Mose II, 18:1 - BAIBLO ALOO NGMAMI KLƆUKLƆU Ɔ

¹ Mose ngatsɛ Yetro, Midian osɔfo ɔ nu níhi tsuo nɛ Mawu pee ha Mose kɛ e ma Israel ɔ he, kɛ bɔ nɛ Yawɛ je mɛ kɛ je Egipt.

Mose II, 18:1 ပူးပေါင်းရင်းမြစ်များ

Mose II, 3:1

Mose ngɛ e ngatsɛ Yetro, Midian osɔfo ɔ tohi hyɛe ngɛ nga a nɔ. Ligbi ko ɔ, e tsɔ̃ to ɔmɛ kɛ ya gu nga a nɔ, kɛ ya pã si ngɛ Mawu yo, Horeb ɔ he.

Ni Tsumi 14:27

Benɛ a ba su Antiokia a, a bua asafo ɔ nya, nɛ a sɛɛ mɛ níhi tsuo nɛ Mawu kɛ mɛ ya tsu ɔ, kɛ bɔ nɛ e bli blɔ ngɔ ha ma je li ɔmɛ, nɛ mɛ hu a he ye.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

La 106:2

Ní nguanguahi tsuo nɛ Yawɛ pee ɔ, mɛnɔ ma nyɛ ma de? Mɛnɔ ma nyɛ ma je e yi bɔ nɛ sa?

La 105:43

Kɛkɛ nɛ e kpaka e ma nɛ e hla a kɛ je; a la, nɛ a hwɔ lele.

La 78:4

Wa be ní nɛ ɔmɛ ngɔe kɛ laa wa bimɛ. Yi nɔhi nɛ maa ba ngɛ se ɔ, ní nguanguahi nɛ Yawɛ tsu, nyakpɛ níhi nɛ e pee, kɛ he wami kpetekpleenyɛ nɛ e ngɛ ɔ, wa maa gba mɛ.

La 44:1

Mawu lee, wa nɛmɛ ɔmɛ sɛɛ ha wɔ; nɛ wɔ nitsɛmɛ hu wa nu kɛ wa tue. A gba wɔ ke blema a, o tsu ní nguanguahi ha mɛ.

La 34:2

Ma fĩa kɛ fɔ Yawɛ nɔ; nɔ́ nali maa nu he, nɛ a ma nya.

Yoshua 9:9

A de lɛ ke, “Wa kpa mo pɛɛ, wa je ma se tsitsaa he ko; nɛ wa nu Yawɛ, nyɛ Mawu ɔ he. Níhi tsuo nɛ e pee ngɛ Egipt ɔ, wa nu he,

Yoshua 2:10

Wa nu bɔ nɛ Yawɛ ha Wo Tsu ɔ mii ngɛ nyɛ hɛ mi be nɛ nyɛ je Egipt ɔ. Jehanɛ hu wa nu nɔ́ nɛ nyɛ pee Amor bi ɔmɛ a matsɛmɛ ɔmɛ ngɛ Yordan ɔ se ɔ. Wa nu bɔ nɛ nyɛ kpata Sihon kɛ Og a hɛ mi pɛsɛpɛsɛ ha.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Ni Tsumi 15:12

Jehanɛ kpe ɔ tsuo pee dii, konɛ a bu Barnaba kɛ Paulo tue. A bɔ kpe ɔ bɔ nɛ Mawu gu a nɔ kɛ tsu nyakpɛ níhi babauu ngɛ ma je li ɔmɛ a kpɛti.

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”

La 105:5

Nyɛ, Mawu tsɔlɔ Abraham nina! Yakob nina, nyɛ nɛ Mawu hla! Nyɛ kai nyakpɛ níhi nɛ Mawu pee, kɛ bɔ nɛ e kojo je ma amɛ.

Manyadali 4:11

Jamɛ a be ɔ, Ken no ɔ nɛ a tsɛɛ lɛ Heber ɔ tsɔ e he kɛ je Ken bi, nɛ ji Mose ngatsɛ Hobab nina a a he; nɛ e ya ma e bo tsu ɔ ngɛ tso ngua a nɛ ngɛ Zaananim ɔ he, ngɛ Kedesh kasa nya tɔɔ.

Mose IV, 10:29

Kɛkɛ nɛ Mose de e ngatsɛ Yetro, Midian no ɔ bi Hobab ke, “Wa ngɛ hiae kɛ yaa he nɛ Yawɛ de to ke e ma ha wɔ ɔ. Yawɛ nitsɛ wo Israel ní kpakpahi a he si. Lɔ ɔ he ɔ, ha waa ho nɛ waa kɛ mo ya ye wa kplɔkɔtɔ ɔ.”

Mose II, 4:18

Mose kpale kɛ ho e ngatsɛ Yetro ngɔ ya nɛ e ya de lɛ ke, “I kpa mo pɛɛ, ha mi blɔ nɛ ma kpale kɛ ya Egipt, nɛ ma ya hyɛ kaa ye nyɛmimɛ ɔmɛ ngɛ je mi kɛ mwɔɔ lo.” Yetro de Mose ke, “Blɔ ngɛ faa; blɔ ɔ nɔ nɛ jɔ ha mo.”

Mose II, 2:21

Mose kplɛɛ kaa e kɛ osɔfo ɔ maa hi si. Pee se ɔ, osɔfo ɔ ngɔ e biyo Zipora ngɔ ha Mose.

Mose II, 2:18

Benɛ a kpale kɛ ba a tsɛ ɔ ngɔ ɔ, e bi mɛ ke, “Mwɔnɛ ɔ lɛɛ kɛ pee kɛɛ nɛ nyɛ ba mla kikɛ nɛ ɔ?”

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Manyadali 1:16

Mose ngatsɛ, Ken no ɔ nina nɛ ji Ken bi ɔmɛ, kɛ Yuda bi ɔmɛ je Yeriko, tã ma a mi kɛ ba Yuda nga a nɔ, ngɛ Arad leneyi je, nɛ a kɛ Amalek bi ɔmɛ ba hi si ngɛ lejɛ ɔ.