Mose II, 19:19 - BAIBLO ALOO NGMAMI KLƆUKLƆU Ɔ

¹⁹ Benɛ bɛ pɛmi ɔ nya wa a, Mose tu munyu, nɛ Mawu ha lɛ heto kɛ hiɔwe simi.

Mose II, 19:19 ပူးပေါင်းရင်းမြစ်များ

La 81:7

Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

Mose II, 19:16

Ligbi nɛ ji etɛ ɔ mɔtu ɔ, a nu hiɔmi simi, oslabai gbami, kɛ titimati pɛmi wawɛɛ ngɛ yo ɔ nɔ; bɔku kpii hu wo ngɛ lejɛ ɔ. Sawale nu ma a tsuo ngɛ a sito he ɔ, nɛ a he kpokpo.

Hebribi 12:21

Niinɛ, nɔ́ nɛ a je kpo tsɔɔ mɛ ɔ he ngɛ gbeye tsɔ; nɛ Mose nitsɛ po de ke, “I ngɛ gbeye yee, nɛ ye he ngɛ doe blibliibli.”

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

Mose II, 19:13

Nɔ ko nɔ ko nine nɛ ko sa nɔ ɔ he, se mohu a fia lɛ tɛ, loo a tsɛ̃ lɛ kɛ̃ɛ̃; lohwe ji lɛ jio, nɔmlɔ ji lɛ jio, e ko hi je mi. Ke titimati ɔ pɛ wawɛɛ nɛ e se kɛ ɔ, loko ma a nɛ kuɔ yo ɔ kɛ ba.”

Hebribi 12:19

Titimati ngɛ pɛe, nɛ nɔ ko ngɛ munyu tue. Benɛ a nu gbi ɔ, a kpa pɛɛ ke a ko de nɔ́ ko kɛ piɛ he hu.

Mose V, 4:36

E ha nyɛ nu e gbi kɛ je hiɔwe, konɛ e kɛ tsɔse nyɛ; nyɛ na e la klɔuklɔu ɔ ngɛ zugba a nɔ, nɛ e kɛ nyɛ tu munyu kɛ je mi.

Mose IV, 12:8

Lɛɛ i kɛ lɛ tuɔ munyu hɛ mi kɛ hɛ mi paa; se pi ngɛ abɛ gbi mi. Ye su nitsɛ po lɛɛ e na hyɛ. Mɛni he je mɔ nɛ nyɛ yi gbeye, nɛ nyɛ tu munyu kɛ si ye tsɔlɔ Mose?”

Mose V, 5:22

“Benɛ nyɛ bua nyɛ he nya ngɛ yo ɔ he ɔ, mlaahi nɛ Yawɛ ngɔ ha nyɛ tsuo ji nɛ ɔmɛ nɛ. Benɛ e wo gbi kɛ je la, kɛ bɔku kpii ɔ mi ɔ, jamɛ be ɔ mi nɛ e ha nyɛ mlaa nɛ ɔmɛ, nɛ ekpa ko piɛ we he. Lɔ ɔ se ɔ, e ngma mɛ ngɛ tɛ tɛtlɛɛ enyɔ nɔ, nɛ e ngɔ mɛ ngɔ ha mi.