Mose II, 18:12 - BAIBLO ALOO NGMAMI KLƆUKLƆU Ɔ

¹² Mose ngatsɛ Yetro ngɔ sami bɔ, kɛ bɔ kpa komɛ ba ha Yawɛ, nɛ Aaron kɛ Israel ma nimeli ɔmɛ tsuo ba, nɛ a kɛ Mose ngatsɛ ɔ ba bla kɛ ye bɔ sami ní ɔ ngɛ Mawu hɛ mi, nɛ a kɛ ja Mawu.

Mose II, 18:12 ပူးပေါင်းရင်းမြစ်များ

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 26:25

Isak ma bɔ sami la tɛ ngɛ lejɛ ɔ, nɛ e ja Yawɛ. Lɔ ɔ se ɔ, e ma e bo tsu ɔ, nɛ e nyɔguɛ ɔmɛ tsua vu kpa ngɛ lejɛ ɔ.

Mose I, 26:30

Isak tsɛ mɛ ní yemi nɛ a ye ní, nɛ a nu nɔ́ ko.

Mose I, 31:54

Yakob gbe lohwe nɛ e kɛ sã bɔ ngɛ yoku ɔ nɔ. E tsɛ e nyɛmimɛ ɔmɛ ní yemi; benɛ a ye ní ɔ gbe nya a, a hi yoku ɔ nɔ nyɔ ɔ mi tsuo.

Mose I, 4:4

Habel hu ngɔ kekleekle bi nɛ e jijɔ ɔmɛ eko fɔ ɔ kɛ ba. E gbe lɛ, nɛ e kɛ lo ɔ hehi nɛ wo zɔ ɔ sã bɔ. Yawɛ bua jɔ Habel kɛ e bɔ ɔ he.

Mose I, 43:25

A dla nike ní ɔmɛ nɛ a kɛ ma ha Yosef ɔ ngɔ to, konɛ ke e ba we ɔ mi piani nɛ a kɛ ha lɛ; ejakaa a nu kaa a maa ye ní ngɛ lejɛ ɔ.

Mose I, 8:20

Noa ma bɔ sami la tɛ ha Yawɛ, nɛ e ngɔ we mi lohwehi nɛ a he tsɔ ɔ eko tsuaa eko kɛ sã sami bɔ ngɛ nɔ: pɛlitsɛmɛ kɛ nane eywiɛɛywiɛtsɛmɛ.

Samuel II, 9:7

David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”

Kronika II, 30:22

Hezekia je Levi bi ɔmɛ a yi wawɛɛ nitsɛ, ejakaa a je a he kpo kaa nihi nɛ le Yawɛ sɔmɔmi ní tsumi ɔ saminya. Ma a ye Abolokplolo nyami be ɔ ligbi kpaago sɔuu; a sã tue mi jɔmi bɔhi, nɛ a na Yawɛ, a nɛmɛ a Mawu ɔ si. Ligbi kpaago ɔmɛ a se ɔ,

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Hiob 42:11

Hiob nyɛminyumuhi, e nyɛmiyihi, kɛ nihi nɛ le lɛ sa a tsuo ba slaa lɛ nɛ a kɛ lɛ ba ye ní ngɛ e we ɔ mi. A ye lɛ kɔmɔ nɛ a jɔɔ e bua ngɛ haomihi tsuo nɛ Yawɛ kɛ ba e nɔ ɔ a he. A ti nɔ tsuaa nɔ ke lɛ sika, kɛ sika tsu ga.

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

Mose II, 18:13

E nɔ jena a, Mose he sɛ, nɛ a kɛ ma sanehi ba e hɛ mi nɛ e kojo. E kojo kɛ je mɔtu kɛ ya si du bubui nɛ ni ɔmɛ daa si.

Mose II, 2:20

Yetro bi e biyi ɔmɛ ke, “Nɛ jije e ngɛ? Mɛni he je nyɛ je nyumu ɔ he? Nyɛ ya tsɛ lɛ kɛ ba nɛ e ba wo e nya mi nɔ́ ko.”

