Mose II, 18:3 - BAIBLO ALOO NGMAMI KLƆUKLƆU Ɔ

³ E kɛ e binyumuwi enyɔ ɔmɛ ho. A tsɛɛ nɔ kake ke Gershon; e sisi ji, “I ya to nubwɔ ngɛ ma se.”

Mose II, 18:3 ပူးပေါင်းရင်းမြစ်များ

Kronika I, 23:15

Mose binyumuhi ji Gershom kɛ Eliezer.

La 39:12

Yawɛ, i ngɛ kue fae kɛ ngɛ mo hae; i ngɛ mo tsɛe kɛ ngmlaa, kɛ ya; moo bu mi tue koo! Imi hu pe i ba to nubwɔ be kpiti kɛkɛ kaa ye nɛmɛ ɔmɛ nɔuu.

Mose II, 2:22

Zipora fɔ binyumu, nɛ Mose wo lɛ biɛ ke Gershon, nɛ e de ke, “I wo lɛ kikɛmɛ a biɛ nɛ ɔ, ejakaa i ba to nubwɔ ngɛ ma se zugba nɔ.”

Mose II, 4:20

Lɔ ɔ he ɔ, Mose ngɔ e yo ɔ, kɛ e binyumu ɔmɛ ngɔ hi teji nɔ, nɛ e kɛ mɛ pue nɔ kɛ ho Egipt zugba a nɔ ya. Mose kɛ̃ tso ɔ nɛ Mawu de lɛ ke e hɛɛ ɔ ngɔ ma e dɛ kɛ ho.

Ni Tsumi 7:29

Benɛ Mose nu munyu nɛ ɔ, e tu fo kɛ je Egipt, nɛ e ya to nibwɔ ngɛ Midian zugba a nɔ. E ya fɔ binyumuhi enyɔ ngɛ lejɛ ɔ.

Hebribi 11:13

Nimli nɛ ɔmɛ tsuo nɛ he Mawu ye ɔ, nɔ́ nɛ a wo mɛ he si ɔ, a nine sui nɔ loko a gbo. A na ní ɔmɛ ngɛ lokoo kɛkɛ nɛ a nya he, nɛ a ye odase ngɛ ma hɛ mi kaa nibwɔhi, kɛ ma se bi kɛkɛ ji mɛ.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

Manyadali 18:30

Dan bi ɔmɛ ngɔ amaga a kɛ ma si, nɛ a bɔni lɛ jami. Gershom binyumu Yonatan, Mose bibi ɔ, kɛ e bimɛ nɛ ba ngɛ e se ɔ, ye osɔfo ha Dan wɛtso ɔ kɛ ya si ligbi ɔ nɛ a nuu zugba a nɔ bi ɔmɛ nyɔguɛ.