Mose II, 17:7 - BAIBLO ALOO NGMAMI KLƆUKLƆU Ɔ

⁷ Mose wo lejɛ ɔ biɛ ke Masa kɛ Meriba, nɛ e de ke, “I wo kikɛmɛ a biɛ nɛ ɔ, ejakaa lejɛ ɔ nɛ Israel bi ɔmɛ pia Yawɛ ngɛ, nɛ lejɛ ɔ nɔuu a ka lɛ ngɛ benɛ a bi ke, ‘Anɛ Yawɛ ngɛ wa kpɛti, aloo e be?’ ɔ.”

Mose II, 17:7 ပူးပေါင်းရင်းမြစ်များ

La 81:7

Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

La 95:8

“Nyɛ ko kplii nyɛ tsui kaa bɔ nɛ nyɛ nɛmɛ ɔmɛ pee ligbi ko ngɛ Masa nga a nɔ ngɛ Meriba a.

Mose IV, 20:13

Sane nɛ ɔ ba ngɛ Meriba. Lejɛ ɔ ji he nɛ Israel bi ɔmɛ kɛ Yawɛ pɛ ngɛ; nɛ lejɛ ɔ nɛ e je e he kpo ngɔ tsɔɔ mɛ ngɛ kaa Mawu klɔuklɔu.

Mose V, 9:22

“Nyɛ wo Yawɛ, nyɛ Mawu ɔ mi mi la ngɛ Tabera, Masa, kɛ Kibrot hulɔ.

Mose II, 17:2

Lɔ ɔ he ɔ, ma a pia Mose, nɛ a de lɛ ke, “Ha wɔ nyu nɛ waa nu!” Mose de mɛ ke, “Mɛni he je nyɛ ngɛ mi piae? Mɛni he je nɛ nyɛ ngɛ Yawɛ kae ɔ?”

Mose IV, 20:24

“Aaron ma gbo, nɛ e nane enyɔ be zugba a nɛ i ngɔ ha Israel ma a nɔ mae; ejakaa nyɛ ni enyɔ ɔmɛ nyɛ tsɔ atuã wo mi ngɛ Meriba nyu ɔ he.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yoshua 22:31

Osɔfo Eleazar bi Finehas de mɛ ke, “Jehanɛ lɛɛ wa na kaa Yawɛ kɛ wɔ ngɛ. Nyɛ tsɔ we e hɛ mi atuã; mohu ɔ, nyɛ je Israel bi ɔmɛ kɛ je tue gblami nɛ Yawɛ kɛ maa ba a nɔ ɔ mi.”

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,

Mose IV, 27:14

ejakaa nyɛ ni enyɔ ɔmɛ tsuo nyɛ tsɔ ye hɛ mi atuã ngɛ Zin nga a nɔ. Benɛ Israel ma a te si ngɔ wo mi ngɛ Meriba a, nyɛ je we ye he wami klɔuklɔu ɔ kpo kɛ tsɔɔ we mɛ kaa bɔ nɛ i fa nyɛ ɔ.” (Meriba ji taku ko ngɛ Kadesh ngɛ Zin nga a nɔ.)

Mose V, 6:16

“Nyɛ ko ka Yawɛ, nyɛ Mawu ɔ kaa bɔ nɛ nyɛ pee ngɛ Masa a.

Mose V, 33:8

Jehanɛ, Mose gbaa Levi wɛtso ɔ hulɔ ke, “Yawɛ, mo je o suɔmi kpo kɛ gu Tumim kɛ Urim a nɔ. Ní nɛ ɔmɛ ji níhi nɛ Levi bi ɔmɛ, nɛ ji sɔmɔli nɛ yeɔ mo anɔkuale ɔ kɛ biɔ mo gbi ɔ nɛ. O ka Levi wɛtso ɔ ngɛ Masa, nɛ o kɛ mɛ pɛ ngɛ Meriba pa a nya.

La 78:18

A bi Mawu ke e ha mɛ niye ní nɛ mɛɛ a ngɛ hlae ɔ, nɛ a kɛ nɔ́ nɛ ɔ peemi ka Mawu.

La 81:8

Ye ma, nyɛɛ bu tue nɛ ma wo nyɛ ga. Israel bi, i na nɛ nyɛ bu mi tue!

La 106:32

Ma a wo Yawɛ mi mi la ngɛ Meriba pa a nya. A kɛ Mose wo haomi mi ngɛ nɔ́ nɛ a pee ɔ he.