimiɛmi ɔ mi.

Mose II, 24:15

Kɛkɛ nɛ Mose kuɔ yo ɔ, nɛ bɔku ko ba ha yo ɔ nɔ.