Mose II, 19:10 - BAIBLO ALOO NGMAMI KLƆUKLƆU Ɔ

¹⁰ Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Mose II, 19:10 ပူးပေါင်းရင်းမြစ်များ

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Samuel II, 19:24

Mefiboshet, Saul bibi ɔ hu ba nɛ e ba kpee matsɛ ɔ. Kɛ je ligbi ɔ nɛ matsɛ ɔ je Yerusalem ɔ hluu kɛ ba si ligbi nɛ e kpale e se kɛ ba fiafiaafia a, Mefiboshet fɔ we e nanehi a he, e sɛ we e kpɛni; nɛ e tadehi hu e fɔ we a he.

Kronika II, 29:34

Akɛnɛ osɔfo ɔmɛ a he pi bɔ nɛ a ma nyɛ maa gbe lohwe nɛ ɔmɛ tsuo he je ɔ, a nyɛmimɛ Levi bi ɔmɛ ba piɛ a he kɛ tsu ní ɔ kɛ ya si a gbe nya. Jamɛ a be ɔ mi ɔ, osɔfo ɔmɛ babauu pee a he klɔuklɔu. (Levi bi ɔmɛ bɔɔ mɔde kaa a maa pee a he klɔuklɔu pe osɔfo ɔmɛ po).

Kronika II, 29:5

nɛ e kɛ mɛ ba tu munyu ngɛ lejɛ ɔ. E de mɛ ke, “Nyɛ Levi bi, nyɛɛ bu mi tue! Nyɛɛ tsukɔ nyɛ he, nɛ nyɛɛ tsukɔ Yawɛ, nyɛ nɛmɛ a Mawu ɔ we ɔ hu he. Nyɛ je nɔ́ tsuaa nɔ́ nɛ bleɔ Yawɛ we ɔ kɛ je hiɛ ɔ.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Mose III, 15:5

Nɔ tsuaa nɔ nɛ maa ta sa a he ɔ, é fɔ e tade ɔmɛ a he, nɛ e du e he. E he be tsɔe kɛ yaa si du ma bu.

Mose IV, 11:18

Jehanɛ, mo de ma a ke, ‘Nyɛɛ tsukɔ nyɛ he kɛ ha hwɔɔ; ejakaa nyɛ maa ye de lo. Benɛ de lo jlo nyɛ, nɛ nyɛ fo he ya, nɛ nyɛ de ke nyɛ he mi jɔ nyɛ ngɛ Egipt zugba a nɔ mohu ɔ, Yawɛ nu. Lɔ ɔ he ɔ, Yawɛ ma ha nyɛ de lo nɛ nyɛɛ ye.

Mose IV, 19:19

Nɔ nɛ he tsɔ nɛ ɔ nɛ fĩa nyu ɔ kɛ pue nɔ nɛ he tsɔ we ɔ nɔ, ngɛ ligbi nɛ ji etɛne ɔ kɛ ligbi nɛ ji kpaagone ɔ a nɔ. Ke a julaa nɔmlɔ nɛ ɔ ngɛ ligbi nɛ ji kpaago ɔ nɔ se ɔ, e fɔ e tade ɔmɛ a he, nɛ e yɛ nyu nɛ e du e he; kɛkɛ ɔ, ke pu nɔ si ɔ, e he ma tsɔ ekohu.

Mose IV, 31:24

Nyɛ fɔ nyɛ tade ɔmɛ a he ngɛ ligbi kpaagone ɔ nɔ, konɛ nyɛ he nɛ tsɔ ekohu. Lɔ ɔ se loko nyɛɛ ba ma sito he ɔ.”

Mose IV, 8:21

Benɛ Levi bi ɔmɛ tsukɔ a he kɛ je a yayami ɔmɛ a he, nɛ a fɔ a tade ɔmɛ a he ta a, Aaron ngɔ mɛ kɛ ba ha Yawɛ kaa nike ní klɛdɛɛ. E pee kusumi kɛ kpata Yawɛ ha mɛ nɛ e kɛ tsukɔ a he.

Mose IV, 8:7

Bɔ nɛ o maa pee kɛ tsukɔ a he ji nɛ ɔ nɛ: ngɔɔ nyu ɔ nɛ a kɛ jeɔ yayami ɔ ngɔ fĩa a nɔ. Ha nɛ nɔ tsuaa nɔ nɛ ngɔ asoyi kɛ sɛ bwɔmi tsuo ngɛ e nɔmlɔ tso ɔ he, nɛ a fɔ a tade ɔmɛ a he. Ke a pee ja a, a he ma tsɔ.

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Yoshua 3:5

Yoshua de ma a ke, “Nyɛɛ tsukɔ nyɛ he; ejakaa hwɔɔ ɔ, Yawɛ maa pee nyakpɛ níhi ngɛ nyɛ kpɛti.”

Yoshua 7:13

Tee si, nɛ o tsukɔ ma a he, nɛ o ha a pee a he klɔuklɔu ngɛ ye hɛ mi. De mɛ ke hwɔɔ je nɛ maa na a, a dla a he; ejakaa nɔ́ nɛ imi Yawɛ, Israel Mawu ɔ, i ngɛ mɛ dee ji nɛ ɔ nɛ: ‘Níhi nɛ i wo nyɛ mlaa ke nyɛ kpata a hɛ mi ɔ ekomɛ ngɛ nyɛ dɛ! Nyɛ be he nyɛli ɔmɛ a nya nyɛe maa da, ja nyɛ je musu ní ɔmɛ kɛ je nyɛ kpɛti!’

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Samuel I, 16:5

E he nɔ ke, “Ee, i ba nɛ ma ba sã bɔ ha Yawɛ. Nyɛɛ tsukɔ nyɛ he nɛ waa ho bɔ sami he ɔ ya.” E tsukɔ Ishai kɛ e binyumu ɔmɛ a he, nɛ e kpee mɛ hu kɛ ya bɔ sami he ɔ.