Mose II, 18:8 - BAIBLO ALOO NGMAMI KLƆUKLƆU Ɔ

⁸ Mose bɔ e ngatsɛ ɔ a blɔ hiami ɔ mi sanehi tsuo: níhi nɛ Yawɛ pee Farao ɔ kɛ Egipt bi ɔmɛ nɛ e kɛ kpɔ Israel bi ɔmɛ, a blɔ hiami ɔ mi pɔtɔ kɛ dengme, kɛ bɔ nɛ Yawɛ je mɛ kɛ je kulaa mi.

Mose II, 18:8 ပူးပေါင်းရင်းမြစ်များ

Mose I, 44:34

Kɛ ma pee kɛ kpale kɛ ya tsaatsɛ ngɔ kɛɛ, nɛ niheyo wayo ɔ piɛ we ye he kɛ yɛ? Aywilɛho nɛ maa pee tsaatsɛ ɔ, i be nyɛe ma hyɛ.”

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

La 106:10

E kpɔ mɛ ngɛ nihi nɛ nyɛɛ mɛ ɔ a dɛ mi; e je mɛ kɛ je a he nyɛli ɔmɛ a dɛ mi.

La 106:8

Se kɛ̃ ɔ, e he a yi wami kaa bɔ nɛ e wo si ɔ; nɛ e kɛ tsɔɔ e he wami kpetekpleenyɛ ɔ.

La 107:2

Nyɛ nihi tsuo nɛ Yawɛ he nyɛ yi wami, nɛ e kpɔ nyɛ kɛ je nyɛ he nyɛli a dɛ mi ɔ, nyɛɛ hi enɛ ɔ dee kpamisa, nɛ nyɛ kɛ je e yi.

La 66:16

Nyɛ nihi tsuo nɛ yee Mawu gbeye, nyɛɛ ba nɛ nyɛ ba bu tue, nɛ ma gba nyɛ nɔ́ nɛ e pee ha mi.

La 81:7

Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

Mose II, 15:16

Gbeye kɛ fɔ̃ nu mɛ; Yawɛ, o he wami ɔ ha a nya jɔ kɛ ya si be nɛ mo Yawɛ, o ma a nɛ mo nitsɛ o he ɔ ba be kɛ ho.

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Mose II, 16:3

nɛ a de ke, “Wa ná nɛ Yawɛ gbe wɔ mohu ngɛ Egipt zugba a nɔ, he nɛ wa hii si ngɛ pɔ buɛhi a he, nɛ wa yeɔ ní wa tɔɔ ɔ. Hyɛ kaa nyɛ ngɔ wɔ kɛ ba nga nɛ ɔ nɔ, konɛ nyɛ ba gbe asafo nɛ ɔ tsuo kɛ mi mi hwɔ.”

Mose II, 18:1

Mose ngatsɛ Yetro, Midian osɔfo ɔ nu níhi tsuo nɛ Mawu pee ha Mose kɛ e ma Israel ɔ he, kɛ bɔ nɛ Yawɛ je mɛ kɛ je Egipt.

Mose II, 2:25

Kɛkɛ nɛ Mawu mi mi sã lɛ ngɛ Israel bi ɔmɛ a si himi ɔ he; ejakaa e na kaa be su nɛ sa kaa e pee he nɔ́ ko.

Mose II, 23:23

Ye bɔfo ɔ maa nyɛɛ o hɛ mi kɛ yaa su Amor bi, Hit bi, Periz bi, Kanaan bi, Hiv bi, kɛ Yebus bi ɔmɛ tsuo a zugba a nɔ; nɛ ma kpata a hɛ mi.

Mose II, 4:23

I de mo ke o ha nɛ ye bi ɔ nɛ ya nɛ e ya ja mi, se o kplɛɛ we. Lɔ ɔ he ɔ, ma gbe o binyumu ɔ, o bitɛte ɔ!’ ”

Mose II, 7:4

Enɛ ɔ se ɔ, ma nu Egipt kã nya, nɛ ma kpaka ye ma kpekpemi ɔ nɛ ji Israel bi ɔmɛ kɛ je Egipt zugba a nɔ; nɛ ma ye dami sane ha nyɛ.

Mose II, 7:5

Ke i pee ní nɛ ɔmɛ loko Egipt bi ɔmɛ maa le kaa imi ji Yawɛ.”

Mose IV, 20:14

Mose tsɔ nihi kɛ je Kadesh ke a ngɔ sɛ gbi ya ha Edom matsɛ, nɛ a de lɛ ke, “Bɔ nɛ o nyɛmimɛ Israel bi ɔmɛ de ji nɛ ɔ nɛ: mo nitsɛ o le amanehluhi nɛ wa na;