Mose II, 18:26 - BAIBLO ALOO NGMAMI KLƆUKLƆU Ɔ

²⁶ Mɛ ji ni nɛmɛ nɛ kojoɔ ma a sanehi daa be tsuaa be. Mɛ nitsɛmɛ nɛ a buá sane tsɔwitsɔwihi a he; se sanehi nɛ a he wa lɛɛ a kɛ baa Mose ngɔ.

Mose II, 18:26 ပူးပေါင်းရင်းမြစ်များ

Mose II, 18:22

Ha nɛ mɛɛ a pee kojoli ngɛ ma a mi. Sanehi nɛ a he wa pe mɛ ɔ, ha a kɛ ba o hɛ mi; se sane tsɔwitsɔwihi lɛɛ mɛ nitsɛmɛ a ye. Ke o pee jã a, lɛɛ a maa kpee mo kɛ tloo ma a tlomi ɔ, nɛ pɔ be mo tɔe tsɔ.

Hiob 29:16

I pee kaa tsɛ kɛ ha dɛgutsɛmɛ, nɛ nihi nɛ i li mɛ po, i ye a sane ha mɛ.

Matsɛmɛ I, 10:1

Benɛ Sheba manyɛ nu bɔ nɛ Salomo he biɛ ha a, e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa.

Mose V, 17:8

“E ma nyɛ maa ba mi kaa sane komɛ a yemi kɛ he buámi nya maa wa tsɔ ha ma amɛ eko mi kojoli, kaa weto ní blɔ nya he pleemi sane komɛ kikɛ, loo kaa a plaa nɔ ko, loo sane komɛ nɛ a ngɛ mi hlae, konɛ a na kaa pe a je blɔ gbe nɔ ko nɛ e gbo ɔ, loo a li be nɛ a fia lɛ nɔ́ nɛ e gbo. Ke e ba lɛ ja a, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 1:17

Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’