Mose II, 19:18 - BAIBLO ALOO NGMAMI KLƆUKLƆU Ɔ

¹⁸ Sinai yo ɔ tsuo hyi kɛ la su ku; ejakaa Yawɛ kple si kɛ ba yo ɔ nɔ ngɛ la mi. La su ku ɔ ngɛ si tee kɛ ngɛ hiɔwe yae kaa buɛsa he la su ku, nɛ yo ɔ tsuo mimiɛ wawɛɛ nitsɛ.

Mose II, 19:18 ပူးပေါင်းရင်းမြစ်များ

Manyadali 5:5

Yo ɔmɛ mimiɛ ngɛ Yawɛ, nɔ nɛ je e he si ngɛ Sinai ɔ hɛ mi. Ee! A mimiɛ ngɛ Yawɛ, Israel Mawu ɔ nitsɛ hɛ mi.

La 144:5

Yawɛ, ha nɛ hiɔwe ɔ nɛ ba si, nɛ o kple si kɛ ba. Moo ta yo ɔmɛ a he, konɛ a je la su ku.

Kpojemi 15:8

Mawu hɛ mi nyami, kɛ e he wami kpetekpleenyɛ ɔ ha nɛ la su ku hyi sɔlemi we ɔ tɔ. Nɛ nɔ ko nɔ ko nyɛ we nɛ e je sɔlemi we ɔ kɛ ya si haomi kpaago ɔmɛ nɛ bɔfo kpaago ɔmɛ kɛ ba a a se po.

Mose II, 3:2

Benɛ e ba lejɛ ɔ, Yawɛ bɔfo ko ba je e he kpo tsɔɔ lɛ kaa la lilɛ nɛ ngɛ tsoe ngɛ mio tso ko mi. Benɛ e ke e hyɛɛ ɔ, e na kaa mio tso ɔ ngɛ tsoe, se e sɛ̃.

Yeremia 4:24

I hyɛ yo ɔmɛ a nɔ, nɛ yo ɔmɛ ngɛ mimiɛe; yoku ɔmɛ ngɛ mimiɛe kɛ ngɛ yae kɛ ngɛ bae.

Mose I, 19:28

E hyɛ Sodom kɛ Gomora, kɛ kɔ̃ ɔ mi tsuo, nɛ e na la su ku nɛ ngɛ zugba a jee kaa flɔɔnɔɔ nguaa ko mi la su ku.

La 104:32

Ke Yawɛ hyɛ je ɔ, kɛkɛ je ɔ mimiɛ. Ke e ta yo ɔmɛ a he kɛkɛ a je la su ku.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Mose V, 5:22

“Benɛ nyɛ bua nyɛ he nya ngɛ yo ɔ he ɔ, mlaahi nɛ Yawɛ ngɔ ha nyɛ tsuo ji nɛ ɔmɛ nɛ. Benɛ e wo gbi kɛ je la, kɛ bɔku kpii ɔ mi ɔ, jamɛ be ɔ mi nɛ e ha nyɛ mlaa nɛ ɔmɛ, nɛ ekpa ko piɛ we he. Lɔ ɔ se ɔ, e ngma mɛ ngɛ tɛ tɛtlɛɛ enyɔ nɔ, nɛ e ngɔ mɛ ngɔ ha mi.

Hebribi 12:26

Jamɛ a be ɔ mi ɔ, gbi nɛ Mawu wo ɔ ha nɛ zugba a mimiɛ; se jehanɛ lɛɛ e wo si ke, “Pi zugba a kɛkɛ nɛ ma mimiɛ si kake ekohu, se mohu ma ha nɛ hiɔwe hu ma mimiɛ kɛ piɛ he.”

Yesaya 6:4

A gbi ɔ ha nɛ Yawɛ we ɔ sisi tomi ɔ mimiɛ, nɛ la su ku hyi Yawɛ we ɔ nitsɛ tɔ.

Mose I, 15:17

Benɛ pu nɔ si nɛ du bu ɔ, ngɛyu kɛ e mi la su ku, kɛ la lilɛ ba, nɛ e gu lohwe ɔmɛ nɛ a poo a mi ɔ a kpɛti kɛ be.

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.

Hebribi 12:18

Pi Sinai yo ɔ nɛ a be nyɛe maa ta he ɔ he nɛ nyɛ ba. Be ko benɛ Israel bi ɔmɛ ya lejɛ ɔ, diblii, kɛ bɔku wo kpii, kɔɔhiɔ hia huu, nɛ la ngɛ tsoe plamplam ngɛ yo ɔ nɔ.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

Mateo 24:7

Ma maa te si ngɔ wo ma, nɛ matsɛ yemi maa te si ngɔ wo matsɛ yemi. Hwɔ nɛ nya wa maa ba, nɛ zugba ma mimiɛ ngɛ he tsuaa he.

