Mose II, 18:11 - BAIBLO ALOO NGMAMI KLƆUKLƆU Ɔ

¹¹ Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Mose II, 18:11 ပူးပေါင်းရင်းမြစ်များ

La 95:3

Ejakaa Yawɛ ɔ, Mawu kpetekpleenyɛ ji lɛ; lɛ ji mawu ɔmɛ tsuo a matsɛ nguaa.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Kronika II, 2:5

We nɛ ma po nɛ ɔ maa kle agbo; ejakaa wa Mawu ɔ kle pe mawu ɔmɛ tsuo.

Luka 1:51

E kɛ e he wami kpetekpleenyɛ ɔ gbɛ he nɔ woli, kɛ a juɛmi yaya a tsuo ngɔ fĩa.

La 135:5

Imi lɛɛ i le kaa Yawɛ kle; Yawɛ kle pe mawu ɔmɛ tsuo kulaa.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

La 97:9

Yawɛ, je ɔ tsuo nɔ yelɔ ji mo; o kle; mawu ko mawu ko kɛ mo sɔɛ.

Kronika I, 16:25

Yawɛ kle, nɛ e sa yi jemi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

La 119:21

O kaa he woli a hɛ mi; á gbiɛ nihi nɛ tlaa blɔ kɛ jee o mlaa amɛ a he.

Nehemia 9:10

O pee okadihi, kɛ nyakpɛ níhi ngɛ Farao ɔ, kɛ e ma ní tsuli ɔmɛ, kɛ e ma a tsuo a hɛ mi, ejakaa o le bɔ nɛ a wa o ma a yi mi. O he biɛ kɛ je jamɛ a be ɔ mi tɔɔ kɛ ba su mwɔnɛ ɔ.

Matsɛmɛ II, 5:15

Lɔ ɔ se ɔ, e kɛ e we bi ɔmɛ tsuo kpale kɛ ho Mawu nɔmlɔ ɔ ngɔ ya, nɛ e ya de lɛ ke, “Kpaako loko i na kaa Mawu ko Mawu ko be je ɔ mi he ko he ko kaa ja Israel Mawu ɔ ngɛ hiɛmɛ nɛ ɔ. Lɔ ɔ he ɔ, ye nyɔmtsɛ, i kpa mo pɛɛ, nike ní bɔɔ ko nɛ i hɛɛ kɛ ba ha mo ji nɛ ɔ nɛ.”

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

La 31:23

Nyɛɛ suɔ Yawɛ, nyɛ e ni klɔuklɔuhi tsuo! Yawɛ baa nihi tsuo nɛ yeɔ lɛ anɔkuale ɔ a yi, se he nɔ woli lɛɛ e gblaa a tue bɔ nɛ sa mɛ.

Nehemia 9:29

O wo mɛ ga ke a ye o mlaa amɛ a nɔ, se a ya wo a he nɔ mohu, nɛ a yi mlaa amɛ a nɔ. A ye o mlaa amɛ a nɔ jinɛ a yi ko na wami. Se akɛnɛ a kuɛ wa, nɛ a bui nɔ́ ko nɔ́ ko he je ɔ, a kua mlaa amɛ a nɔ yemi.

Nehemia 9:16

Se wa nɛmɛ ɔmɛ ba wo a he nɔ nɛ a wa tue, nɛ a yi o mlaa amɛ a nɔ.

Matsɛmɛ I, 17:24

Yo ɔ he nɔ ke, “Kpaako loko i na kaa Mawu nɔmlɔ ji mo, nɛ Yawɛ tuɔ munyu kɛ guɔ o nɔ niinɛ!”

Samuel I, 2:3

Nyɛ kpa fiami munyu puu tumi; he nɔ womi munyu nɛ ko je nyɛ nya mi. Yawɛ ji Mawu nɛ le níhi tsuo, nɛ e kojoɔ nɔ́ tsuaa nɔ́ nɛ nimli peeɔ.

Mose II, 14:18

Nɛ ke i ye Farao ɔ kɛ e ta zugba lɛ ɔmɛ, kɛ e we okpɔngɔ ta buli ɔmɛ nɔ ɔ, Egipt bi ɔmɛ maa le kaa imi ji Yawɛ.”

Mose II, 14:8

Yawɛ kplii Egipt matsɛ ɔ tsui, nɛ be nɛ Israel bi ɔmɛ yaa kɛ gɛjɛmi ɔ, e fie a se.

Mose II, 12:12

“Jamɛ a nyɔ ɔ mi ɔ, ma gu Egipt zugba a nɔ kɛ be, nɛ ma gbe bitɛtehi tsuo nɛ ngɛ Egipt zugba a nɔ ɔ, kɛ a lohwe ɔmɛ hu a kekleekle bi kuhi. Egipt mawu ɔmɛ lɛɛ ma kpata mɛ tsuo pɛpɛɛpɛ a hɛ mi. Imi ji Yawɛ.

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 5:7

“Nyɛ ko ha ni ɔmɛ nga nɛ a kɛ pee bliikisi ɔ hu kaa sa a; nyɛ ha nɛ mɛ nitsɛmɛ a ya nɛ a ya fa nga a.

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Mose II, 1:22

Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Mose II, 1:10

Nyɛ ha waa to a he ga, ke pi ja a, a ma ba hiɛ tsɔ pe nine, nɛ ke ta ko ba a, a ma ya piɛ wa he nyɛli ɔmɛ a he, nɛ a kɛ wɔ maa hwu, nɛ a maa tu fo kɛ je.”

Mose IV, 33:4

Jamɛ a be ɔ mi ɔ, Egipt bi ɔmɛ ngɛ a bitɛte ɔmɛ tsuo nɛ Yawɛ gbe kɛ pueɔ si ɔ pue. Yawɛ pee nɔ́ nɛ ɔ kɛ tsɔɔ kaa e he wa kulaa pe Egipt mawu ɔmɛ.