Mose II, 18:16 - BAIBLO ALOO NGMAMI KLƆUKLƆU Ɔ

¹⁶ Ke nɔ ko kɛ e nyɛmi na sane ɔ, a kɛ baa ye ngɔ nɛ i hyɛɛ mi, nɛ i tsɔɔ mɛ Mawu kita amɛ, kɛ Mawu blɔ nya tomi ɔmɛ.”

Mose II, 18:16 ပူးပေါင်းရင်းမြစ်များ

Samuel II, 15:3

Absalom ma de lɛ ke, “Hyɛ, o sane ɔ da, se matsɛ ɔ nane mi dalɔ ko be hiɛ ɔ nɛ maa ye o sane ɔ ha mo.”

Kronika II, 19:10

Ke nyɛ nyɛmimɛ kojoli ɔmɛ nɛ ngɛ ma amɛ a mi ɔ ngɔ sane ba ha nyɛ nɛ nyɛɛ hyɛ mi ɔ, muɔ si puemi sane jio, Mawu mlaa amɛ, aloo blɔ nya tomi ɔmɛ eko nɔ tɔmi sane jio, nyɛɛ tsɔɔ mɛ bɔ nɛ a ma plɛ kɛ ye sane ɔ ha, nɛ nyɛɛ piɛ a he kɛ ye sane ɔ ngɛ blɔ nɛ da nɔ. Ke nyɛ pee ja a, a be fɔ yee ngɛ Yawɛ hɛ mi; Yawɛ mi mi fumi be nyɛɛ kɛ nyɛ nyɛmimɛ ɔmɛ a nɔ bae. Bɔ nɛ nyɛ maa pee nɛ sɔ̃ be nyɛ tlooe ji nɛ ɔ nɛ.

Hiob 31:13

Ke ye tsɔlɔ nyumu, aloo ye mawayo ko kɛ mi na sane ɔ, i yeɔ sane ɔ ngɛ blɔ nɛ da nɔ.

Mose II, 18:17

Kɛkɛ nɛ Mose ngatsɛ ɔ de lɛ ke, “O blɔ nya tomi ɔ piɛ bɔɔ.

Mose II, 2:13

E nɔ jena a, benɛ Mose je kpo ekohu ɔ, e ya na Hebri bi enyɔ nɛ a ngɛ kunɔ nɔe. E bi nɔ nɛ nɔ́ dɛ ɔ ke, “Mɛni he je nɛ o ngɛ o nyɛmi ɔ nɔ fiae?”

Mose II, 23:7

Koo po sane ngɔ fɔ nɔ nɔ, nɛ nɔ nɛ pee we nɔ́ yaya ko ɔ, koo gbe lɛ; ejakaa nɔ nɛ peeɔ yayami kaa kikɛ nɛ ɔ, i kɛ e he be lɛ kee.

Mose II, 24:14

Mose de nikɔtɔma amɛ ke, “Nyɛɛ mlɛ wɔ ngɛ hiɛ ɔ kɛ yaa si wa maa kpale kɛ ba nyɛ ngɔ ekohu. Aaron kɛ Hur kɛ nyɛ maa hi hiɛ ɔ; lɔ ɔ he ɔ, ke nɔ ko ngɛ sane ko ɔ, e ya na mɛ.”

Mose III, 24:15

Jehanɛ, de Israel ma a tsuo ke, nɔ tsuaa nɔ nɛ maa gbiɛ Mawu ɔ, e musu tloo lɛ;

Mose IV, 15:35

Kɛkɛ nɛ Yawɛ de Mose ke, “A gbe nyumu ɔ; ma a tsuo nɛ ya fia lɛ tɛ ngɛ ma sito he ɔ se!”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

1 Korintobi 6:1

Ke nyɛ ti nɔ ko kɛ e nyɛmi asafo mi no na sane ɔ, e be he blɔ nɛ e kɛ sane ɔ ya haa nihi nɛ ja we Mawu nɛ a hyɛ mi ha mɛ. E sa nɛ e kɛ ya ha ni klɔuklɔu ɔmɛ.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.