Mose II, 18:21 - BAIBLO ALOO NGMAMI KLƆUKLƆU Ɔ

²¹ Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Mose II, 18:21 ပူးပေါင်းရင်းမြစ်များ

Ni Tsumi 6:3

Lɔ ɔ he ɔ, wa nyɛmimɛ, nyɛɛ hla nyɛ kpɛti ni kpaago, nihi nɛ ngɛ biɛ kpakpa; nihi nɛ Mumi Klɔuklɔu ɔ hyi mɛ tɔ, nɛ a le ní hulɔ, konɛ waa ngɔ mɛ ngɔ to ní tsumi nɛ ɔ nya.

Ezekiel 18:8

Ke e pa sika ha nɔ ko ɔ, e he we hekpa. E yɛ he nɛ a ngɛ yayami pee ngɛ, konɛ yayami ko sã lɛ. E kojoɔ nɔ kɛ e nyɛmi a kpɛti sane anɔkuale mi.

Samuel II, 23:3

Israel Mawu ɔ tu munyu, Tɛ sa a nɛ heɔ Israel yi wami ɔ de mi ke, “Nɔ nɛ kɛ dami sane yemi yeɔ nihi a nɔ, nɛ e kɛ Mawu gbeye yemi yeɔ ma nɔ ɔ,

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

Zakaria 8:16

Níhi nɛ sa kaa nyɛɛ pee ji nɛ ɔmɛ: nyɛɛ ye nyɛ sibi anɔkuale; nyɛɛ kɛ juɛmi kpakpa nɛ ye dami sane ngɛ nyɛ kojomi he ɔmɛ, konɛ tue mi jɔmi nɛ ba.

Zakaria 7:9

“Blema lokoo ɔ, i wo ye ma a mlaa nɛ ɔmɛ ke, ‘Nyɛɛ hyɛ nɛ a ye dami sane; nyɛ mi mi nɛ jɔ, nɛ nyɛɛ na nyɛ sibi mɔbɔ.

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Abɛ Womi 28:2

Ma nɛ peeɔ yayami ɔ, pe a hii ma nɔ yeli ɔmɛ tsakee nɔtonɔto kpamisa. Se ma nɛ ní leli, kɛ nɔ́ sisi nuli hiɛ ngɛ mi ɔ, e maa si kpɛii.

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.

Hiob 31:13

Ke ye tsɔlɔ nyumu, aloo ye mawayo ko kɛ mi na sane ɔ, i yeɔ sane ɔ ngɛ blɔ nɛ da nɔ.

Hiob 29:16

I pee kaa tsɛ kɛ ha dɛgutsɛmɛ, nɛ nihi nɛ i li mɛ po, i ye a sane ha mɛ.

Nehemia 7:2

I ngɔ nihi enyɔ ngɔ to Yerusalem kaa ma a nɔ hyɛli. Mɛ ji ye nyɛmi Hanani, kɛ Hanania, mɔ nɔ hyɛlɔ nɔkɔtɔma a. Hanania yeɔ anɔkuale, nɛ e yee Mawu gbeye pe nihi tsuo.

Nehemia 5:9

Kɛkɛ nɛ i ngɔ pi a hɛ mi ke, “Nɔ́ nɛ nyɛ ngɛ pee ɔ dɛ! E sa kaa nyɛɛ ye Mawu gbeye, nɛ nyɛɛ pee nɔ́ nɛ da. Ke nyɛ pee nɔ́ nɛ da a, wa he nyɛli ɔmɛ, nɛ ji ma je li ɔmɛ be nɔ́ ko nae nɛ a maa da nɔ kɛ bɔ wɔ ahlua.

Samuel I, 8:3

Mɛɛ a be kaa a tsɛ ɔ; mɛɛ a ya di sika se, nɛ a heɔ nyɔ mi ní, nɛ a plɛɔ sane hɛ mi ngɔ buɔ si.

Mose II, 18:25

Mose hla nyumuhi nɛ a nine si wa kɛ je Israel bi ɔmɛ a kpɛti, nɛ e wo mɛ nikɔtɔmahi ngɛ ma a nya. Ni komɛ hyɛɛ nimli nyɔngma nɔ, ni komɛ hyɛɛ nimli nyingmi enuɔ nɔ; ni komɛ hyɛɛ nimli lafa nɔ, nɛ ni komɛ hu hyɛɛ nimli akpe nɔ.

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yesaya 33:15

Ee, nɔ nɛ peeɔ nɔ́ nɛ da, nɛ e tuɔ anɔkuale, nɔ nɛ sume kaa e maa ye nɔ ko awi nɛ e kɛ na ní, nɛ e he we nyɔ mi ní hulɔ, nɔ nɛ tsiɔ e tue nɛ e ko nu muɔ si puemi sane ko, nɛ e kɛ e hɛngmɛ hyɛ we nɔ́ yaya a, e yi ma na wami.

