Mose II, 16:8 - BAIBLO ALOO NGMAMI KLƆUKLƆU Ɔ

⁸ Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Mose II, 16:8 ပူးပေါင်းရင်းမြစ်များ

Romabi 13:2

Lɔ ɔ he ɔ, nɔ tsuaa nɔ nɛ teɔ si kɛ siɔ blɔ nya nɛ ɔ, Mawu blɔ nya tomi ɔ e nɛ ngɛ si tee kɛ ngɛ woe ɔ nɛ; nɛ nɔ tsuaa nɔ nɛ peeɔ ja a, Mawu maa gbla e tue.

Samuel I, 8:7

nɛ Yawɛ de lɛ ke, “Nɔ́ tsuaa nɔ́ nɛ ma a bi mo ɔ, moo pee ha mɛ. Pi mo nɛ a kua a; imi mohu nɛ a kua ke ma ko ye a nɔ matsɛ ɔ nɛ.

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Mose IV, 14:27

“Mɛni be ma yiwutsotsɛmɛ nɛ ɔmɛ maa hɔɔ nya si kɛ wo mi kɛ yaa si? Munyu huitihuiti nɛ Israel ma a ngɛ tue kɛ ngɛ mi sie ɔ, i nu.

Mose IV, 21:7

Kɛkɛ nɛ ma a ba Mose ngɔ, nɛ a ba de ke, “Wa pee yayami kaa wa tu munyu kɛ si Yawɛ, kɛ mo hulɔ. Mo kpa Yawɛ pɛɛ nɛ e ba je sinɔ ɔmɛ kɛ je wa kpɛti.” Kɛkɛ nɛ Mose kpa pɛɛ ha ma a,

1 Korintobi 10:10

Wa ko tu munyu huitihuiti kaa bɔ nɛ a ti ni komɛ pee, nɛ bɔfo nɔ́ puɛlɔ ɔ kpata a hɛ mi ɔ.

Yohane 13:20

I ngɛ nyɛ dee anɔkuale mi ke, nɔ tsuaa nɔ nɛ heɔ nɔ nɛ i tsɔ lɛ atuu ɔ, imi nɔuu e he ɔ nɛ; nɛ nɔ tsuaa nɔ nɛ heɔ mi ɔ, nɔ nɛ tsɔ mi ɔ e he ɔ nɛ.”

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Mateo 9:4

Se Yesu na a juɛmi ɔ, nɛ e bi ke, “Mɛni he je nyɛ ngɛ ní yayahi susue ngɛ nyɛ tsui mi ɔ?

Yesaya 37:29

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi; ma wo o nya mi dade, nɛ ma kpale mo kɛ gu blɔ nɛ o gu kɛ ba a nɔ.”

Yesaya 32:6

Ejakaa kuasia tuɔ munyu basabasa, nɛ e toɔ ga kaa e maa pee yayami. E tuɔ munyu, nɛ e peeɔ nɔ́ basabasa kɛ siɔ Yawɛ. Nɔ nɛ hwɔ ngɛ lɛ yee ɔ, e ha we lɛ nɔ́ ko nɛ e yeɔ kɔkɔɔkɔ, nɛ nɔ nɛ kuma ngɛ lɛ yee hu e ha we lɛ nyu tete po nɛ e nuɔ.

Mose II, 16:12

“I nu Israel bi ɔmɛ a nya si hɔɔmi ɔ. De mɛ ke gbɔkuɛ nya si nɛ ɔ, nyɛ ma na lo maa ye, nɛ mɔtu ɔ, nyɛ ma na abolo maa ye nɛ nyɛ maa tɔ, kɛkɛ nyɛ maa le kaa imi ji Yawɛ, nyɛ Mawu ɔ nɛ.”

Mose II, 16:9

Mose de Aaron ke, “De Israel ma a kulaa ke a hɛ mɛ kɛ su Yawɛ he, ejakaa e nu a munyu huitihuiti ɔmɛ.”

Mose II, 17:2

Lɔ ɔ he ɔ, ma a pia Mose, nɛ a de lɛ ke, “Ha wɔ nyu nɛ waa nu!” Mose de mɛ ke, “Mɛni he je nyɛ ngɛ mi piae? Mɛni he je nɛ nyɛ ngɛ Yawɛ kae ɔ?”

Mose IV, 11:18

Jehanɛ, mo de ma a ke, ‘Nyɛɛ tsukɔ nyɛ he kɛ ha hwɔɔ; ejakaa nyɛ maa ye de lo. Benɛ de lo jlo nyɛ, nɛ nyɛ fo he ya, nɛ nyɛ de ke nyɛ he mi jɔ nyɛ ngɛ Egipt zugba a nɔ mohu ɔ, Yawɛ nu. Lɔ ɔ he ɔ, Yawɛ ma ha nyɛ de lo nɛ nyɛɛ ye.