Mose II, 17:9 - BAIBLO ALOO NGMAMI KLƆUKLƆU Ɔ

⁹ Mose de Yoshua ke, “Moo hla nyumu ɔmɛ ekomɛ, nɛ hwɔɔ a kɛ Amalek bi ɔmɛ ya hwu. Imi lɛɛ ma ya da yoku ɔ yi mi kɛ Mawu tso ɔ ngɛ ye dɛ mi.”

Mose II, 17:9 ပူးပေါင်းရင်းမြစ်များ

Mose V, 32:44

Mose kɛ Nun bi, Yoshua kane la nɛ ɔ mi munyu ɔmɛ saminya kɛ tsɔɔ Israel ma a, nɛ mɛ tsuo a nu.

Mose II, 24:13

Mose kɛ e tsɔlɔ Yoshua dla a he, konɛ a kuɔ Mawu yo ɔ.

Mose II, 4:20

Lɔ ɔ he ɔ, Mose ngɔ e yo ɔ, kɛ e binyumu ɔmɛ ngɔ hi teji nɔ, nɛ e kɛ mɛ pue nɔ kɛ ho Egipt zugba a nɔ ya. Mose kɛ̃ tso ɔ nɛ Mawu de lɛ ke e hɛɛ ɔ ngɔ ma e dɛ kɛ ho.

Mose II, 4:2

Kɛkɛ nɛ Yawɛ bi lɛ ke, “Mɛni lɛ ngɛ o dɛ mi ɔ?” Mose he nɔ ke, “Tso.”

Hebribi 4:8

Ejakaa kaa Yoshua ha mɛ he jɔɔmi ɔ, jinɛ Mawu ko tu we ligbi kpa ko he munyu hu pee se.

Ni Tsumi 7:45

Benɛ wa nɛmɛ ɔmɛ a nine su nɔ ɔ, a kɛ Yoshua hɛɛ lɛ kɛ ba je ma amɛ a zugba a nɔ. Zugba nɛ ɔ nɔ nɛ Mawu fie je ma amɛ kɛ je ha wa nɛmɛ ɔmɛ. Hiɛ ɔ bo tsu ɔ hi kɛ ba su David be ɔ mi.

Mose IV, 11:28

Kɛkɛ nɛ Nun binyumu Yoshua, nɛ ji Mose sɔmɔlɔ kɛ je e nihe mi ɔ tu munyu nɛ e de ke, “Ye nyɔmtsɛ Mose, ha nɛ a kpa nɔ́ nɛ a ngɛ pee ɔ!”

Mose II, 17:13

Nɛ Yoshua ye Amalek bi ɔmɛ a nɔ butuu.

Mose IV, 13:16

Nyumuhi nɛ Mose tsɔ ke a ya slaa zugba a, a biɛhi ji nɛ ɔmɛ nɛ. Se Nun bi Hoshea lɛɛ Mose tsake e biɛ kɛ pee Yoshua.

Mose II, 4:17

Moo hɛɛ o tso ɔ, nɛ lɔ ɔ ji nɔ́ nɛ o kɛ maa pee nyakpɛ ní ɔmɛ ɔ nɛ.”

Yoshua 8:18

Jehanɛ, Yawɛ de Yoshua ke, “Wo akplɔ nɛ o hɛɛ ɔ kɛ tsɔɔ Ai; ejakaa ma ngɔ ma a ngɔ wo o dɛ.” Yoshua pee kaa bɔ nɛ a de lɛ ɔ.

Kronika I, 7:27

Nun, Nun fɔ Yoshua.

Mose II, 18:21

Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Mose II, 33:11

Yawɛ kɛ Mose maa tu munyu hɛ mi kɛ hɛ mi kaa bɔ nɛ nɔ kɛ e huɛ tuɔ munyu ɔ. Ke Mose kpale e se kɛ ba ma a sito he ɔ, e tsɔlɔ niheyo wayoo nɛ ji Nun binyumu Yoshua lɛɛ e ji kpe he bo tsu ɔ mi.

Mose IV, 27:18

Yawɛ de Mose ke, “Yaa ngɔ Nun binyumu Yoshua, nɛ o kɛ o nine pue e yi mi. Nɔmlɔ nɛ ɔ, ye mumi ɔ ngɛ e mi, nɛ e ma nyɛ ma tsu ní ɔ.

Yoshua 8:3

Yoshua kɛ tabo ɔ tsuo dla a he konɛ a ya tua Ai. E hla katsɛmɛ akpe nyingmi etɛ sɔuu, nɛ e wo mɛ blɔ nyɔ mi.