Zakaria 14:5

Nyɛ maa tu fo kɛ maa gu kɔ̃ ɔ nɛ gba yo ɔ mi enyɔ ɔ mi, ejakaa kɔ̃ ɔ nɛ gba Yawɛ yo ɔ mi enyɔ ɔ ma ya su Azal tɔɔ. Nyɛ maa tu fo kaa bɔ nɛ nyɛ pee blema ngɛ Yuda matsɛ, Uzia yi nɔ, benɛ zugba mimiɛ ɔ. Yawɛ, ye Mawu ɔ maa ba kɛ ni klɔuklɔu ɔmɛ tsuo.

La 114:7

Zugba lee, mo mimiɛ ngɛ Nyɔmtsɛ ɔ hɛ mi; mimiɛ ngɛ Yakob Mawu ɔ hɛ mi koo;

La 77:18

Hiɔwe si kplala-la-la kɛ po si kaa lasiogblee nɛ bee. Oslabai la a ha nɛ je ɔ mi pee heii, nɛ zugba a mimiɛ.

Mose II, 20:18

Benɛ ma a tsuo nu hiɔwe simi ɔ, kɛ titimati pɛmi ɔ, nɛ a na oslabai la a, kɛ la su ku nɛ je ngɛ yo ɔ mi ɔ, a ye gbeye, nɛ a je ya da si ngɛ se banee.

Mose II, 19:13

Nɔ ko nɔ ko nine nɛ ko sa nɔ ɔ he, se mohu a fia lɛ tɛ, loo a tsɛ̃ lɛ kɛ̃ɛ̃; lohwe ji lɛ jio, nɔmlɔ ji lɛ jio, e ko hi je mi. Ke titimati ɔ pɛ wawɛɛ nɛ e se kɛ ɔ, loko ma a nɛ kuɔ yo ɔ kɛ ba.”

2 Tesalonikabi 1:7

Nɛ nyɛ ni nɛmɛ nɛ nyɛ ngɛ nɔ́ nae ɔ, e ma ha waa kɛ nyɛ tsuo he jɔmi. E maa pee enɛ ɔ, be mi nɛ Nyɔmtsɛ Yesu maa hia kpo kɛ je hiɔwe kɛ e bɔfo katsɛmɛ ɔmɛ,

Kpojemi 9:2

Dodoe ɔ bli muɔ voo ɔ nya, nɛ la su ku kpii je mi kaa flɔɔnɔɔ nguaa mi la su ku; la su ku nɛ je muɔ ɔ mi ɔ ha nɛ pu, kɛ kɔɔhiɔ pee yumuu.

Mose I, 11:5

Kɛkɛ nɛ Yawɛ kple si nɛ e ba hyɛ ma a, kɛ mɔ ɔ nɛ jamɛ a ni ɔmɛ ma a,

Mose II, 19:17

Kɛkɛ nɛ Mose nyɛɛ ma a hɛ mi kɛ je sito he ɔ kɛ je kpo konɛ a kɛ Mawu nɛ ya kpe; nɛ a ho ya da si ngɛ yo ɔ sisi.

Mose II, 34:2

Dla o he nɛ hwɔɔ mɔtu ɔ o kuɔ Sinai yo ɔ kɛ ba, nɛ o kɛ mi ba kpe ngɛ yo ɔ yi mi.

Mose V, 5:4

Yawɛ kɛ nyɛ tu munyu hɛ mi kɛ hɛ mi kɛ je la mi, ngɛ yo ɔ nɔ.

Yesaya 64:1

I ná nɛ hiɔwe mi gba enyɔ nɛ o kple si kɛ ba!

Mose V, 4:36

E ha nyɛ nu e gbi kɛ je hiɔwe, konɛ e kɛ tsɔse nyɛ; nyɛ na e la klɔuklɔu ɔ ngɛ zugba a nɔ, nɛ e kɛ nyɛ tu munyu kɛ je mi.

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

La 18:9

E ha nɛ hiɔwe nya ba si, nɛ e kple si; nɛ diblii kpii ngɛ e nane sisi.

La 68:9

Mawu, o ha hiɔmi nɛ babaaba kɛ ha zugba a tsuo nɔ; kɛkɛ nɛ zugba nɛ gbo ɔ ba ní saminya ekohu.

La 77:19

O nyɛɛ kɛ gu wo ɔ mi; o po wo nɛ mi kuɔ ɔ kɛ be, se o nane mami he ɔmɛ lɛɛ nɔ ko nɔ ko li.

La 114:4

Yo ɔmɛ tuu kaa agbosuhi, yoku ɔmɛ tuu kaa jijɔhi.

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.