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Mose II, 24:11

Israel ma nimeli nɛ ɔmɛ na Mawu, se mohu Mawu kpataa we a hɛ mi. Nɛ a bla kɛ ye ní nɛ a nu ní.

Mose II, 24:5

Lɔ ɔ se ɔ, e tsɔ nihewi ɔmɛ ekomɛ nɛ a kɛ nahi ya sã sami bɔ, kɛ tue mi jɔmi bɔ kɛ ha Yawɛ.

Mose II, 3:1

Mose ngɛ e ngatsɛ Yetro, Midian osɔfo ɔ tohi hyɛe ngɛ nga a nɔ. Ligbi ko ɔ, e tsɔ̃ to ɔmɛ kɛ ya gu nga a nɔ, kɛ ya pã si ngɛ Mawu yo, Horeb ɔ he.

Mose II, 33:7

Be tsuaa be nɛ Israel bi ɔmɛ ma ya to si ngɛ he ko ɔ, Mose maa ngɔ bo tsu nɛ ɔ nɛ e wo lɛ biɛ ke kpe he bo tsu ɔ kɛ ya ma ma sito he ɔ se tsitsaa. Nɔ tsuaa nɔ nɛ suɔ kaa e ma ya bi ní ngɛ Yawɛ ngɔ ɔ maa ya kpe he bo tsu ɔ mi ngɛ ma a sito he ɔ se tsitsaa a.

Daniel 10:3

I yi niye ní kpakpa ko, i yi lo; dã yɛ ye nya mi, nɛ i kpa we nu kɛ ya si otsi etɛ ɔ tsuo be.

Mose IV, 10:29

Kɛkɛ nɛ Mose de e ngatsɛ Yetro, Midian no ɔ bi Hobab ke, “Wa ngɛ hiae kɛ yaa he nɛ Yawɛ de to ke e ma ha wɔ ɔ. Yawɛ nitsɛ wo Israel ní kpakpahi a he si. Lɔ ɔ he ɔ, ha waa ho nɛ waa kɛ mo ya ye wa kplɔkɔtɔ ɔ.”

Luka 14:1

Hejɔɔmi ligbi ko ɔ, Yesu ya ye ní ngɛ Farisi bi ɔmɛ a nikɔtɔma amɛ a ti nɔ kake we mi, nɛ nihi huɔ Yesu kaa a maa na nɔ́ ko ngɛ e he lo.

Luka 14:15

Benɛ nihi nɛ kɛ Yesu hii si ngɛ okplɔɔ ɔ he ɔ a ti nɔ kake nu enɛ ɔ, e de Yesu ke, “Nihi nɛ maa ye ní ngɛ Mawu matsɛ yemi ɔ mi ɔ, a gbaa mɛ pɛ!”

1 Korintobi 10:18

Yuda bi a kusumi, kɛ a hemi kɛ yemi ko tsɔɔ kaa nihi nɛ yeɔ ní nɛ a kɛ sã bɔ ɔ, guu enɛ ɔ peemi mi nɛ a kɛ bɔ sami la tɛ ɔ naa huɛ bɔmi.

1 Korintobi 10:21

Nyɛ be nyɛe maa nu Nyɔmtsɛ ɔ kplu ɔ, nɛ́ nyɛ ma ya nu mumi yayamihi hu a kplu. Nyɛ be nyɛe maa ye ní ngɛ Nyɔmtsɛ ɔ we okplɔɔ ɔ he, nɛ nyɛɛ kɛ mumi yayamihi hu ma ya ye ní.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Mose V, 27:7

Jehanɛ hu, nyɛɛ sã nyɛ tue mi jɔmi bɔ ɔmɛ, nɛ nyɛ bla nyɛɛ ye ní. Nyɛɛ na Yawɛ, nyɛ Mawu ɔ si ngɛ lejɛ ɔ.