Mose II, 18:10 - BAIBLO ALOO NGMAMI KLƆUKLƆU Ɔ

¹⁰ nɛ e de ke, “A je Yawɛ, nɔ nɛ je nyɛ kɛ je Farao ɔ kɛ Egipt bi ɔmɛ a dɛ mi ɔ yi.

Mose II, 18:10 ပူးပေါင်းရင်းမြစ်များ

Samuel II, 18:28

Ahimaaz kpa ngmlaa nɛ e de matsɛ ɔ ke, “Manye oo, manye!” Kɛkɛ nɛ e ba kpla si ngɛ matsɛ ɔ hɛ mi nɛ e kɛ e hɛ mi bu si, nɛ e de ke, “Nɛnɛ! A je Yawɛ, o Mawu ɔ yi. Nihi nɛ te si ngɔ wo mo ɔ, Yawɛ ha o ye a nɔ.”

Mose I, 14:20

Mawu Hiɔwe No nɛ ha o ye o he nyɛli ɔmɛ a nɔ ɔ, a je e yi!” Abram ha Melkizedek niha ní nɛ e ya kpɔ ɔ tsuo mi dlami nyɔngma mi kake.

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

1 Tesalonikabi 3:9

Nyɛ he ɔ, Mawu haa wɔ bua jɔmi babauu nɛ wa be nyɛe maa na lɛ si saasaa.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

La 41:13

A je Yawɛ, Israel Mawu ɔ yi! A je e yi mwɔnɛ nɛ ɔ; a je e yi daa. Amen!

Matsɛmɛ I, 8:15

E de ke, “A je Yawɛ, Israel Mawu ɔ yi; ejakaa si ko nɛ e wo tsaatsɛ David ɔ, e ye nɔ. Yawɛ de David ke,

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Samuel I, 15:6

Saul tsɔ ya de Ken bi ɔmɛ nɛ ji ni komɛ nɛ a nɛmɛ na Israel bi ɔmɛ mɔbɔ benɛ a je Egipt kɛ ma a ke, “Nyɛɛ je Amalek bi ɔmɛ a kpɛti, konɛ ma ko kpata nyɛɛ kɛ mɛ tsuo nyɛ hɛ mi.” Kɛkɛ nɛ Ken bi ɔmɛ je Amalek bi ɔmɛ a he.

Samuel I, 25:32

David de Abigail ke, “Yawɛ, Israel Mawu ɔ, nɔ nɛ tsɔ mo mwɔnɛ ligbi nɛ ɔ ke o kɛ mi nɛ ba kpe ɔ, a je e yi.

Matsɛmɛ I, 8:56

“A je Yawɛ yi; ejakaa e ha e ma a tue mi jɔmi kaa bɔ nɛ e de to ke e maa pee ɔ. Ní kpakpahi nɛ e wo si kɛ gu e tsɔlɔ, Mose nɔ kaa e maa pee ɔ, e pee mɛ tsuo pɛpɛɛpɛ.