Mose II, 18:7 - BAIBLO ALOO NGMAMI KLƆUKLƆU Ɔ

⁷ Mose je kpo nɛ e kɛ e ngatsɛ ɔ ya kpe; e ba e he si nɛ e fua lɛ atuu. Nɛ benɛ a nga a he ta a, a sɛ bo tsu ɔ mi.

Mose II, 18:7 ပူးပေါင်းရင်းမြစ်များ

Mose I, 29:13

Benɛ Laban nu e wɔfase Yakob he ɔ, e tu fo ya kpee lɛ, nɛ e pee lɛ atuu; e fiɔ e nya he, nɛ e kɛ lɛ ba we mi. Benɛ Yakob bɔ Laban nɔ́ tsuaa nɔ́ nɛ ba a,

Matsɛmɛ I, 2:19

Kɛkɛ nɛ Batsheba ho matsɛ ɔ ngɔ ya, nɛ́ e kɛ lɛ ya sɛɛ Adoniya hiami nɔ́ ɔ he ní. Matsɛ ɔ te si nɛ e kɛ e nyɛ ɔ ya kpe, nɛ e kpla si ngɛ e nyɛ ɔ hɛ mi. Lɔ ɔ se ɔ, e ho ya hi e matsɛ sɛ ɔ nɔ, nɛ e ha a kɛ sɛ kpa ba ha e nyɛ ɔ, nɛ e hi nɔ ngɛ e hiɔ nɔ.

Samuel II, 11:7

Benɛ Uria ba a, David bi lɛ Yoab kɛ tabo ɔmɛ a hwɔhwɔɛ, kɛ bɔ nɛ ta a ngɛ nɔ yae ha.

Mose I, 19:1

Benɛ Yawɛ bɔfo enyɔ ɔmɛ ba su Sodom jamɛ a gbɔkuɛ ɔ, Lot hii si ngɛ ma a agbo ɔ nya. Benɛ e na mɛ pɛ, e te si nɛ e ya kpee mɛ. E kpla si nɛ e kɛ e hɛ mi bu si,

Mose I, 18:2

nɛ e wo e yi nɔ ɔ, e na nyumu ni etɛ komɛ nɛ ma e ngɔ. Benɛ e na mɛ ɔ, e tu fo kɛ je bo tsu sinya a nya nɛ e ya kpee mɛ. E kpla si nɛ e kɛ e hɛ mi bu si,

Mose I, 14:17

Benɛ Abram ya ye Kedorlaomer kɛ matsɛmɛ nɛ piɛ e he ɔ a nɔ kunimi nɛ e kpale e se kɛ ma a, Sodom matsɛ ba kpee lɛ ngɛ Shave Kɔ̃ ɔ nɛ e biɛ kpa ji Matsɛ Kɔ̃ ɔ mi.

Ni Tsumi 28:15

Benɛ nyɛmimɛ ɔmɛ nɛ ngɛ Roma a nu wa he ɔ, a ba kpee wɔ ngɛ he ko nɛ a tsɛɛ “Apio Jua nɔ” kɛ “Nibwɔhi a to he Etɛ” ɔ tɔɔ. Benɛ Paulo na mɛ ɔ, e na Mawu si, nɛ e tsui nɔ e mi fuaa.

Ni Tsumi 20:37

Mɛ tsuo a wo yana, benɛ a ngɛ Paulo fuae kɛ ngɛ e nya he fiɔe ɔ.

Luka 7:45

O fiɔ we ye nya he, nɛ o pee we mi atuu. Se kɛ je be nɛ i ba hiɛmɛ nɛ ɔ, yo nɛ ɔ jɔɔ we ye nane he fiɔmi.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Manyadali 11:34

Benɛ Yefta kpale kɛ ma e we ɔ mi ngɛ Mizpa, nɛ e maa hyɛ ɔ, e biyo ɔ ji nɛ ɔ nɛ je kpo kɛ ma lɛ kpee mi kɛ fao fiami, kɛ domi. Lɛ pɛ ji e bi; e be binyumu, loo biyo kpa ko ngɛ e se.

Mose IV, 22:36

Benɛ Balak nu kaa Balaam ma a, e ho nɛ e ya kpee lɛ ngɛ Ar tɔɔ. Ma nɛ ɔ ji ma ko nɛ ngɛ Arnon pa a nya, ngɛ Moab huzu ɔ nyagbe.

Mose I, 46:29

Yosef hi e zugba ta lɛ ɔ mi, nɛ e ho konɛ e ya kpee e tsɛ ngɛ Goshen. Benɛ a kpe hɛ mi kɛ hɛ mi ɔ, Yosef kɛ e nine kpla e tsɛ kuɛ mi, nɛ e fo ya ngɔ pue e nɔ hluu.

Mose I, 45:15

Jehanɛ, benɛ Yosef ngɛ ya foe kɛ mwɔɔ ɔ, e fua e nyɛmimɛ ɔmɛ kakaaka, nɛ e fiɔ a nya he. Kɛkɛ nɛ e nyɛmimɛ ɔmɛ kɛ lɛ bɔni ní sɛɛmi.

Mose I, 31:28

O ha we po nɛ i kɛ ye bibi ɔmɛ, kɛ ye biyi ɔmɛ nɛ ye sɛ. O ye kuasiahi a sane.

Mose I, 43:26

Benɛ Yosef ba we ɔ mi ɔ, a ngɔ nike ní ɔmɛ nɛ a hɛɛ kɛ ba a ngɔ ha lɛ, nɛ a kpla si nɛ a kɛ a hɛ mi bu si ngɛ e hɛ mi.

Mose II, 4:27

Yawɛ de Aaron ke, “Mose ma ngɛ nga a nɔ; yaa nɛ o ya kpee lɛ.” Kɛkɛ nɛ e ho nɛ e kɛ lɛ ya kpe ngɛ Mawu yo ɔ he; nɛ e fua lɛ atuu.

Mose II, 18:6

Nɛ e tsɔ ya de lɛ ke, “Imi, o ngatsɛ Yetro, kɛ o yo ɔ, kɛ o binyumuwi enyɔ ɔmɛ wa ma o ngɔ.”

Mose II, 33:7

Be tsuaa be nɛ Israel bi ɔmɛ ma ya to si ngɛ he ko ɔ, Mose maa ngɔ bo tsu nɛ ɔ nɛ e wo lɛ biɛ ke kpe he bo tsu ɔ kɛ ya ma ma sito he ɔ se tsitsaa. Nɔ tsuaa nɔ nɛ suɔ kaa e ma ya bi ní ngɛ Yawɛ ngɔ ɔ maa ya kpe he bo tsu ɔ mi ngɛ ma a sito he ɔ se tsitsaa a.

Samuel I, 17:18

Jehanɛ, moo hɛɛ wagasi nyɔngma nɛ ɔmɛ kɛ ya ha tatsɛ nɔkɔtɔma nɛ ngɛ a nya a. Slaa o nyɛmimɛ ɔmɛ nɛ o hyɛ bɔ nɛ a ngɛ, nɛ o kɛ okadi ko nɛ je a ngɔ kɛ ba.

Samuel I, 17:22

David si ní ɔmɛ ha tlomi nɔ hyɛlɔ ɔ, nɛ e gbɔ fo kɛ ho ta a nya ya ya fɔ e nyɛmimɛ ɔmɛ, nɛ́ e kɛ hyɛ a hwɔhwɔɛ.