Mose I, 42:18

Ligbi nɛ ji etɛ ɔ, Yosef de mɛ ke, “Imi lɛɛ i yeɔ Mawu gbeye; lɔ ɔ he ɔ, nɔ́ nɛ nyɛ maa pee kɛ he nyɛ yi wami ji nɛ ɔ nɛ.

Luka 18:4

Kojolɔ ɔ pee we nɔ́ ko nɔ́ ko ngɛ sane ɔ he hluu kɛ ya su be ko. Kɛkɛ nɛ e de ngɛ e yi mi ke, ‘E ngɛ mi kaa i yi Mawu gbeye, nɛ i bui adesa hulɔ,

Luka 18:2

E ke, “Kojolɔ ko hi ma ko mi; e yi Mawu gbeye ɔ, e bui adesa hulɔ.

Yesaya 16:5

Jehanɛ David nina ko ma ba ye matsɛ. Anɔkuale yemi kɛ suɔmi e kɛ maa ye ma a nɔ. E maa pee nɔ́ nɛ da; nɛ e maa ye dami sane.

Matsɛmɛ I, 18:12

Ke i je o ngɔ kɛ ho piɔ ɔ, Yawɛ mumi ɔ ma ba ngɔ mo kɛ ho he ko ya nɛ i li. Nɛ e maa ba mi kaa ke i ya de Ahab ke o ngɛ hiɛ ɔ, nɛ e ba, nɛ e ba nɛ mo ɔ, e maa gbe mi. Mo kai kaa kɛ je ye jokuɛ mi tɔɔ ɔ, i yee Yawɛ gbeye.

Matsɛmɛ I, 18:3

lɔ ɔ he ɔ, Ahab tsɛ Obadia, matsɛ we ɔ nɔ hyɛlɔ ɔ. (Obadia yeɔ Yawɛ gbeye wawɛɛ nitsɛ.

Samuel I, 8:12

E maa to tatsɛmɛ ngɛ ta buli akpehi, kɛ nyingmi enuɔɔnuɔ a nya. Ni komɛ ma hu ngmɔ nɛ a ma kpa ní ha lɛ, nɛ ni komɛ hu maa sɔ̃ ta hwumi níhi, kɛ ta zugba lɛ ɔmɛ a he níhi.

Yoshua 22:14

Ma nimeli nyɔngma, kɛ Finehas ho. Israel wɛtso nyɔngma amɛ nɛ ngɛ beleku je ɔ, a wɛtsoyihi ji ma nimeli nɛ ɔmɛ.

Mose IV, 10:4

Se ke a kpa kake pɛ lɛɛ Israel ma nimeli, nɛ ji wɛtsoyi ɔmɛ pɛ lɛ a kɛ mo ma ba kpe.

Mose I, 47:6

Egipt zugba a lɛ ngɛ o hɛ mi tilaa nɛ ɔ nɛ. Ha nɛ o tsɛ kɛ o nyɛmimɛ ɔmɛ nɛ a hi Goshen zugba a nɔ; lejɛ ɔ ji he nɛ hi pe zugba a tsuo. Ke o na kaa a ti ni komɛ le lohwe lɛmi ní tsumi nɛ ɔ saminya a, ha nɛ a ya hyɛ imi nitsɛ ye lohwe ɔmɛ a nɔ.”

Mose IV, 1:4

Wɛtso tsuaa wɛtso nɛ hla nɔ kake kɛ ba piɛ nyɛ he.”

Mose V, 22:18

Kɛkɛ ɔ, ma nimeli ɔmɛ nɛ a nu yiheyo ɔ huno ɔ, nɛ a fiaa lɛ kpa.

Ezra 7:25

“Mo Ezra, ngɔɔ nile nɛ Mawu ha mo ɔ kɛ tsu nɔ́ nɛ ɔ; moo hla ma a nɔ hyɛli, kɛ kojoli, nihi nɛ le o Mawu ɔ mlaa a, nɛ́ a hyɛ ye nɔ yemi he ɔ nɔ ngɛ pa a se. Ni nɛmɛ nɛ li mlaa a, tsɔɔ mɛ.

Hiob 1:1

Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

La 15:1

Yawɛ, mɛnɔ maa hi o bo tsu ɔ mi? O yoku klɔuklɔu ɔ nɔ ɔ, mɛnɔ maa hi lejɛ ɔ?

Mose II, 17:9

Mose de Yoshua ke, “Moo hla nyumu ɔmɛ ekomɛ, nɛ hwɔɔ a kɛ Amalek bi ɔmɛ ya hwu. Imi lɛɛ ma ya da yoku ɔ yi mi kɛ Mawu tso ɔ ngɛ ye dɛ mi.”

Samuel II, 18:1

Matsɛ David bua e we bi ɔmɛ a nya, nɛ e gba a mi kɛ wo kuuhi a mi, akpehi kɛ lafahi; nɛ e to tatsɛmɛ ngɛ a nya.